52 പദ്ധതികളിൽ 720 കോടി നിക്ഷേപിച്ച് ‘ശു​റൂ​ഖ്’

ഷാ​ർ​ജ: എ​മി​റേ​റ്റി​ന്‍റെ വ​ള​ർ​ച്ച​യി​ൽ നി​ർ​ണാ​യ​ക​മാ​യ നി​ക്ഷേ​പ​ങ്ങ​ളു​ടെ​യും വി​ക​സ​ന​ത്തി​ന്റെ​യും തൊ​ഴി​ല​വ​സ​ര​ങ്ങ​ളു​ടെ​യും ക​ണ​ക്കു​ക​ൾ പു​റ​ത്തു​വി​ട്ട് ഷാ​ർ​ജ നി​ക്ഷേ​പ വി​ക​സ​ന അ​തോ​റി​റ്റി (ശു​റൂ​ഖ്).

ഷാ​ർ​ജ​യു​ടെ വി​വി​ധ​ഭാ​​ഗ​ങ്ങ​ളി​ലെ 52 പ​ദ്ധ​തി​ക​ളി​ലൂ​ടെ ആ​റു​കോ​ടി ച​തു​ര​ശ്ര അ​ടി ഭൂ​മി​യി​ൽ വി​ക​സ​നം ന​ട​പ്പാ​ക്കു​ക​യും ഇ​തി​നാ​യി 720 കോ​ടി ദി​ർ​ഹം ചെ​ല​വ​ഴി​ക്കു​ക​യും ചെ​യ്ത​താ​യി റി​പ്പോ​ർ​ട്ടി​ൽ വ്യ​ക്ത​മാ​ക്കി.

മൂ​ന്ന് വ​ൻ​കി​ട റി​യ​ൽ എ​സ്റ്റേ​റ്റ് പ​ദ്ധ​തി​ക​ൾ, 18 വി​നോ​ദ​കേ​ന്ദ്ര​ങ്ങ​ൾ, 10 ഹോ​സ്പി​റ്റാ​ലി​റ്റി പ​ദ്ധ​തി​ക​ൾ, 7.7 കി​ലോ​മീ​റ്റ​ർ ബീ​ച്ച് വി​ക​സ​നം എ​ന്നി​വ ഇ​തു​വ​രെ​യാ​യി പൂ​ർ​ത്തി​യാ​ക്കി. നേ​രി​ട്ടും അ​ല്ലാ​തെ​യു​മാ​യി സ്വ​ദേ​ശി​ക​ളും വി​ദേ​ശി​ക​ളു​മ​ട​ക്കം 5,000 പേ​ർ​ക്ക് തൊ​ഴി​ൽ ന​ൽ​കി. സ്ഥാ​പി​ത​മാ​യി 15 വ​ർ​ഷം പൂ​ർ​ത്തീ​ക​രി​ക്കു​ന്ന വേ​ള​യി​ലാ​ണ് ശു​റൂ​ഖി​ന്റെ നേ​തൃ​ത്വ​ത്തി​ൽ ന​ട​ത്തി​യ പ്ര​വ​ർ​ത്ത​ന​ങ്ങ​ളു​ടെ വി​ശ​ദ റി​പ്പോ​ർ​ട്ട് പ്ര​സി​ദ്ധീ​ക​രി​ച്ച​ത്.

ത​ദ്ദേ​ശീ​യ​രും പ്ര​വാ​സി​ക​ളു​മാ​യ ജ​ന​ങ്ങ​ൾ​ക്ക് ഒ​രേ​പോ​ലെ അ​ടു​പ്പം തോ​ന്നു​ന്ന​തും ആ​സ്വ​ദി​ക്കാ​നാ​വു​ന്ന വി​നോ​ദ​കേ​ന്ദ്ര​ങ്ങ​ൾ, സു​സ്ഥി​ര​വി​ക​സ​ന ആ​ശ​യ​ങ്ങ​ളി​ൽ ഊ​ന്നി​യു​ള്ള റി​യ​ൽ എ​സ്റ്റേ​റ്റ് പ​ദ്ധ​തി​ക​ൾ, ക​ല​യെ​യും സാം​സ്കാ​രി​ക പ്ര​വ​ർ​ത്ത​ന​ങ്ങ​ളെ​യും പ്രോ​ത്സാ​ഹി​പ്പി​ക്കു​ന്ന കേ​ന്ദ്ര​ങ്ങ​ൾ, ഇ​മാ​റാ​ത്തി പാ​ര​മ്പ​ര്യ​വും ച​രി​ത്ര​വും സം​ര​ക്ഷി​ക്കാ​നു​ള്ള പ്ര​ത്യേ​ക ദൗ​ത്യ​ങ്ങ​ൾ എ​ന്നി​ങ്ങ​നെ വൈ​വി​ധ്യ​മാ​ർ​ന്ന​താ​ണ് ശു​റൂ​ഖി​ന്റെ പ്ര​വ​ർ​ത്ത​ന​ങ്ങ​ൾ. യു.​എ.​ഇ സു​പ്രീം കൗ​ൺ​സി​ൽ അം​​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ ഡോ. ​സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യു​ടെ ആ​ശ​യ​ങ്ങ​ളി​ലൂ​ന്നി​യാ​ണ് ശു​റൂ​ഖി​ന് ഈ ​നേ​ട്ടം കൈ​വ​രി​ക്കാ​നാ​യ​തെ​ന്ന് ചെ​യ​ർ​പേ​ഴ്സ​ൻ ​ശൈ​ഖ ബു​ദൂ​ർ ബി​ൻ​ത് സു​ൽ​ത്താ​ൻ അ​ൽ ഖാ​സി​മി പ​റ​ഞ്ഞു. തു​ട​ക്കം മു​ത​ൽ നി​ക്ഷേ​പ കേ​ന്ദ്രീ​കൃ​ത​മാ​യ വി​ക​സ​ന അ​തോ​റി​റ്റി എ​ന്ന​തി​ല​പ്പു​റം വേ​റി​ട്ട കാ​ഴ്ച​പ്പാ​ടു​ക​ൾ മു​ന്നോ​ട്ടു​വെ​ക്കാ​ൻ ശു​റൂ​ഖി​ന് ക​ഴി​ഞ്ഞി​ട്ടു​ണ്ടെ​ന്ന് സി.​ഇ.​ഒ അ​ഹ​മ്മ​ദ് അ​ൽ ഖ​സീ​ർ പ​റ​ഞ്ഞു.

ഖോ​ർ​ഫ​ക്കാ​ൻ ബീ​ച്ച്, അ​ൽ ഹി​റ ബീ​ച്ച്, അ​ൽ മ​ജാ​സ് വാ​ട്ട​ർ​ഫ്ര​ണ്ട്, അ​ൽ ഖ​സ്ബ, അ​ൽ മു​ൻ​ത​സ പാ​ർ​ക്ക്, ഫ്ലാ​​ഗ് ഐ​ല​ൻ​ഡ്, ക​ൽ​ബ ബീ​ച്ച് എ​ന്നി​ങ്ങ​നെ, ഷാ​ർ​ജ​യു​ടെ വി​നോ​ദ​സ​ഞ്ചാ​ര മേ​ഖ​ല​യി​ൽ വ​ലി​യ മാ​റ്റ​ങ്ങ​ളു​ണ്ടാ​ക്കി​യ 18 വി​നോ​ദ​പ​ദ്ധ​തി​ക​ളാ​ണ്​ ശു​റൂ​ഖി​ന്റെ നേ​തൃ​ത്വ​ത്തി​ൽ രൂ​പം​കൊ​ണ്ട​ത്.

ക​ലാ-​സാം​സ്കാ​രി​ക പ്ര​വ​ർ​ത്ത​ന​ങ്ങ​ളും അ​തി​ലൂ​ന്നി​യു​ള്ള വി​നോ​ദ​സ​ഞ്ചാ​ര​വും പ്രോ​ത്സാ​ഹി​പ്പി​ക്കാ​നാ​യി 44.7കോ​ടി ചെ​ല​വ​ഴി​ച്ച് അ​ൽ നൂ​ർ ഐ​ല​ൻ​ഡ്, ഹാ​ർ​ട്ട് ഓ​ഫ് ഷാ​ർ​ജ, മ​റാ​യ ആ​ർ​ട്ട് സെ​ന്റ​ർ എ​ന്നീ കേ​ന്ദ്ര​ങ്ങ​ളു​മൊ​രു​ക്കി​യി​ട്ടു​ണ്ട്. വാ​യ​ന​യും ച​രി​ത്ര​വും സാ​ഹ​സി​ക വി​നോ​ദ​സ​ഞ്ചാ​ര​വു​മെ​ല്ലാം സ​മ്മേ​ളി​ക്കു​ന്ന മെ​ലീ​ഹ ദേ​ശീ​യോ​ദ്യാ​നം, ഹൗ​സ് ഓ​ഫ് വി​സ്ഡം ലൈ​ബ്ര​റി എ​ന്നി​വ​യും ശു​റൂ​ഖി​ന്റെ നേ​ട്ട​ങ്ങ​ളു​ടെ പ​ട്ടി​ക​യി​ലു​ള്ള​താ​ണ്. മ​ർ​യം ഐ​ല​ൻ​ഡ്, ഷാ​ർ​ജ സ​സ്റ്റൈ​ന​ബി​ൾ സി​റ്റി, അ​ജ്‍വാ​ൻ ഖോ​ർ​ഫ​ക്കാ​ൻ എ​ന്നി​ങ്ങ​നെ മൂ​ന്ന് പ്ര​ധാ​ന​പ്പെ​ട്ട റി​യ​ൽ എ​സ്റ്റേ​റ്റ് പ​ദ്ധ​തി​ക​ളി​ലാ​യി 500 കോ​ടി ദി​ർ​ഹം നി​ക്ഷേ​പ​മാ​ണ് ശു​റൂ​ഖ് ന​ട​ത്തി​യി​ട്ടു​ള്ള​ത്. നേ​രി​ട്ടും അ​ല്ലാ​തെ​യു​മാ​യി ഇ​തു​വ​രെ 5000 പേ​ർ​ക്ക് തൊ​ഴി​ൽ ന​ൽ​കാ​നും ശു​റൂ​ഖി​ന്​ ക​ഴി​ഞ്ഞി​ട്ടു​ണ്ടെ​ന്ന്​ റി​പ്പോ​ർ​ട്ടി​ൽ വ്യ​ക്ത​മാ​ക്കി.