സി.ഇ.എഫ് ബിഗ് ഷോപ്പറിന്​  തിരക്കോടെ തുടക്കം

ഷാര്‍ജ: സി.ഇ.എഫ് ബിഗ് ഷോപ്പര്‍ രണ്ടാം അധ്യായത്തി​െൻർ വാതിലുകള്‍ വന്‍ജനാവലിയുടെ സാന്നിധ്യത്തില്‍ ഷാര്‍ജ അല്‍ താവൂനിലെ എക്സ്പോ സ​​െൻററില്‍ തുറന്നു. ലോകോത്തര കമ്പനികളുടെ സാധന-സാമഗ്രികള്‍ വൻ വിലക്കുറവിലാണ്​ വിൽക്കുന്നത്​.നിരത്തിയ സാധനങ്ങള്‍ മിനുട്ടുകള്‍ക്കുള്ളില്‍ കാലിയാകുന്ന കാഴ്​ചയായിരുന്നു ബുധനാഴ്ച എക്സ്പോ സ​​െൻററിൽ.  മൊബൈല്‍, ലാപ്ടോപ്, വസ്ത്രങ്ങള്‍, ഇലക്ട്രോണിക്സ് സാമഗ്രികള്‍, വാച്ചുകള്‍, പാദരക്ഷകള്‍, ഗൃഹാലങ്കാര വസ്തുക്കള്‍, വ്യായാമത്തിനുള്ള ഉപകരണങ്ങള്‍, തുകല്‍ ഉത്പന്നങ്ങള്‍, സുഗന്ധ ദ്രവ്യങ്ങള്‍ തുടങ്ങിയവയുടെ വന്‍ നിരയാണ് എത്തിയിരിക്കുന്നത്. 120 ദിര്‍ഹത്തിന് വില്‍ക്കുന്ന മുന്തിയ കമ്പനിയുടെ പാൻറ്​സുകള്‍ 20 ദിര്‍ഹത്തിന്​ ലഭിക്കും. 

വിപണി വിലയെക്കാളും വന്‍ കുറവില്‍ നിരത്തുന്ന മൊബൈലുകള്‍ തട്ടിലെത്താൻ കാത്തുൽക്കുകയാണ്​ ആവശ്യക്കാര്‍. അരമണിക്കൂര്‍ ഇടവിട്ടുള്ള ആദായ വില്‍പ്പനയും നടക്കുന്നു. ഒന്നെടുത്താല്‍ വെറൊന്ന് സൗജന്യമായി നേടാനുള്ള അവസരവും ഉണ്ട്. ലോകോത്തര ബ്രാൻഡുകളുടെ സുഗന്ധദ്രവ്യങ്ങള്‍ പകുതിയിലേറെ വിലക്ക്​ ലഭിക്കും. ഷര്‍ട്ട്, ടീഷര്‍ട്ട്, ത്രിഫോര്‍ത്ത്, കായിക വസ്ത്രങ്ങള്‍ എന്നിവക്കും വിലകുറവ് തന്നെ. സ്ത്രീകള്‍ക്കും കുട്ടികള്‍ക്കുമായി അതിവിശാലമായ സൗകര്യമാണ് ഒരുക്കിയിരിക്കുന്നത്.  കുട്ടികളെ രസിപ്പിക്കാനുള്ള കോമാളികളും യഥേഷ്​ടം.  ശനിയാഴ്ച വരെ നീളുന്ന കച്ചവട മാമാങ്കത്തിലേക്ക് പ്രവേശിക്കാന്‍ അഞ്ച് ദിര്‍ഹം നല്‍കണം. 12 വയസിന് താഴെ പ്രായമുള്ള കുട്ടികള്‍ക്ക് പ്രവേശനം സൗജന്യം. വാഹനം നിറുത്താനുള്ള സൗകര്യം സൗജന്യമാണ്.  രാവിലെ 10 മണി മുതല്‍ രാത്രി 11 വരെയാണ് കച്ചവടോത്സവം.