ഇന്ത്യ-പാക്​ മത്സരത്തിന്​ സ്​കോറെഴുതാൻ ഷിനോയ്​

ദു​ബൈ: ദു​ബൈ രാ​ജ്യാ​ന്ത​ര ക്രി​ക്ക​റ്റ്​ സ്​​റ്റേ​ഡി​യ​ത്തി​ൽ ഞാ​യ​റാ​ഴ്ച ഇ​ന്ത്യ-​പാ​കി​സ്താ​ൻ പോ​രാ​ട്ടം അ​ര​ങ്ങേ​റു​മ്പോ​ൾ സ്​​കോ​ർ എ​ഴു​തു​ന്ന​ത്​ മാ​വേലിക്ക​ര സ്വ​ദേ​ശി ഷി​നോ​യ്​ സോ​മ​ൻ. പ​തി​റ്റാ​ണ്ടാ​യി യു.​എ.​ഇ​യി​ലെ സ്​​കോ​റെ​ഴു​ത്തു​കാ​ര​നാ​ണെ​ങ്കി​ലും ആ​ദ്യ​മാ​യി ഇ​ന്ത്യ-​പാ​കി​സ്​​താ​ൻ മ​ത്സ​ര​ത്തി​ന്‍റെ സ്​​കോ​ർ എ​ഴു​തു​ന്ന​തി​ന്‍റെ ത്രി​ല്ലി​ലാ​ണ്​ ഷി​നോ​യ്. ഏ​ഷ്യ ക​പ്പി​ന്‍റെ ഔ​ദ്യോ​ഗി​ക സ്​​കോ​റ​റാ​യ ഷി​നോ​യ്​ മ​റ്റ്​ മ​ത്സ​ര​ങ്ങ​ളി​ലും ത​ന്‍റെ പേ​ന ച​ലി​പ്പി​ക്കും.

ക്രി​ക്ക​റ്റും സ്​​കോ​ർ​ബോ​ർ​ഡും ഡി​ജി​റ്റ​ലൈ​സ്​ ചെ​യ്​​തെ​ങ്കി​ലും പേ​ന കൊ​ണ്ട്​ ബു​ക്കി​ൽ സ്​​കോ​ർ എ​ഴു​തു​ന്ന പ​തി​വ്​ ഇ​പ്പോ​ഴു​മു​ണ്ട്. ഡി​ജി​റ്റ​ൽ മീ​ഡി​യ​ക​​​ളെ പൂ​ർ​ണ​മാ​യും വി​ശ്വാ​സ​മി​ല്ലാ​ത്ത​തു​കൊ​ണ്ടും ത​ർ​ക്കം വ​ന്നാ​ൽ തീ​ർ​പ്പു​ക​ൽ​പി​ക്കു​ന്ന​തി​നു​മാ​ണ്​ ​ബു​ക്കി​ൽ സ്​​കോ​ർ എ​ഴു​തു​ന്ന​ത്. 2009ൽ ​ദു​ബൈ ക്രി​ക്ക​റ്റ് സ്റ്റേ​ഡി​യ​ത്തി​ൽ ന​ട​ന്ന പാ​കി​സ്താ​ൻ-​ആ​സ്‌​ട്രേ​ലി​യ ഏ​ക​ദി​ന മ​ത്സ​ര​ത്തി​ലാ​ണ് ഷി​നോ​യ്​ സ്‌​കോ​റ​റാ​യി അ​ര​ങ്ങേ​റ്റം കു​റി​ക്കു​ന്ന​ത്.

ഐ.​പി.​എ​ൽ, പി.​എ​സ്.​എ​ൽ, ട്വ​ന്റി20 ലോ​ക​ക​പ്പ്, പാ​കി​സ്താ​ൻ, ആ​സ്‌​ട്രേ​ലി​യ, ശ്രീ​ല​ങ്ക, യു.​എ.​ഇ, അ​ഫ്ഗാ​നി​സ്ഥാ​ൻ എ​ന്നീ രാ​ജ്യ​ങ്ങ​ളു​ടെ അ​ന്താ​രാ​ഷ്ട്ര മ​ത്സ​ര​ങ്ങ​ളി​ലും സ്‌​കോ​റ​റാ​യി പ്ര​വ​ർ​ത്തി​ച്ചി​ട്ടു​ണ്ട്. ഏ​ഷ്യ ക​പ്പ് ട്വ​ന്റി20 അ​ണ്ട​ർ 19 മ​ത്സ​ര​ത്തി​ൽ ഡ​ക്ക് വ​ർ​ത്ത് ലൂ​യി​സ് മാ​നേ​ജ​റാ​യും പ്ര​വ​ർ​ത്തി​ച്ചി​ട്ടു​ണ്ട്. യു.​എ.​ഇ​യി​ൽ ന​ട​ന്ന അ​ക്കാ​ഫ് ക്രി​ക്ക​റ്റ് ടൂ​ർ​ണ​മെ​ന്‍റ്, മാ​വേ​ലി​ക്ക​ര ബി​ഷ​പ്‌ മൂ​ർ കോ​ള​ജ് അ​ലും​നി ക്രി​ക്ക​റ്റ് ടൂ​ർ​ണ​മെ​ന്‍റ്, സ​ബ്‌​കോ​ൺ ക്രി​ക്ക​റ്റ് ക്ല​ബ് ടൂ​ർ​ണ​മെ​ന്‍റ്​ എ​ന്നി​വ​യു​ടെ സം​ഘാ​ട​ക​നാ​യി​രു​ന്നു.

മാ​വേ​ലി​ക്ക​ര ത​ഴ​ക്ക​ര മൊ​ട്ട​ക്ക​ൽ സോ​മ​ന്‍റെ​യും ശ്യാ​മ​ള​യു​ടെ​യും മ​ക​നാ​യ ഷി​നോ​യ് ദു​ബൈ സാ​ഫ്രോ​ൺ ഗ്ലോ​ബ​ൽ ഹോ​സ്പി​റ്റാ​ലി​റ്റി ഗ്രൂ​പ് സെ​യി​ൽ​സ് ഡ​യ​റ​ക്ട​റാ​ണ്. ഭാ​ര്യ: പ്രി​യ. മ​ക്ക​ൾ: റ​യാ​ൻ, ത​ഷി​ൻ, ഫി​യോ​ന. ജോ​ലി​ക്കി​ടെ ഇ​ട​വേ​ള​ക​ളു​ണ്ടാ​ക്കി​യാ​ണ്​ ഷി​നോ​യ്​ ത​ന്‍റെ ക്രി​ക്ക​റ്റ്​ പ്രേ​മ​ത്തി​നോ​ട്​ നീ​തി പു​ല​ർ​ത്തു​ന്ന​ത്.