Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightശൈ​ഖ്​ സാ​യി​ദ്​...

ശൈ​ഖ്​ സാ​യി​ദ്​ റോ​ഡ്​ ഇ​ന്ന്​ സൈ​ക്കി​ൾ കീ​ഴ​ട​ക്കും

text_fields
bookmark_border
ശൈ​ഖ്​ സാ​യി​ദ്​ റോ​ഡ്​ ഇ​ന്ന്​ സൈ​ക്കി​ൾ കീ​ഴ​ട​ക്കും
cancel

ദുബൈ: ഈ പത്രം നിങ്ങളുടെ കൈകളിലേക്കെത്തു​േമ്പാൾ ദുബൈ ​ശൈഖ്​ സായിദ്​ റോഡി​െൻറ നിരത്തുകളിൽ സൈക്കിളുകൾ ഒാടിത്തുടങ്ങിയിട്ടുണ്ടാവും. ചീറിപ്പായുന്ന വാഹനങ്ങൾ മാത്രം കണ്ട്​ പരിചയിച്ച ശൈഖ്​ സായിദ്​ റോഡ്​ ഇന്നാദ്യമായി സൈക്കിളുകളെയും ഏറ്റുവാങ്ങുന്നു. പുലർച്ച നാല്​ മുതൽ രാവിലെ എട്ട്​ വരെയാണ്​ ​റോഡ്​ സൈക്ലിങ്​ പ്രേമികൾക്കായി തുറന്നിടുന്നത്​. ഈ സമയത്ത്​ മറ്റ്​ വാഹനങ്ങൾക്ക്​ പ്രവേശനമുണ്ടാവില്ല. ദുബൈ ഫിറ്റ്​നസ്​ ചലഞ്ചി​െൻറ ഭാഗമായാണ്​ നഗരത്തിലെ ഏറ്റവും തിരക്കേറിയ റോഡ് ​ൈസക്കിൾ യാത്രക്കാർക്കായി അനുവദിക്കുന്നത്​.

120 കിലോമീറ്റർ വേഗത്തിൽ വാഹനങ്ങൾ ചീറിപ്പായുന്ന ശൈഖ്​ സായിദ്​ റോഡ്​ ദുബൈയിലെ​ സൈക്കിൾ പ്രേമികളുടെ സ്വപ്​നങ്ങളിൽ നിന്ന്​ ഏറെ അകലെയായിരുന്നു. സൈക്കിളുകൾക്ക്​ പ്രവേശനമില്ലാത്ത നിരവധി സ്​ഥലങ്ങളിൽ ഒന്നാണ്​ ശൈഖ്​ സായിദ്​ റോഡ്​. ഇതുവഴി സൈക്കിൾ ചവിട്ടാൻ കൊതിക്കാത്ത സൈക്കിൾ പ്രേമികൾ അപൂർവമായിരിക്കും. ഇത്തരക്കാരുടെ നിരാശ മാറ്റാനുള്ള അവസരമൊരുക്കുകയാണ്​ ദുബൈ ഭരണകൂടം. ദുബൈ കിരീടാവകാശിയും എക്​സിക്യൂട്ടിവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂമാണ്​ കഴിഞ്ഞദിവസം ഇക്കാര്യം പ്രഖ്യാപിച്ചത്​. കുറഞ്ഞത് നാല് കിലോമീറ്ററെങ്കിലും സൈക്കിൾ ചവിട്ടാൻ കഴിയുന്നവർക്ക്​ സ്വന്തം സൈക്കിളുമായി എത്തിയാൽ ശൈഖ്​ സായിദ്​ റോഡി​െൻറ സൗന്ദര്യം ആവോളം ആസ്വദിക്കാം. www.dubairide.com എന്ന സൈറ്റിൽ രജിസ്​റ്റർ ചെയ്​തിരിക്കണം. കോവിഡ്​ സുരക്ഷ മാനദണ്ഡങ്ങൾ പാലിച്ചായിരിക്കും പരിപാടി.

14 നിരകളുള്ള ഹൈവേയിലൂടെ ദുബൈ വേൾഡ്​ ട്രേഡ്​ സെൻറർ, ഡൗൺ ടൗൺ, ബിസിനസ്​ ബേ, ദുബൈ കനാൽ എന്നിവ താണ്ടിയാണ്​ യാത്ര. രണ്ട്​ വിഭാഗമായി തിരിച്ചായിരിക്കും സൈക്ലിങ്​ നടക്കുക. നാല്​ കിലോമീറ്റർ ഫാമിലി​ റൈഡിൽ അഞ്ച്​ വയസ്സിന്​ മുകളിലുള്ളവർക്ക്​ പ​ങ്കെടുക്കാം. ശൈഖ്​ മുഹമ്മദ്​ ബിൻ റാശിദ്​ ബോലെവാർദിന്​ സമീപമായിരിക്കും ഇവർക്കുള്ള റൂട്ട്​. ഫോ​ട്ടോ എടുക്കാൻ നിരവധി സാധ്യതകളുള്ള പ്രദേശമാണിത്​. 14 കിലോമീറ്റർ ഓപൺ റൈഡിൽ 13 വയസ്സിന്​ മുകളിലുള്ളവർക്ക്​ പ​ങ്കെടുക്കാം. ഡൗൺ ടൗൺ, ബിസിനസ്​ ബേ, ദുബൈ കനാൽ, ശൈഖ്​ സായിദ്​ റോഡ്​ എന്നിവ വഴിയാണ്​ ഇവരുടെ യാത്ര. നഗരത്തെ സൈക്കിൾ സൗഹൃദമാക്കാനാണ്​ ദുബൈ സർക്കാറി​െൻറ ലക്ഷ്യം. ദുബൈയിൽ 425 കിലോമീറ്റർ സൈക്കിൾ പാതയുണ്ട്. 2025ഓടെ ഇത് 647 കിലോമീറ്ററായി ഉയർത്താനാണ് തീരുമാനം.

പ​ങ്കെടുക്കുന്നവർ ശ്രദ്ധിക്കാൻ

www.dubairide.com എന്ന സൈറ്റിൽ രജിസ്​റ്റർ ചെയ്​തവർക്കാണ്​ ​പ്രവേശനം. ഇതുവഴി ലഭിക്കുന്ന ക്യൂ.ആർ കോഡ്​ പ്ര​വേശന കവാടത്തിൽ കാണിക്കണം. ക്യൂ.ആർ കോഡില്ലാതെയെത്തുന്ന 13 വയസ്സിന്​ മുകളിലുള്ളവർക്ക്​ പ്രവേശനം അനുവദിക്കില്ല. 13 വയസ്സിൽ താഴെ പ്രായമുള്ള മൂന്ന്​ കുട്ടികളെ ഒരു രക്ഷിതാവിന്​ കൊണ്ടുവരാം. ഫാമിലി​ റൈഡിനും ഓപൺ റൈഡിനും നിശ്ചയിച്ച പ്രദേശങ്ങളിൽ മാത്രമേ പ്രവേശനമുണ്ടാകൂ.

സ്വന്തം സൈക്കിൾ നിർബന്ധം. വാടക സൈക്കിൾ ലഭ്യമല്ല. മുഴുസമയവും ഹെൽമെറ്റ്​​ നിർബന്ധം. ട്രാക്കിലേക്ക്​ പ്രവേശിക്കുന്നത്​ വരെയും പുറത്തിറങ്ങിയ ശേഷവും മാസ്​ക്​ നിർബന്ധം. റൂട്ടുകളിൽ ​കുടിവെള്ളം ലഭിക്കും.

പാർക്കിങ്

പ​ങ്കെടുക്കാൻ എത്തുന്നവർക്ക്​ പാർക്കിങ്​ ക്രമീകരണം ഏ​ർപ്പെടുത്തിയിട്ടുണ്ട്​. അപ്പർ ഫിനാൻഷ്യൽ സെൻറർ റോഡ്​ വഴി എത്തുന്നവർക്ക്​ ദുബൈ മാൾ, സബീൽ പാർക്കിങ്​ എന്നിവ ഉപയോഗപ്പെടുത്താം. അൽ മുഷ്​തഖ്​ബാൽ, സബീൽ 2 സ്​ട്രീറ്റ്​ എന്നിവിടങ്ങളിലെ യാത്രക്കാർക്ക്​ വേൾഡ്​ ട്രേഡ്​ സെൻറർ പാർക്കിങ്ങിലെത്താം.

വാഹന യാത്രക്കാരുടെ ശ്രദ്ധക്ക്​

സൈക്കിളുകൾക്കായി തുറന്നുകൊടുക്കുന്നതിനാൽ വെള്ളിയാഴ്​ച പുലർച്ച നാല്​ മുതൽ രാവിലെ എട്ട്​ വരെ ശൈഖ്​ സായിദ്​ റോഡ്​ വഴി യാത്ര അനുവദിക്കില്ല. റോഡി​െൻറ ഇരുവശവും അടക്കും. ട്രേഡ്​ സെൻറർ റൗണ്ട്​ എബൗട്ട്​ മുതൽ സെക്കൻഡ്​ ഇൻറർസെക്​ഷൻ വരെയാണ്​ അടച്ചിടുക.

ശൈഖ്​ സായിദ്​ റോഡ്​ വഴി പോകേണ്ടവർ അൽ ​ഖൈൽ ​റോഡ്​ വഴി പോകണം. ലോവർ ഫിനാൻഷ്യൽ സെൻറർ വഴിയുള്ള യാത്രക്കാർക്ക്​ അപ്പർ ഫിനാൻഷ്യൽ സെൻറർ റോഡ്​ ഉപയോഗിക്കാം. ശൈഖ്​ മുഹമ്മദ്​ ബിൻ റാശിദ്​ ബോലേവാദ്​ യാത്രക്കാർ ബുർജ്​ ഖലീഫ റോഡിലൂടെ തിരിഞ്ഞുപോകണം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:sheikh zayedbicycle
Next Story