മ​ണി​ക്കൂ​റു​ക​ൾ ശൈ​ഖ്​ സാ​യി​ദ്​ റോ​ഡ്​ സൈ​ക്ലി​ങ്​ ട്രാ​ക്കാ​യി

ദു​ബൈ: വാ​ഹ​ന​ങ്ങ​ൾ ഇ​ട​ത​ട​വി​ല്ലാ​തെ ചീ​റി​പ്പാ​യു​ന്ന ദു​ബൈ​യി​ലെ ശൈ​ഖ്​ സാ​യി​ദ്​ റോ​ഡ്​ ഒ​രി​ക്ക​ൽ​കൂ​ടി സൈ​ക്കി​ളു​ക​ളാ​ൽ നി​റ​ഞ്ഞു. ലോ​ക​ത്തെ വ്യ​ത്യ​സ്ത രാ​ജ്യ​ക്കാ​രാ​യ ആ​യി​ര​ങ്ങ​ൾ അ​ണി​നി​ര​ന്ന ദു​ബൈ റൈ​ഡ്​ വീ​ണ്ടും ച​രി​ത്രം കു​റി​ച്ച്​ പ​ര്യ​വ​സാ​നി​ച്ചു. ദു​ബൈ ഫി​റ്റ്​​ന​സ്​ ച​ല​ഞ്ചി​ന്‍റെ ഭാ​ഗ​മാ​യ ദു​ബൈ റൈ​ഡ്​ ഞാ​യ​റാ​ഴ്ച അ​തി​രാ​വി​ലെ​യാ​ണ്​ ആ​രം​ഭി​ച്ച​ത്. സ്ത്രീ​ക​ളും കു​ട്ടി​ക​ളു​മ​ട​ക്കം സ​മൂ​ഹ​ത്തി​ന്‍റെ നാ​നാ​തു​റ​ക​ളി​ൽ​പെ​ട്ട​വ​ർ റൈ​ഡി​ൽ അ​ണി​ചേ​ർ​ന്നു. 6.15 മു​ത​ൽ 8.15 വ​രെ​യാ​യി​രു​ന്നു​ റൈ​ഡ്. ഫാ​മി​ലി, ജ​ന​റ​ൽ എ​ന്നി​ങ്ങ​നെ ര​ണ്ടാ​യി തി​രി​ച്ചാ​ണ്​ റൈ​ഡ്​ ന​ട​ന്ന​ത്. ജ​ന​റ​ൽ റൈ​ഡ്​ 12 കി​ലോ​മീ​റ്റ​റും ഫാ​മി​ലി റൈ​ഡ്​ നാ​ല്​ കി​ലോ​മീ​റ്റ​റു​മാ​യി​രു​ന്നു. കൂ​ടു​ത​ൽ പേ​ർ പ​​ങ്കെ​ടു​ത്ത​ത്​ ഫാ​മി​ലി റൈ​ഡി​ലാ​ണെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്.

12 കി.​മീ​റ്റ​ർ റൈ​ഡ്​ മ്യൂ​സി​യം ഓ​ഫ് ഫ്യൂ​ച​ർ, അ​ൽ സ​ത്​​വ, കൊ​ക്കൊ​കോ​ള അ​രീ​ന, ബി​സി​ന​സ് ബേ, ​ലോ​വ​ർ ഫി​നാ​ൻ​ഷ്യ​ൽ സ്ട്രീ​റ്റ് എ​ന്നി​വി​ട​ങ്ങി​ൽ​നി​ന്നാ​ണ്​ ആ​രം​ഭി​ച്ച​ത്. 4 കി.​മീ​റ്റ​ർ റൈ​ഡ് ദു​ബൈ​യി​ലെ ഡൗ​ൺ​ടൗ​ണി​ൽ നി​ന്നും ആ​രം​ഭി​ച്ചു. ര​ണ്ട് റൂ​ട്ടു​ക​ളും ദു​ബൈ മാ​ളി​ന്​ സ​മീ​പ​ത്താ​യാ​ണ്​ അ​വ​സാ​നി​ച്ച​ത്. ശൈ​ഖ്​ സാ​യി​ദ്​ റോ​ഡ്​ നി​റ​ഞ്ഞു​ക​വി​ഞ്ഞ റൈ​ഡ​ർ​മാ​രു​ടെ സാ​ന്നി​ധ്യം മ​നോ​ഹ​ര​മാ​യ ദൃ​ശ്യ​വി​രു​ന്നു കൂ​ടി​യാ​യി​രു​ന്നു.

സൈ​ക്കി​ളു​ക​ളും ഇ-​ബൈ​ക്കു​ക​ളു​മാ​ണ്​ റൈ​ഡ​ർ​മാ​ർ ഉ​പ​യോ​ഗി​ച്ച​ത്. ദു​ബൈ റൈ​ഡ്​ ന​ട​ക്കു​ന്ന​തി​നാ​ൽ പു​ല​ർ​ച്ച മു​ത​ൽ വാ​ഹ​ന​ങ്ങ​ൾ​ക്ക്​ നി​യ​ന്ത്ര​ണ​മു​ണ്ടാ​യി​രു​ന്നു. ഈ ​സ​മ​യ​ങ്ങ​ളി​ൽ ശൈ​ഖ്​ സാ​യി​ദ്​ റോ​ഡ്​ വ​ഴി സ​ഞ്ച​രി​ക്കേ​ണ്ട​വ​ർ ബ​ദ​ൽ റോ​ഡു​ക​ൾ ഉ​പ​യോ​ഗി​ക്ക​ണ​മെ​ന്ന്​ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) നേ​ര​​ത്തെ നി​ർ​ദേ​ശി​ച്ചി​രു​ന്നു. അ​ൽ ഹാ​ദി​ഖ സ്​​ട്രീ​റ്റ്, അ​ൽ വ​സ്​​ൽ സ്​​ട്രീ​റ്റ്, അ​ൽ​ഖൈ​ൽ സ്​​ട്രീ​റ്റ്, അ​ൽ മെ​യ്​​ദാ​ൻ സ്​​ട്രീ​റ്റ്, സ​അ​ബീ​ൽ സ്​​ട്രീ​റ്റ്, അ​ൽ അ​സാ​യി​ൽ സ്​​ട്രീ​റ്റ്, സെ​ക്ക​ന​ഡ്​ സ​അ​ബീ​ൽ സ്​​ട്രീ​റ്റ്, അ​ൽ മു​സ്ത​ഖ്​​ബ​ൽ സ്​​ട്രീ​റ്റ്​ എ​ന്നി​വ​യാ​ണ്​ യാ​ത്ര​ക്കാ​ർ ഉ​പ​യോ​ഗി​ച്ച​ത്. ദു​ബൈ റൈ​ഡ്​ ക​ഴി​ഞ്ഞ ഉ​ട​ൻ​ത​ന്നെ ശൈ​ഖ്​ സാ​യി​ദ്​ റോ​ഡ്​ യാ​ത്ര​ക്കാ​ർ​ക്കാ​യി തു​റ​ക്കു​ക​യും ചെ​യ്തു.

ദു​ബൈ കി​രീ​ടാ​വ​കാ​ശി​യും എ​ക്​​സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ ര​ക്ഷാ​ക​ർ​തൃ​ത്വ​ത്തി​ലാ​ണ്​ ഫി​റ്റ്​​ന​സ്​ ച​ല​ഞ്ചും ദു​ബൈ റൈ​ഡും ന​ട​ക്കു​ന്ന​ത്. ച​ല​ഞ്ചി​ന്‍റെ ഏ​ഴാം എ​ഡി​ഷ​ൻ ഒ​ക്​​ടോ​ബ​ർ 28 മു​ത​ൽ ന​വം​ബ​ർ 26 വ​രെ ഒ​രു മാ​സ​ക്കാ​ല​ള​വാ​ണ്​ നീ​ണ്ടു​നി​ൽ​ക്കു​ന്ന​ത്. ആ​രോ​ഗ്യ​ക​ര​മാ​യ ജീ​വി​ത​ശൈ​ലി പ്രോ​ത്സാ​ഹി​പ്പി​ക്കു​ക എ​ന്ന ല​ക്ഷ്യ​ത്തോ​ടെ 2017ൽ ​ആ​രം​ഭി​ച്ച സം​രം​ഭ​മാ​ണി​ത്. ഒ​രു മാ​സ​ക്കാ​ലം എ​ല്ലാ ദി​വ​സ​വും 30 മി​നി​റ്റ്​ സ​മ​യം വ്യാ​യാ​മ​ത്തി​ന്​ ഒ​ഴി​ഞ്ഞു​വെ​ക്കു​ക​യാ​ണ്​ ച​ല​ഞ്ചി​ൽ പ​ങ്കെ​ടു​ക്കു​ന്ന​വ​ർ ചെ​യ്യേ​ണ്ട​ത്. ഈ ​കാ​ല​യ​ള​വി​നി​ട​യി​ലെ വ്യ​ത്യ​സ്ത​ങ്ങ​ളാ​യ പ​രി​പാ​ടി​ക​ളി​ൽ ഏ​റ്റ​വും ശ്ര​ദ്ധി​ക്ക​പ്പെ​ടു​ന്ന ഒ​ന്നാ​ണ്​ ദു​ബൈ റൈ​ഡ്. മ​റ്റൊ​രു പ്ര​ധാ​ന ഇ​വ​ന്‍റാ​യ ദു​ബൈ റ​ൺ ന​വം​ബ​ർ 26നാ​ണ്​ ന​ട​ക്കു​ക.