കൽബയിൽ വിവിധ പദ്ധതികൾ ഉദ്​ഘാടനം ചെയ്ത്​ ശൈഖ്​ സുൽത്താൻ

ക​ൽ​ബ: യു.​എ.​ഇ​യി​ലും ഒ​മാ​നി​ലും ക​ണ്ടു​വ​രു​ന്ന പ്ര​ത്യേ​ക​ത​രം മ​ല​യാ​ട്​ ഇ​ന​ത്തി​ൽ​പെ​ട്ട അ​റേ​ബ്യ​ൻ ത​ഹ്​​റു​ക​ളെ സം​ര​ക്ഷി​ക്കാ​ൻ പ​ദ്ധ​തി പ്ര​ഖ്യാ​പി​ച്ച്​ സു​പ്രീം​കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി. വം​ശ​നാ​ശ ഭീ​ഷ​ണി നേ​രി​ടു​ന്ന ഇ​വ​യു​ടെ പ്ര​ജ​ന​ന​ത്തി​ന്​ ആ​വ​ശ്യ​മാ​യ പ്ര​കൃ​തി​ദ​ത്ത അ​ന്ത​രീ​ക്ഷ​മൊ​രു​ക്കാ​ൻ ല​ക്ഷ്യ​മി​ട്ടാ​ണ്​ ക​ൽ​ബ​യി​ലെ അ​ൽ ഹ​ഫി​യ്യ മൗ​ണ്ടേ​ൻ ക​ൺ​സ​ർ​വേ​ഷ​ൻ സെ​ന്റ​റി​നോ​ട്​ അ​നു​ബ​ന്ധി​ച്ച്​ അ​റേ​ബ്യ​ൻ ത​ഹ്​​ർ പ​ദ്ധ​തി ന​ട​പ്പാ​ക്കു​ന്ന​ത്. ക​ൽ​ബ​യി​ലെ​ത്തി​യ അ​ദ്ദേ​ഹം ‘ഹാ​ങി​ങ് ഗാ​ർ​ഡ​ൻ’ എ​ന്നു​പേ​രി​ട്ട പാ​ർ​ക്കും ഉ​ദ്​​ഘാ​ട​നം ചെ​യ്തു.​

അ​ൽ ഹ​ഫി​യ്യ​യി​ൽ പു​തു​താ​യി ഏ​ർ​പ്പെ​ടു​ത്തി​യ സ​ന്ദ​ർ​ശ​ക​ർ​ക്ക്​ മാ​നു​ക​ളെ കാ​ണാ​ൻ അ​വ​സ​ര​മൊ​രു​ക്കു​ന്ന ഭാ​ഗ​ത്തി​ന്‍റെ ഉ​ദ്​​ഘാ​ട​ന​വും ശൈ​ഖ്​ സു​ൽ​ത്താ​ൻ നി​ർ​വ​ഹി​ച്ചു. 30ല​ധി​കം വ്യ​ത്യ​സ്ത ഇ​നം പ​ർ​വ​ത മൃ​ഗ​ങ്ങ​ളു​ടെ ആ​വാ​സ​കേ​ന്ദ്ര​മാ​ണ് അ​ൽ ഹ​ഫി​യ്യ സം​ര​ക്ഷി​ത പ്ര​ദേ​ശം. ക​ൽ​ബ ന​ഗ​ര​ത്തോ​ട് ചേ​ർ​ന്നു​ള്ള അ​ൽ ഹ​ജ​ർ പ​ർ​വ​ത​നി​ര​ക​ളു​ടെ താ​ഴ്‌​വ​ര​യി​ൽ സ്ഥി​തി​ചെ​യ്യു​ന്ന അ​ൽ ഹ​ഫി​യ്യ മൗ​ണ്ട​ൻ ക​ൺ​സ​ർ​വേ​ഷ​ൻ സെൻറ​ർ, വൈ​വി​ധ്യ​മാ​ർ​ന്ന സ​സ്യ​ങ്ങ​ളും മൃ​ഗ​ങ്ങ​ളും ഉ​ൾ​ക്കൊ​ള്ളു​ന്ന​തി​നാ​ൽ സ​മ്പ​ന്ന​മാ​യ ജൈ​വ​വൈ​വി​ധ്യ​ത്തി​ന് പേ​രു​കേ​ട്ട​താ​ണ്. ക​ൽ​ബ-​ഷാ​ർ​ജ റോ​ഡി​ന്​ സ​മീ​പം സ്ഥി​തി​ചെ​യ്യു​ന്ന ‘ഹാ​ങി​ങ് ഗാ​ർ​ഡ​ൻ’ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന രീ​തി​യി​ലാ​ണ്​ നി​ർ​മി​ച്ചി​ട്ടു​ള്ള​ത്. 16 ല​ക്ഷം ച​തു​ര​ശ്ര​യ​ടി പ്ര​ദേ​ശ​ത്ത്​ നി​ർ​മി​ച്ച പാ​ർ​ക്കി​ൽ ഒ​രു ല​ക്ഷ​ത്തി​ലേ​റെ ചെ​ടി​ക​ളു​ണ്ട്. പാ​ർ​ക്കി​ന്‍റെ മ​ധ്യ​ത്തി​ൽ ഒ​രു​ക്കി​യ റ​സ്​​റ്റാ​റ​ൻ​റും ശൈ​ഖ്​ സു​ൽ​ത്താ​ൻ സ​ന്ദ​ർ​ശി​ച്ചു. 215പേ​ർ​ക്ക്​ ഇ​രി​ക്കാ​നു​ള്ള സൗ​ക​ര്യ​ത്തോ​ടെ​യാ​ണി​ത്​ ഒ​രു​ക്കി​യി​ട്ടു​ള്ള​ത്.