ശൈഖ്​ മുഹമ്മദ്​ റോഡരികിൽ; വൈറലായി വീഡിയോ

ദുബൈ: യു.എ.ഇ പ്രസിഡന്‍റ്​ ശൈഖ്​ മുഹമ്മദ്​ ബിൻ സയിദ്​ ആൽ നഹ്​യാൻ റോഡരികിലൂടെ നടന്നുപോകുന്ന വീഡിയോ സാമൂഹിക മാധ്യമങ്ങളിൽ വൈറൽ. ഒരാളോട്​ സംസാരിച്ചുകൊണ്ട്​ നടന്നു നീങ്ങുന്ന വീഡിയോ സമീപത്തെ റോഡിലൂടെ കടന്നുപോകുന്ന ഒരാൾ വാഹനത്തിൽ നിന്ന്​ പകർത്തിയതാണ്​.

വീഡിയോയിൽ പിറകിലായി മൂന്നുപേരെ കാണാമെങ്കിലും മറ്റു സുരക്ഷാ ഉദ്യോഗസ്ഥരോ സർക്കാർ പ്രതിനിധികളോ കൂടെയില്ല. വളരെ അപൂർവമായ കാഴ്ച എന്ന നിലയിലാണ്​ സാമൂഹിക മാധ്യമങ്ങളിൽ വീഡിയോ അതിവേഗം വൈറലായത്​. സാധാരണക്കാരെ പോലെ റോഡകിലിലൂടെ സഞ്ചരിക്കുന്ന പ്രസിഡന്‍റിന്‍റെ ചിത്രം രാജ്യം എത്രത്തോളം സുരക്ഷിതമാണെന്നതിന്‍റെ തെളിവാണെന്നും ചിലർ പ്രതികരിച്ചു.