എ​സ്.​എം.​എ ബാ​ധി​ത​യാ​യ ബാ​ലി​ക​ക്ക്​ ഭ​ര​ണാ​ധി​കാ​രി​യു​ടെ കാ​രു​ണ്യ​സ്പ​ർ​ശം

എ​സ്.​എം.​എ ബാ​ധി​ത​യാ​യ സി​റി​യ​ൻ ബാ​ലി​ക​യു​ടെ ചി​കി​ൽ​സാ ചെ​ല​വു​ക​ൾ ഏ​റ്റെ​ടു​ത്ത് യു.എ.ഇ വൈസ്​ പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാഷിദ്​ ആൽ മക്​തൂം. ചി​കി​ൽ​സ​ക്കാ​യി 70 ല​ക്ഷം ദി​ർ​ഹം സ്വ​രൂ​പി​ക്കാ​ൻ ശ്ര​മ​ങ്ങ​ൾ പു​രോ​ഗി​ക്കു​ന്ന​തി​നി​ടെ​യാ​ണ് ഭ​ര​ണാ​ധി​കാ​രി​യു​ടെ ഇ​ട​പെ​ട​ൽ. യ​ഖീ​ൻ ഇ​ബ്രാ​ഹിം ക​ങ്ക​ർ എ​ന്ന ബാ​ലി​ക​യു​ടെ കു​ടും​ബ​മാ​ണ് കു​ഞ്ഞി​ന്‍റെ ചി​കി​ൽ​സ​ക്കാ​യി പ​ണം ക​ണ്ടെ​ത്താ​ൻ ക​ഴി​ഞ്ഞ​ദി​വ​സം സോ​ഷ്യ​ൽ മീ​ഡി​യ​യി​ലൂ​ടെ ശ്ര​മം ആ​രം​ഭി​ച്ച​ത്. അ​ന്താ​രാ​ഷ്ട്ര ചാ​രി​റ്റി സം​ഘ​ട​ന​യു​ടെ സ​ഹ​ക​ര​ണ​ത്തോ​ടെ സ്പൈ​ന​ൽ മ​സ്കു​ലാ​ർ അ​ട്രോ​ഫി എ​ന്ന അ​പൂ​ർ​വ​രോ​ഗ​ത്തി​ന്‍റെ ചി​കി​ൽ​സ​ക്ക് 70 ല​ക്ഷം ദി​ർ​ഹം സ​മാ​ഹ​രി​ക്കാ​നാ​യി​രു​ന്നു ഇ​വ​രു​ടെ ശ്ര​മം. കു​ട്ടി​യു​ടെ അ​മ്മാ​വ​ൻ വീ​ഡി​യോ​യി​ൽ പ്ര​ത്യ​ക്ഷ​പ്പെ​ട്ട് യു.​എ.​ഇ​യി​ലു​ള്ള​വ​രോ​ടാ​ണ് അ​ഭ്യ​ർ​ഥ​ന ന​ട​ത്തി​യ​ത്.

വീ​ഡി​യോ​യോ​ട് പൊ​ടു​ന്ന​നെ പ്ര​തി​ക​രി​ച്ച​ത് ദു​ബൈ ഭ​ര​ണാ​ധി​കാ​രി ശൈ​ഖ് മു​ഹ​മ്മ​ദ് ബി​ൻ റാ​ശി​ദ് ആ​ൽ​മ​ക്തൂ​മാ​യി​രു​ന്നു. കു​ട്ടി​യു​ടെ പി​താ​വി​നെ വി​ളി​ച്ച് ചി​കി​ൽ​സ​യു​ടെ ചെ​ല​വ് പൂ​ർ​ണ​മാ​യും താ​ൻ ഏ​റ്റെ​ടു​ക്കാ​മെ​ന്ന് അ​റി​യി​ക്കു​ക​യാ​യി​രു​ന്നു. ഷാ​ർ​ജ​യി​ലാ​ണ്​ ക​ങ്ക​റും കു​ടും​ബ​വും താ​മ​സി​ക്കു​ന്ന​ത്. അ​ടി​യ​ന്ത​ര​മാ​യി ചി​കി​ത്സ ല​ഭ്യ​മാ​ക്കി​യി​ല്ലെ​ങ്കി​ൽ ഒ​രു മാ​സം മാ​ത്ര​മേ കു​ഞ്ഞ്​ ജീ​വി​ച്ചി​രി​ക്കു​ക​യു​ള്ളൂ​വെ​ന്നാ​ണ്​ ഡോ​ക്ട​ർ​മാ​ർ കു​ടും​ബ​ത്തെ അ​റി​യി​ച്ചി​രു​ന്ന​ത്. ഇ​ബ്രാ​ഹിം ക​ങ്ക​റി​ന്‍റെ ഏ​ക മ​ക​ളാ​ണി​ത്. ഭീ​മ​മാ​യ ചി​കി​ത്സ ചെ​ല​വ്​ ക​ണ്ടെ​ത്താ​നാ​വു​മെ​ന്ന്​ ഒ​രി​ക്ക​ലും പ്ര​തീ​ക്ഷി​ച്ചി​രു​ന്നി​ല്ലെ​ന്ന്​ ഇ​ബ്രാ​ഹിം ക​ങ്ക​ർ പ​റ​ഞ്ഞു.ശൈ​ഖ്​ മു​ഹ​മ്മ​ദി​ന്‍റെ കാ​രു​ണ്യ​ത്തി​ൽ ത​ന്‍റെ മ​ക​ൾ ഇ​നി​യും ജീ​വി​ക്കു​മെ​ന്ന്​ അ​റി​യു​മ്പോ​ൾ പ​റ​ഞ്ഞ​റി​യി​ക്കാ​നാ​വാ​ത്ത സ​ന്തോ​മു​ണ്ടെ​ന്നും അ​ദ്ദേ​ഹം പ​റ​ഞ്ഞു. ദു​ബൈ​യി​ലെ അ​ൽ ജ​ലീ​ല ചി​ൽ​ഡ്ര​ൻ​സ് ഹോ​സ്പി​റ്റ​ലി​ൽ എ​സ്.​എം.​എ ബാ​ധി​ത​രാ​യ കു​ഞ്ഞു​ങ്ങ​ൾ​ക്ക് ചി​കി​ൽ​സ ന​ൽ​കു​ന്നു​ണ്ട്. മു​മ്പും ശൈ​ഖ് മു​ഹ​മ്മ​ദ് ഇ​ത്ത​ര​ത്തി​ൽ കു​ഞ്ഞു​ങ്ങ​ളു​ടെ ചി​കി​ൽ​സാ ചെ​ല​വ് ഏ​റ്റെ​ടു​ക്കാ​ൻ മു​ന്നോ​ട്ടു​വ​ന്നി​ട്ടു​ണ്ട്.