Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightവഴി തടഞ്ഞത്​ ശൈഖ്​...

വഴി തടഞ്ഞത്​ ശൈഖ്​ മുഹമ്മദിനെ; കാത്തിരുന്നത്​ സമ്മാനം

text_fields
bookmark_border
വഴി തടഞ്ഞത്​ ശൈഖ്​ മുഹമ്മദിനെ; കാത്തിരുന്നത്​ സമ്മാനം
cancel

1974ൽ ​ബോം​ബ​യി​ല്‍നി​ന്ന്​ ക​പ്പ​ല്‍മാ​ര്‍ഗം ഏ​ഴു​ദി​വ​സ​ത്തെ യാ​ത്ര​ക്കൊ​ടു​വി​ലാ​ണ് തൃ​ശൂ​ര്‍ ചാ​വ​ക്കാ​ട് ക​ട​പ്പു​റം ബു​ഖാ​റ​യി​ല്‍ ത​ക്യാ​വി​ല്‍ കോ​യ​കു​ഞ്ഞി മ​ക​ന്‍ സാ​ലി​ഹ് ത​ങ്ങ​ള്‍ യു.​എ.​ഇ തീ​ര​ത്തെ​ത്തു​ന്ന​ത്. നാ​ലു​വ​ര്‍ഷം ചെ​റി​യ ജോ​ലി​ക​ള്‍ ചെ​യ്ത് ക​ഴി​ഞ്ഞു​കൂ​ടി​യ ത​ങ്ങ​ള്‍ക്ക് 78 ലാ​ണ് അ​ബൂ​ദ​ബി ഡി​ഫ​ന്‍സി​ല്‍ അ​വ​സ​രം ല​ഭി​ക്കു​ന്ന​ത്. പെ​രി​ന്ത​ല്‍മ​ണ്ണ സ്വ​ദേ​ശി ഇ​ബ്രാ​ഹീം മാ​സ്റ്റ​റു​ടെ ശ്ര​മ​ഫ​ല​മാ​യാ​ണ് ത​ങ്ങ​ള്‍ക്ക് ഈ ​ജോ​ലി ല​ഭി​ക്കു​ന്ന​ത്. ജു​ന്തി അ​ഥ​വാ പ​ട്ടാ​ള​ക്കാ​ര​നാ​യി​ട്ടാ​യി​രു​ന്നു നി​യ​മ​നം. അ​ബൂ​ദ​ബി​യി​ലെ ഡി​ഫ​ന്‍സി​ന് കീ​ഴി​ലെ കെ​മി​ക്ക​ല്‍ വാ​ര്‍ ഫെ​യ​ര്‍ ഗ്രൂ​പ്പി​ലാ​ണ് ത​ങ്ങ​ള്‍ക്ക് ജോ​ലി​ചെ​യ്യേ​ണ്ടി​വ​ന്ന​ത്.

1992 ഡി​സം​ബ​റി​ലു​ണ്ടാ​യ ഒ​രു സം​ഘ​ര്‍ഷം നി​യ​ന്ത്രി​ക്കു​ന്ന​തി​ൻ സാ​ലി​ഹ് ത​ങ്ങ​ള്‍ അ​ട​ക്ക​മു​ള്ള സം​ഘം അ​ല്‍ ഐ​നി​ലേ​ക്ക് നി​യോ​ഗി​ക്ക​പ്പെ​ട്ടു. പ്ര​ദേ​ശം മു​ഴു​വ​ൻ പ​ട്ടാ​ള​ത്തി​ന്‍റെ ശ​ക്ത​മാ​യ നി​യ​ന്ത്ര​ണ​ത്തി​ലാ​ണ്. വ്യാ​പ​ക​മാ​യ പ​രി​ശോ​ധ​ന​യും ന​ട​പ​ടി​ക​ളും ന​ട​ന്നു​കൊ​ണ്ടി​രു​ന്നു. പ്ര​ദേ​ശ​ത്തേ​ക്ക് ആ​രു​വ​ന്നാ​ലും പ​രി​ശോ​ധി​ക്ക​ണം എ​ന്നാ​ണ് മു​ക​ളി​ല്‍നി​ന്നു​ള്ള നി​ര്‍ദേ​ശം. ഒ​രു ദി​വ​സം വൈ​കു​ന്നേ​രം ആ​റോ​ടെ പ്ര​ദേ​ശ​ത്തേ​ക്ക് ഡി​ഫ​ന്‍സ് വി​ഭാ​ഗ​ത്തി​ന്റേ​ത​ല്ലാ​ത്ത സ്വ​കാ​ര്യ മെ​ഴ്സി​ഡ​സ് കാ​ര്‍ ക​ട​ന്നു​വ​ന്നു. ഗേ​റ്റി​ല്‍ കാ​വ​ല്‍ നി​ല്‍ക്കു​ക​യാ​യി​രു​ന്ന ത​ങ്ങ​ളോ​ട് വാ​ഹ​നം നി​ര്‍ത്തി പ​രി​ശോ​ധി​ക്കാ​ന്‍ സ്വ​ദേ​ശി​യാ​യ സീ​നി​യ​ര്‍ ഉ​ദ്യോ​ഗ​സ്ഥ​ന്‍ അ​ഹ​മ്മ​ദ് ന​ഈ​മി നി​ര്‍ദേ​ശം ന​ല്‍കി. ഉ​ത്ത​ര​വ് ശി​ര​സ്സാ​വ​ഹി​ച്ച്​ സാ​ലി​ഹ് ത​ങ്ങ​ള്‍ വ​ണ്ടി​ക്ക് കൈ​കാ​ട്ടി. ത​ങ്ങ​ളു​ടെ മു​ന്നി​ല്‍ നി​ര്‍ത്തി​യ ഡ്രൈ​വി​ങ്​ സീ​റ്റി​ലി​രു​ന്ന​യാ​ള്‍ വാ​ഹ​ന​ത്തി​ന്‍റെ ഗ്ലാ​സ് താ​ഴ്ത്തി. ഉ​ള്ളി​ല്‍ ക​ന്തൂ​റ ധ​രി​ച്ച സു​ന്ദ​ര​നാ​യ ചെ​റു​പ്പ​ക്കാ​ര​ന്‍. തി​രി​ച്ച​റി​യ​ല്‍ രേ​ഖ കാ​ണി​ക്കാ​ന്‍ സാ​ലി​ഹ് ത​ങ്ങ​ള്‍ ആ​വ​ശ്യ​പ്പെ​ട്ടു. സൗ​മ്യ​ത​യോ​ടെ അ​ദ്ദേ​ഹം നീ​ട്ടി​യ തി​രി​ച്ച​റി​യ​ല്‍ രേ​ഖ ത​ങ്ങ​ള്‍ പ​രി​ശോ​ധി​ച്ചു. പേ​ര്​ ശൈ​ഖ് മു​ഹ​മ്മ​ദ്‌ ബി​ന്‍ സാ​യി​ദ് ആ​ല്‍ ന​ഹ്​​യാ​ന്‍. ഡി​ഫ​ന്‍സി​ലെ ചീ​ഫ് ഓ​ഫ് സ്റ്റാ​ഫ് ആ​യ ശൈ​ഖ് മു​ഹ​മ്മ​ദ്‌. വി​റ​യാ​ര്‍ന്ന കൈ​ക​ളോ​ടെ സ​ലൂ​ട്ട് ന​ല്‍കി ത​ങ്ങ​ള്‍ തി​രി​ച്ച​റി​യ​ല്‍ രേ​ഖ തി​രി​കെ ന​ല്‍കി. വാ​ഹ​നം മു​ന്നോ​ട്ടെ​ടു​ക്കു​ന്ന​തി​നു​മു​മ്പ്​ സാ​ലി​ഹ്​ ത​ങ്ങ​ളു​ടെ തി​രി​ച്ച​റി​യ​ല്‍ ന​മ്പ​റും ശൈ​ഖ് മു​ഹ​മ്മ​ദ്‌ ചോ​ദി​ച്ച് വാ​ങ്ങി. ത​ന്‍റെ വി​വ​ര​ക്കേ​ടു​കൊ​ണ്ട് കൈ ​കാ​ണി​ക്കേ​ണ്ടി​വ​ന്ന​തി​ല്‍ സ്വ​യം ശ​പി​ച്ച് ത​ങ്ങ​ള്‍ ത​രി​ച്ചു നി​ന്നു​പോ​യി. ചീ​ഫ് ഓ​ഫി​സ​ര്‍ വ​ന്ന വാ​ഹ​നം അ​തി​വേ​ഗം ക​ട​ന്നു​പോ​യി. അ​മ​ളി പ​റ്റി​യ ഖേ​ദ​ത്തോ​ടെ ക്യാ​ബി​ന​ക​ത്ത് ഇ​രി​ക്കു​ന്ന ത​ന്‍റെ മേ​ലു​ദ്യോ​ഗ​സ്ഥ​നാ​യ അ​ഹ​മ്മ​ദ് ന​ഈ​മി​യോ​ട് സം​ഭ​വം ധ​രി​പ്പി​ച്ചു. അ​ദ്ദേ​ഹം ഉ​ള്ളി​ല്‍ ചി​രി​ക്കു​ക​യാ​യി​രു​ന്നു. അ​ദ്ദേ​ഹ​ത്തി​ന് നേ​ര​ത്തേ അ​റി​യാ​മാ​യി​രു​ന്നു വാ​ഹ​ന​ത്തി​ല്‍ ശൈ​ഖ് മു​ഹ​മ്മ​ദാ​ണെ​ന്ന്. അ​ദ്ദേ​ഹ​ത്തി​ന്‍റെ സ്വ​കാ​ര്യ വാ​ഹ​ന​ത്തി​ന്‍റെ ന​മ്പ​റും അ​റി​യു​ന്ന വ്യ​ക്തി​യാ​യി​രു​ന്നു അ​ഹ​മ്മ​ദ് ന​ഈ​മി.

സാ​ലി​ഹ് ത​ങ്ങ​ളെ പ​രീ​ക്ഷി​ക്കാ​ന്‍വേ​ണ്ടി​യാ​യി​രു​ന്നു വാ​ഹ​നം ത​ട​യാ​ന്‍ അ​ദ്ദേ​ഹം നി​ര്‍ദേ​ശം ന​ല്‍കി​യ​ത്. ത​ങ്ങ​ള്‍ ആ​കെ ആ​ശ​ങ്ക​യി​ലാ​യി. ത​ര​ക്കേ​ടി​ല്ലാ​ത്ത ജോ​ലി ല​ഭി​ച്ച് കു​ടും​ബം ക​ഷ്ടി​ച്ച് ജീ​വി​ച്ച് പോ​വു​ക​യാ​യി​രു​ന്നു അ​ക്കാ​ല​ത്ത്. ഏ​ക​ദേ​ശം അ​ര മ​ണി​ക്കൂ​ര്‍ പി​ന്നി​ടു​മ്പോ​ഴേ​ക്കും ത​ങ്ങ​ള്‍ ജോ​ലി ചെ​യ്യു​ന്ന ക്യാ​ബി​നി​ലേ​ക്ക് ഒ​രു ഫോ​ണ്‍ വ​ന്നു. സാ​ലി​ഹി​നോ​ട് ഓ​ഫി​സി​ല്‍ ഹാ​ജ​രാ​കാ​ന്‍ പ​റ​ഞ്ഞാ​യി​രു​ന്നു ആ ​കാ​ള്‍. പാ​തി ജീ​വ​ന്‍ ന​ഷ്ട​പ്പെ​ട്ട പോ​ലെ​യാ​യ ത​ങ്ങ​ള്‍ ആ​കെ വെ​പ്രാ​ള​പ്പെ​ട്ടു. ഓ​ഫി​സി​ലേ​ക്ക് തി​രി​ക്കാ​ന്‍ ഇ​റ​ങ്ങി​യ ത​ങ്ങ​ള്‍ ഒ​രു ക​ച്ചി​ത്തു​രു​മ്പ് എ​ന്ന നി​ല​ക്കാ​ണ് ആ ​വെ​ള്ള​ക്ക​ട​ലാ​സ് കൈ​യി​ല്‍ ക​രു​തി​യ​ത്. പ്ര​ദേ​ശ​ത്തേ​ക്ക് ആ​ര് ക​ട​ന്നു​വ​ന്നാ​ലും പ​രി​ശോ​ധി​ക്കാ​തെ ക​ട​ത്തി​വി​ട​രു​തെ​ന്ന ഉ​ന്ന​ത ഉ​ദ്യോ​ഗ​സ്ഥ​രു​ടെ നി​ര്‍ദേ​ശ​മ​ട​ങ്ങി​യ സ​ര്‍ക്കു​ല​ര്‍ ആ​യി​രു​ന്നു അ​ത്. ന​ട​ന്നു നീ​ങ്ങു​മ്പോ​ള്‍ ചൂ​ടി​ന്‍റെ അ​ക​മ്പ​ടി​യോ​ടെ വീ​ശു​ന്ന മ​ണ​ല്‍ക്കാ​റ്റി​ല്‍ ആ ​വെ​ള്ള​ക്ക​ട​ലാ​സ് മാ​ത്ര​മ​ല്ല ആ​ലി​ല​പോ​ലെ ത​ങ്ങ​ളും വി​റ​ക്കു​ന്നു​ണ്ടാ​യി​രു​ന്നു. ജോ​ലി ന​ഷ്ട​പ്പെ​ടാം, അ​ല്ലെ​ങ്കി​ല്‍ മ​റ്റു ശി​ക്ഷാ ന​ട​പ​ടി​ക​ളാ​കാം... ഏ​താ​ണ് വ​ന്നെ​ത്തു​ന്ന​ത് എ​ന്ന വേ​വ​ലാ​തി​യി​ല്‍ സാ​ലി​ഹ് ത​ങ്ങ​ള്‍ ഓ​ഫി​സി​ലേ​ക്ക് ന​ട​ന്നു.

അ​വി​ട​ത്തെ സു​ര​ക്ഷ ഭ​ട​ന്‍റെ അ​നു​മ​തി വാ​ങ്ങി ഓ​ഫി​സി​ന്‍റെ അ​ക​ത്തേ​ക്ക് പ്ര​വേ​ശി​ച്ചു. അ​പ്പോ​ള്‍ അ​വി​ടെ ത​ങ്ങ​ളു​ടെ ക്യാ​മ്പ് ഓ​ഫി​സ​റാ​യ മു​ഹ​മ്മ​ദ്‌ സാ​ലിം ക​ര്‍ദു​സ് അ​ല്‍ അം​റി​യും ഉ​ണ്ടാ​യി​രു​ന്നു. അ​ദ്ദേ​ഹ​ത്തെ​യും അ​ങ്ങോ​ട്ട്‌ വി​ളി​പ്പി​ച്ച​താ​യി​രു​ന്നു.

അ​ഭി​വാ​ദ്യം ചെ​യ്ത ശേ​ഷം താ​ങ്ക​ളാ​ണോ ചീ​ഫ് ഓ​ഫി​സ​റെ ത​ട​ഞ്ഞ​ത് എ​ന്ന് അ​ദ്ദേ​ഹം അ​ന്വേ​ഷി​ച്ചു. ത​നി​ക്ക് ല​ഭി​ച്ച നി​ര്‍ദേ​ശം അ​നു​സ​രി​ച്ച​താ​ണെ​ന്ന് ത​ങ്ങ​ള്‍ വി​ന​യ​ത്തോ​ടെ മ​റു​പ​ടി ന​ല്‍കി. ചീ​ഫ് ഓ​ഫി​സ​റു​ടെ സാ​ന്നി​ധ്യ​ത്തി​ലാ​യി​രു​ന്നു ചോ​ദ്യം​ചെ​യ്യ​ല്‍. ശൈ​ഖി​നെ അ​റി​യി​ല്ലേ എ​ന്ന​താ​യി അ​ടു​ത്ത ചോ​ദ്യം. അ​റി​യി​ല്ലാ​യി​രു​ന്നു എ​ന്ന് ത​ങ്ങ​ള്‍ സ​ത്യ​സ​ന്ധ​മാ​യി മ​റു​പ​ടി ന​ല്‍കി. എ​ന്താ​ണ് ത​ടു​ക്കാ​ന്‍ കാ​ര​ണം എ​ന്ന ചോ​ദ്യ​ത്തി​ന് കൈ​യി​ല്‍ ക​രു​തി​യി​രു​ന്ന സ​ര്‍ക്കു​ല​റി​ന്‍റെ കോ​പ്പി കാ​ണി​ച്ചു​കൊ​ടു​ത്തു. ഇ​നി ആ​രു​വ​ന്നാ​ലും ത​ട​യു​മോ എ​ന്ന ചോ​ദ്യ​മാ​യി​രു​ന്നു അ​ടു​ത്ത​ത്. സി​വി​ല്‍ ഡ്ര​സി​ല്‍ ആ​രു​വ​ന്നാ​ലും ത​ട​യു​മെ​ന്ന് ത​ങ്ങ​ള്‍ മ​റു​പ​ടി ന​ല്‍കി. ഇ​തോ​ടെ, ക​സേ​ര​യി​ല്‍ ഇ​രു​ന്ന ചീ​ഫ് ഓ​ഫി​സ​ര്‍ ശൈ​ഖ് മു​ഹ​മ്മ​ദ്‌ ബി​ന്‍ സാ​യി​ദ് ആ​ല്‍ ന​ഹ്​​യാ​ന്‍ എ​ഴു​ന്നേ​റ്റ് വ​ന്ന് ത​ങ്ങ​ള്‍ക്ക് കൈ​കൊ​ടു​ത്ത് അ​ഭി​ന​ന്ദി​ച്ചു. ത​ങ്ങ​ളു​ടെ സ​ത്യ​സ​ന്ധ​ത​യെ പ്ര​ശം​സി​ച്ച​തോ​ടൊ​പ്പം 500 ദി​ര്‍ഹം പാ​രി​തോ​ഷി​ക​വും ന​ല്‍കി. തോ​ളി​ല്‍ ത​ട്ടി അ​വി​ടെ നി​ന്നും യാ​ത്ര​യാ​ക്കി.

നീ​ണ്ട സ​ർ​വി​സി​നൊ​ടു​വി​ല്‍ 1999ല്‍ ​സാ​ലി​ഹ് ത​ങ്ങ​ള്‍ പ്ര​വാ​സ​ത്തോ​ട് വി​ട പ​റ​ഞ്ഞു.

വ​ര്‍ഷ​ങ്ങ​ള്‍ക്കി​പ്പു​റം താ​ന്‍ നേ​രി​ല്‍ ക​ണ്ട, സം​സാ​രി​ച്ച അ​ഭി​മാ​ന​പൂ​ർ​വം നെ​ഞ്ചി​ല്‍ താ​ലോ​ലി​ച്ച ചീ​ഫ് ഓ​ഫി​സ​ര്‍ ശൈ​ഖ് മു​ഹ​മ്മ​ദ്‌ ബി​ന്‍ സാ​യി​ദ് യു.​എ.​ഇ​യു​ടെ മൂ​ന്നാ​മ​ത്തെ പ്ര​സി​ഡ​ന്‍റ് ആ​യി അ​ധി​കാ​ര​മേ​റ്റ​ത് മ​ന​സ്സ് നി​റ​യു​ന്ന സ​ന്തോ​ഷ​ത്തോ​ടെ നോ​ക്കി​ക്കാ​ണു​ക​യാ​ണ് സാ​ലി​ഹ് ത​ങ്ങ​ള്‍.

Show Full Article
TAGS:shukran emarat 
News Summary - Sheikh Mohammed blocked the way; The gift that awaits
Next Story