ശൈ​ഖ് മു​ഹ​മ്മ​ദ്​ ബി​ൻ റാ​ശി​ദി​ന് ലോ​ക സി​ൽ​ക്ക് റോ​ഡ് ഫോ​റം സാ​ഹി​ത്യ​പു​ര​സ്കാ​രം

ദു​ബൈ: പ്ര​ചോ​ദ​നാ​ത്മ​ക സാ​ഹി​ത്യ വ്യ​ക്തി​ത്വം എ​ന്ന​നി​ല​യി​ൽ യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​നെ സാ​ഹി​ത്യ​പു​ര​സ്കാ​ര ജേ​താ​വാ​യി തി​ര​ഞ്ഞെ​ടു​ത്ത​താ​യി വേ​ൾ​ഡ് സി​ൽ​ക്ക് റോ​ഡ് ഫോ​റം പ്ര​ഖ്യാ​പി​ച്ചു. ദു​ബൈ​യെ ഒ​രു സാം​സ്കാ​രി​ക കേ​ന്ദ്ര​മാ​യും കി​ഴ​ക്കി​നും പ​ടി​ഞ്ഞാ​റി​നും ഇ​ട​യി​ൽ ബ​ന്ധ​പ്പെ​ടു​ത്തു​ന്ന ക​ണ്ണി​യാ​യും മാ​റ്റി​യ അ​സാ​ധാ​ര​ണ കാ​ഴ്ച​പ്പാ​ടി​നു​ള്ള അം​ഗീ​കാ​ര​മാ​യാ​ണ് പു​ര​സ്കാ​രം.

മേ​യ് 23 മു​ത​ൽ 29 വ​രെ ദു​ബൈ​യി​ൽ ന​ട​ക്കു​ന്ന സി​ൽ​ക്ക് റോ​ഡ് ഇ​ന്റ​ർ​നാ​ഷ​ന​ൽ ക​വി​ത ഉ​ത്സ​വ​ത്തി​ന്റെ അ​ഞ്ചാ​മ​ത് പ​തി​പ്പി​ന്‍റെ പ​ശ്ചാ​ത്ത​ല​ത്തി​ലാ​ണ്​ അ​വാ​ർ​ഡ്​ പ്ര​ഖ്യാ​പ​നം. മേ​യ് 27ന് ​മു​ഹ​മ്മ​ദ് ബി​ൻ റാ​ശി​ദ് ലൈ​ബ്ര​റി​യി​ൽ ഫെ​സ്റ്റി​വ​ലി​ന്റെ അ​വാ​ർ​ഡ് ദാ​ന ച​ട​ങ്ങ് ന​ട​ക്കും. സ​ഹ​വ​ർ​ത്തി​ത്വ​ത്തി​ന്റെ​യും സ​മാ​ധാ​ന​ത്തി​ന്റെ​യും പ്ര​തീ​ക​മാ​യി യു.​എ.​ഇ മാ​റി​യ​തി​നാ​ലാ​ണ് പ​രി​പാ​ടി​യു​ടെ വേ​ദി​യാ​യി ദു​ബൈ​യെ തി​ര​ഞ്ഞെ​ടു​ത്ത​തെ​ന്ന്​ വേ​ൾ​ഡ് സി​ൽ​ക്ക് റോ​ഡ് ഫോ​റ​ത്തി​ലെ ക​വി​ത സ​മി​തി​യു​ടെ ചെ​യ​ർ​മാ​നാ​യ പ്ര​ഫ​സ​ർ വാ​ങ് ഫാ​ങ്‌​വെ​ൻ പ​റ​ഞ്ഞു.

50ഓ​ളം ക​വി​ക​ളും ക​ലാ​കാ​ര​ന്മാ​രും ചി​ത്ര​കാ​ര​ന്മാ​രും പ​ങ്കെ​ടു​ക്കു​ന്ന പ​രി​പാ​ടി​യു​ടെ ഭാ​ഗ​മാ​യി ദു​ബൈ​യി​ലെ​യും യു.​എ.​ഇ​യി​ലെ​യും സാം​സ്കാ​രി​ക, വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ സ​ന്ദ​ർ​ശി​ക്കു​ക​യും ചെ​യ്യും. ചൈ​ന​യി​ലെ ഏ​റ്റ​വും വ​ലി​യ മാ​ധ്യ​മ സ്ഥാ​പ​ന​ങ്ങ​ളി​ലൊ​ന്നാ​യ പീ​പ്ൾ​സ് ഡെ​യ്‌​ലി ഉ​ൾ​പ്പെ​ടെ 20 ചൈ​നീ​സ് പ്ര​സ് ഏ​ജ​ൻ​സി​ക​ളാ​ണ് പ​രി​പാ​ടി​ക്ക്​ മാ​ധ്യ​മ ക​വ​റേ​ജ് ന​ൽ​കു​ന്ന​ത്.യു.​എ​സി​ൽ നി​യ​മ​പ​ര​മാ​യി ര​ജി​സ്റ്റ​ർ ചെ​യ്തി​ട്ടു​ള്ള സ്വ​ത​ന്ത്ര, സ​ർ​ക്കാ​റി​ത​ര സം​ഘ​ട​ന​യാ​ണ് വേ​ൾ​ഡ് സി​ൽ​ക്ക് റോ​ഡ് ഫോ​റം.

ന്യൂ​യോ​ർ​ക്കി​ലെ ചൈ​ന​യു​ടെ കോ​ൺ​സു​ലേ​റ്റ് ജ​ന​റ​ലും ഇ​തി​ന്​ അം​ഗീ​കാ​രം ന​ൽ​കി​യി​ട്ടു​ണ്ട്. ആ​ഗോ​ള സ​ഹ​ക​ര​ണം പ്രോ​ത്സാ​ഹി​പ്പി​ക്കു​ന്ന അ​ന്താ​രാ​ഷ്ട്ര പ​രി​പാ​ടി​ക​ളും സ​മ്മേ​ള​ന​ങ്ങ​ളും ഫോ​റം സം​ഘ​ടി​പ്പി​ക്കു​ക​യും ഐ​ക്യ​രാ​ഷ്ട്ര​സ​ഭ​യു​ടെ ലോ​ക ടൂ​റി​സം സം​ഘ​ട​ന, ലോ​ക ഇ​ന്റ​ർ​നെ​റ്റ് സ​മ്മേ​ള​നം, യു​നെ​സ്കോ തു​ട​ങ്ങി​യ പ്ര​ധാ​ന അ​ന്താ​രാ​ഷ്ട്ര സം​ഘ​ട​ന​ക​ളു​മാ​യി സ​ഹ​ക​രി​ച്ച്​ പ്ര​വ​ർ​ത്തി​ക്കു​ക​യും ചെ​യ്യു​ന്നു​ണ്ട്.