ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ് ദു​ബൈ വി​മാ​ന​ത്താ​വ​ളം സ​ന്ദ​ർ​ശി​ച്ചു

ദു​ബൈ: യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം ദു​ബൈ അ​ന്താ​രാ​ഷ്ട്ര വി​മാ​ന​ത്താ​വ​ളം സ​ന്ദ​ർ​ശി​ച്ച്​ പ്ര​വ​ർ​ത്ത​നം വി​ല​യി​രു​ത്തി. വ്യാ​ഴാ​ഴ്ച എ​യ​ർ​പോ​ർ​ട്ടി​ലെ​ത്തി​യ അ​ദ്ദേ​ഹം അ​ന്താ​രാ​ഷ്ട്ര യാ​ത്ര​ക്കാ​ർ​ക്ക്​ മി​ക​ച്ച അ​നു​ഭ​വം പ​ക​രാ​ൻ യോ​ജി​ച്ച്​ പ്ര​വ​ർ​ത്തി​ക്ക​ണ​മെ​ന്ന്​ ഉ​ദ്യോ​ഗ​സ്ഥ​ർ​ക്ക്​ നി​ർ​ദേ​ശം ന​ൽ​കി. ലോ​ക​ത്തെ തി​ര​ക്കേ​റി​യ വി​മാ​ന​ത്താ​വ​ളം എ​ന്ന നി​ല​യി​ൽ സേ​വ​ന​ങ്ങ​ളു​ടെ ഗു​ണ​നി​ല​വാ​രം ശ്ര​ദ്ധി​ക്ക​ണ​മെ​ന്നും പ​റ​ഞ്ഞു.

സ​ന്ദ​ർ​ശ​ന​ത്തി​ന്‍റെ ചി​ത്ര​ങ്ങ​ൾ ട്വി​റ്റ​റി​ൽ പ​ങ്കു​വെ​ച്ച ശൈ​ഖ്​ മു​ഹ​മ്മ​ദ്, വി​മാ​ന​ത്താ​വ​ള​ത്തി​ലെ സേ​വ​ന​ങ്ങ​ളു​ടെ നി​ല​വാ​രം ഉ​റ​പ്പു​വ​രു​ത്തു​ന്ന​ത്​ തു​ട​രു​മെ​ന്ന്​ കു​റി​ച്ചു. കോ​വി​ഡി​ന്​ ശേ​ഷം വേ​ഗ​ത്തി​ൽ അ​ന്താ​രാ​ഷ്​​ട്ര യാ​ത്ര​ക്കാ​രെ സ്വീ​ക​രി​ക്കാ​ൻ ക​ഴി​ഞ്ഞ​തി​ലൂ​ടെ​യാ​ണ്​ ഒ​ന്നാം സ്ഥാ​നം നി​ല​നി​ർ​ത്താ​ൻ ക​​ഴി​ഞ്ഞ​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഇ​ക്ക​ഴി​ഞ്ഞ ജൂ​ൺ 24 മു​ത​ൽ ജൂ​ലൈ നാ​ല് വ​രെ​യു​ള്ള പ​ത്തു ദി​വ​സ​ങ്ങ​ളി​ൽ 24 ല​ക്ഷം യാ​ത്ര​ക്കാ​രാ​ണ്​ വി​മാ​ന​ത്താ​വ​ളം വ​ഴി ക​ട​ന്നു​പോ​യ​ത്. ദി​നം​പ്ര​തി ശ​രാ​ശ​രി ര​ണ്ടു​ല​ക്ഷ​ത്തി​ലേ​റെ പേ​ർ ഇ​തി​ലൂ​ടെ സ​ഞ്ച​രി​ക്കു​ന്നു. യാ​ത്ര​ക്കാ​ർ​ക്ക്​ മി​ക​ച്ച സൗ​ക​ര്യ​ങ്ങ​ളാ​ണ്​ ഇ​വി​ടെ ഒ​രു​ക്കി​യ​ത്.

വി​മാ​ന​ത്താ​വ​ള​ത്തി​ൽ പു​തു​താ​യി സ​ജ്ജീ​ക​രി​ച്ച സം​യോ​ജി​ത കോ​ണ്ടാ​ക്ട്​ സെ​ന്‍റ​റി​ന്‍റെ പ്ര​വ​ർ​ത്ത​നം വ്യാ​ഴാ​ഴ്ച ആ​രം​ഭി​ച്ചി​രു​ന്നു. യാ​ത്ര​ക്കാ​ർ​ക്ക് വി​മാ​ന​ത്താ​വ​ള​ത്തി​ലെ ഉ​പ​ഭോ​ക്തൃ സേ​വ​ന പ്രൊ​ഫ​ഷ​ന​ലു​ക​ളു​മാ​യി എ​പ്പോ​ൾ വേ​ണ​മെ​ങ്കി​ലും ഇ​ഷ്ടാ​നു​സ​ര​ണം ഏ​ത്​ ചാ​ന​ലി​ലും ബ​ന്ധ​പ്പെ​ടാ​നു​ള്ള സം​വി​ധാ​ന​മാ​ണി​ത്.