ഇറാഖി ബാലികയുടെ 80 ലക്ഷം ദിർഹമി​െൻറ ഇഞ്ചക്ഷൻ ചെലവ്​ ഏറ്റെടുത്ത്​ ശൈഖ്​ മുഹമ്മദ്

ദുബൈ: അൽ ജലീല ചിൽഡ്രൻസ്​ സ്​പെഷ്യാലിറ്റി ആശുപത്രിയിലെ ഡോക്​ടർമാരിൽ നിന്ന്​​ ചെറിയൊരു ഇഞ്ചക്ഷൻ ഏറ്റുവാങ്ങു​േമ്പാൾ മറ്റേതൊരു കുരുന്നിനെയും പോലെ കുഞ്ഞു ലവീണും ചിണുങ്ങിയിട്ടുണ്ടാവും.

ജീവ​െൻറ വിലയുള്ള ഇഞ്ചക്ഷനെ കുറിച്ചോ അതി​െൻറ ചെലവിനെപറ്റിയോ അത്​ സമ്മാനിച്ചതാരെ​ന്നോ തിരിച്ചറിയാനുള്ള പ്രായമായിട്ടില്ലല്ലോ അവൾക്ക്​. യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​െൻറ സ്​നേഹ പ്രതിഫലനമായിരുന്നു ആ രണ്ട്​ വയസുകാരിക്ക്​ ഒരുക്കിക്കൊടുത്ത 80 ലക്ഷം ദിർഹമി​െൻറ കുത്തിവെപ്പ്​.

ഫെബ്രുവരി ഒമ്പതിനാണ്​ ഇറാഖ്​ സ്വദേശികളായ ഇബ്രാഹിം ജമ്മാർ മുഹമ്മദും ഭാര്യ മസർ മുൻദറും സ്​പൈനൽ മസ്​കുലാർ അട്രോഫി (എസ്​.എം.എ ബാധിച്ച മകളുടെ ചികിത്സക്കായി ദുബൈയിൽ എത്തിയത്​. ജലീല ആശുപത്രിയിൽ ​പ്രവേശിപ്പിച്ചപ്പോഴാണ്​ ചികിത്സാ ചെലവറിയുന്നത്​. ഒരു ഇഞ്ചക്ഷന്​ 80 ലക്ഷം ദിർഹം വേണം. മുന്നിൽ മറ്റ്​ വഴികളൊന്നും തെളിയാതെ വന്നപ്പോഴാണ്​ ലവീണിനെയും ചേർത്തുപിടിച്ച്​ മാതാവ്​ മസർ ഇൻസ്​റ്റ​ഗ്രാമിൽ വീഡിയോ പോസ്​റ്റ്​ ചെയ്​തു​. ശൈഖ്​ മുഹമ്മദിനെ ടാഗ്​ ചെയ്​ത വീഡിയോയിൽ അവർ ഇങ്ങനെ പറഞ്ഞു 'ബഹുമാനപ്പെട്ട ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം. എ​െൻറ കുഞ്ഞിനായി അങ്ങയുടെ കാരുണ്യം തേടുന്നു. അത്യപൂർവമായ രോഗത്തി​െൻറ പിടിയിലാണിവൾ. ഞങ്ങളുടെ രാജ്യത്ത്​ ഇതിനായുള്ള ചികിത്സയില്ലാത്തതിനാലാണ്​ ഇവിടേക്ക്​ വന്നത്​. എന്നാൽ, ചികിത്സ ചെലവ്​ ഞങ്ങൾക്ക്​ താങ്ങാൻ കഴിയുന്നില്ല. ഏതാനും ദിവസം കഴിഞ്ഞാൽ അവൾക്ക്​ രണ്ട്​ വയസ്​ തികയും. അതിന്​ മുൻപ്​ ചികിത്സ നൽകണമെന്നാണ്​ ഡോക്​ടർമാർ പറയുന്നത്​. അവളെ പുതിയ ജീവിതത്തിലേക്ക്​ നയിക്കാൻ ഞാൻ അങ്ങയുടെ സഹായം തേടുന്നു. അങ്ങയുടെ രാജ്യത്തെ ഏറ്റവും പ്രായം കുറഞ്ഞ അതിഥിയായി അവളെ പരിഗണിക്കണം. യു.എ.ഇയുടെ അനുകമ്പയും കരുണയും ഏറെ കേട്ടിട്ടുണ്ട്​. എ​െൻറ മകളോട്​ കരുണ കാണിക്കണമെന്ന്​ അഭ്യർഥിക്കുന്നു'...

വീഡിയോ പോസ്​റ്റ്​ ചെയ്​ത്​ ഒരാഴ്​ച പിന്നിട്ടപ്പോൾ അൽ ജലീല ആശുപത്രിയിലെ ഡോക്​ർടമാർ മസറി​െൻറ അടുക്കലെത്തി. ശൈഖ്​ മുഹമ്മദ്​ ചികിത്സ ചെലവ്​ ഏറ്റെടുത്ത സ​ന്തോഷ വർത്തമാനം കൈമാറി. ലോകത്തിലെ ഏറ്റവും ചെലവേറിയ ചികിത്സയായി കണ​ക്കാക്കപ്പെടുന്ന ജീൻ തെറാപ്പി ​സോൾജെൻസ്​മയാണ്​ ലവീണിനായി നൽകുന്നത്​. ഇതി​െൻറ ഒറ്റത്തവണ ഇൻജക്ഷന്​ വേണ്ടിയാണ്​ 80 ദശലക്ഷം ദിർഹം ചെലവ്​ വരുന്നത്​. ഇൻജക്ഷൻ എത്താനുള്ള കാത്തിരിപ്പായിരുന്നു പിന്നീട്​. കഴിഞ്ഞ ദിവസം ഇൻജക്ഷൻ എത്തുകയും വ്യാഴാഴ്​ച കുത്തിവെക്കുകയും ചെയ്​തു. ഇനി മണിക്കൂറുകൾ നിരീക്ഷണത്തിലായിരിക്കും. മൂന്ന്​ മാസമെങ്കിലും ചികിത്സ തുടരേണ്ടി വരും. ലക്ഷം കുട്ടികളിൽ ഒരാൾക്ക്​ മാത്രം വരുന്ന അസുഖമാണിത്​.