അ​നു​ഭ​വ​ങ്ങ​ൾ ക​രു​ത്താ​ക്കി ശൈ​ഖ്​ മ​ൻ​സൂ​ർ

അ​ബൂ​ദ​ബി: യു.​എ.​ഇ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ന്‍റെ കൂ​ടെ സു​പ്ര​ധാ​ന യാ​ത്ര​ക​ളി​ലും യോ​ഗ​ങ്ങ​ളി​ലും നി​ഴ​ൽ​പോ​ലെ കൂ​ടെ​യു​ണ്ടാ​കു​ന്ന വ്യ​ക്​​തി​ത്വ​മാ​ണ്​ പു​തു​താ​യി യു.​എ.​ഇ​യു​ടെ വൈ​സ്​ പ്ര​സി​ഡ​ന്‍റാ​യി നി​യ​മി​ത​നാ​യ ​ശൈ​ഖ്​ മ​ൻ​സൂ​ർ ബി​ൻ സാ​യി​ദ്​ ആ​ൽ ന​ഹ്​​യാ​ൻ. രാ​ഷ്​​ട്ര​പി​താ​വ്​ ശൈ​ഖ്​ സാ​യി​ദ്​ ബി​ൻ സു​ൽ​ത്താ​ൻ ആ​ൽ ന​ഹ്​​യാ​ന്‍റെ പു​ത്ര​നെ​ന്ന നി​ല​യി​ൽ കു​ട്ടി​ക്കാ​ലം മു​ത​ൽ യു.​എ.​ഇ​യു​ടെ​യും അ​ബൂ​ദ​ബി​യു​ടെ​യും മു​ന്നേ​റ്റ​വും പു​രോ​ഗ​തി​യും നേ​രി​ട്ട്​ കാ​ണു​ക​യും നേ​തൃ​ത്വം ന​ൽ​കു​ക​യും ചെ​യ്ത അ​നു​ഭ​വ​ങ്ങ​ൾ ക​രു​ത്താ​ക്കി​യാ​ണ്​ അ​ദ്ദേ​ഹം പു​തി​യ പ​ദ​വി​യി​ലേ​ക്ക്​ നി​യ​മി​ത​നാ​യി​രി​ക്കു​ന്ന​ത്. രാ​ജ്യ​ത്തെ വി​കാ​സ​ത്തി​ന്‍റെ പു​തി​യ വി​ഹാ​യ​സ്സി​ലേ​ക്ക്​ ന​യി​ക്കു​ന്ന സ​ഹോ​ദ​ര​ൻ കൂ​ടി​യാ​യ പ്ര​സി​ഡ​ന്‍റി​ന്​ കൂ​ടു​ത​ൽ ക​രു​ത്തു​പ​ക​രു​ന്ന​താ​യി​രി​ക്കും ശൈ​ഖ്​ മ​ൻ​സൂ​റി​ന്‍റെ നി​യ​മ​നം.

യു.​എ.​ഇ പി​റ​വി​യെ​ടു​ക്കു​ന്ന​തി​ന്​ തൊ​ട്ടു​മു​മ്പ്​ 1970 ന​വം​ബ​ർ 21നാ​ണ്​ അ​ദ്ദേ​ഹ​ത്തി​​ന്‍റെ ജ​ന​നം. രാ​ഷ്​​ട്ര മാ​താ​വ്​ ഫാ​ത്തി​മ ബി​ൻ​ത്​ മു​ബാ​റ​ക്​ അ​ൽ കെ​ത്​​ബി​യാ​ണ്​ മാ​താ​വ്. സ്കൂ​ൾ പ​ഠ​നം അ​ബൂ​ദ​ബി​യി​ൽ പൂ​ർ​ത്തീ​ക​രി​ച്ച ശേ​ഷം ഉ​ന്ന​ത പ​ഠ​ന​ത്തി​ന്​ അ​മേ​രി​ക്ക​യി​ലേ​ക്ക്​ പോ​യി. 1993ൽ ​അ​ന്താ​രാ​ഷ്ട്ര സ​ഹ​ക​ര​ണ​ത്തി​ൽ ബി​രു​ദം നേ​ടി​യാ​ണ്​ പ​ഠ​നം പൂ​ർ​ത്തി​യാ​ക്കി​യ​ത്. തി​രി​ച്ചെ​ത്തി​യ ശേ​ഷം വ​ർ​ഷ​ങ്ങ​ൾ​ക്ക​കം ത​ന്നെ വി​വി​ധ ഭ​ര​ണ ചു​മ​ത​ല​ക​ൾ ഏ​ൽ​പി​ക്ക​പ്പെ​ട്ടു. ശൈ​ഖ്​ സാ​യി​ദ്​ ഭ​ര​ണ​ത്തി​ലി​രു​ന്ന കാ​ല​ത്ത്​ 1997ൽ ​പ്ര​സി​ഡ​ന്‍റി​ന്‍റെ ഓ​ഫി​സ്​ ചെ​യ​ർ​മാ​ൻ എ​ന്ന ഉ​ന്ന​ത​പ​ദ​വി​യി​ൽ നി​യ​മി​ത​നാ​യി. ശൈ​ഖ്​ സാ​യി​ദി​ന്‍റെ വി​യോ​ഗം​വ​രെ ഈ ​പ​ദ​വി​യി​ൽ സ്തു​ത്യ​ർ​ഹ​മാ​യ സേ​വ​നം ചെ​യ്തു. അ​തി​നി​ടെ, 2000ത്തി​ൽ നാ​ഷ​ന​ൽ ആ​ർ​ക്കൈ​വ്‌​സ് അ​ധ്യ​ക്ഷ​നാ​യും ചു​മ​ത​ല ന​ൽ​കി​യി​രു​ന്നു. മി​ക​ച്ച കു​തി​ര​യോ​ട്ട​ക്കാ​ര​നാ​യ അ​ദ്ദേ​ഹം നി​ര​വ​ധി അ​ന്താ​രാ​ഷ്ട്ര മ​ത്സ​ര​ങ്ങ​ളി​ൽ ജേ​താ​വാ​യി​ട്ടു​ണ്ട്. എ​മി​റേ​റ്റ്സ് ഹോ​ഴ്സ്​ റൈ​സി​ങ്​ അ​തോ​റി​റ്റി​യു​ടെ ചെ​യ​ർ​മാ​ൻ പ​ദ​വി​യി​ലെ​ത്തി​യ​തും ഈ ​താ​ൽ​പ​ര്യം കാ​ര​ണ​മാ​യാ​ണ്. 2004ൽ ​പി​താ​വി​ന്‍റെ മ​ര​ണ​ത്തി​ന്​ തൊ​ട്ടു​ട​നെ​യാ​ണ്​ പ്ര​സി​ഡ​ൻ​ഷ്യ​ൽ​കാ​ര്യ മ​ന്ത്രി​യാ​യി നി​യ​മി​ത​നാ​യ​ത്. 2005ൽ ​അ​ബൂ​ദ​ബി ഡെ​വ​ല​പ്‌​മെ​ന്‍റ്​ ഫ​ണ്ട്, 2005ൽ ​അ​ബൂ​ദ​ബി ഫു​ഡ് ക​ൺ​ട്രോ​ൾ അ​തോ​റി​റ്റി ബോ​ർ​ഡ്, 2006ൽ ​അ​ബൂ​ദ​ബി ജു​ഡീ​ഷ്യ​ൽ ഡി​പ്പാ​ർ​ട്മെ​ന്‍റ്​ എ​ന്നി​വ​യു​ടെ അ​ധ്യ​ക്ഷ​നാ​യി. 2009 മേ​യി​ൽ പു​തി​യ കാ​ബി​ന​റ്റ് രൂ​പ​വ​ത്ക​രി​ച്ച​പ്പോ​ൾ ശൈ​ഖ്​ മ​ൻ​സൂ​ർ ബി​ൻ സാ​യി​ദ് ഉ​പ​പ്ര​ധാ​ന​മ​ന്ത്രി​യാ​യി നി​യ​മി​ത​നാ​യി.

2006ൽ ​മ​ന്ത്രി​ത​ല വി​ക​സ​ന കൗ​ൺ​സി​ലി​ന്‍റെ​യും 2007ൽ ​എ​മി​റേ​റ്റ്‌​സ് ഇ​ൻ​വെ​സ്റ്റ്‌​മെ​ന്‍റ്​ അ​തോ​റി​റ്റി​യു​ടെ​യും അ​ധ്യ​ക്ഷ​നാ​യും ചു​മ​ത​ല ന​ൽ​ക​പ്പെ​ട്ടു. ഇ​തു​വ​ഴി നി​ര​വ​ധി വി​ക​സ​ന പ്ര​വ​ർ​ത്ത​ന​ങ്ങ​ൾ​ക്കും രാ​ജ്യാ​ന്ത​ര ബ​ന്ധ​ങ്ങ​ൾ​ക്കും നേ​തൃ​ത്വം ന​ൽ​കാ​നും അ​ദ്ദേ​ഹ​ത്തി​ന്​ ക​ഴി​ഞ്ഞു. യു.​എ.​ഇ ഉ​പ​പ്ര​ധാ​ന​മ​ന്ത്രി​യും പ്ര​സി​ഡ​ൻ​ഷ്യ​ൽ​കാ​ര്യ വ​കു​പ്പ്​ മ​ന്ത്രി​യു​മാ​യി ചു​മ​ത​ല തു​ട​രു​ന്ന​തി​നി​ടെ​യാ​ണ്​ വൈ​സ്​ പ്ര​സി​ഡ​ന്‍റ്​ എ​ന്ന സു​പ്ര​ധാ​ന ചു​മ​ത​ല കൂ​ടി ഏ​ൽ​പി​ക്ക​പ്പെ​ട്ടി​രി​ക്കു​ന്ന​ത്. 2019ൽ ​മു​ഖ്യ​മ​ന്ത്രി പി​ണ​റാ​യി വി​ജ​യ​ൻ അ​ബൂ​ദ​ബി സ​ന്ദ​ർ​ശി​ച്ച​പ്പോ​ൾ സ്വീ​ക​രി​ക്കു​ക​യും വി​വി​ധ വി​ഷ​യ​ങ്ങ​ളി​ൽ കൂ​ടി​യാ​ലോ​ച​ന ന​ട​ത്തു​ക​യും ചെ​യ്ത​ത്​ ശൈ​ഖ്​ മ​ൻ​സൂ​റി​നോ​ടാ​യി​രു​ന്നു. യു.​എ.​ഇ വൈ​സ്​ പ്ര​സി​ഡ​ന്‍റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ മൂ​ത്ത മ​ക​ൾ മ​നാ​ൽ ബി​ൻ​ത്​ മു​ഹ​മ്മ​ദ്​ ആ​ൽ മ​ക്​​തൂ​മാ​ണ്​ പ​ത്നി. ആ​റു മ​ക്ക​ളു​ണ്ട്.