എഫ്​.എൻ.സി രൂപവത്​കരണത്തിന്​ ശൈഖ്​ ഖലീഫയുടെ ഉത്തരവ്​

ദുബൈ: യു.എ.ഇ ഫെഡറൽ നാഷനൽ കൗൺസിൽ (എഫ്​.എൻ.സി) രൂപവത്​കരിക്കുന്നതിന്​ പ്രസിഡൻറ്​ ശൈഖ്​ ഖലീഫ ബിൻ സായിദ് ആൽ നഹ്​യാൻ ഉ ത്തരവ്​ പുറപ്പെടുവിച്ചു. 40 അംഗ കൗൺസിലിൽ 20 അംഗങ്ങൾ വനിതകളാണ്​. രാജ്യത്തി​​െൻറ ജനാധിപത്യ പ്രക്രിയയിൽ സ്​ത്രീ^പു രുഷ സമത്വം ഉറപ്പുവരുത്തുന്നതിനായാണ്​ തുല്യ അനുപാതത്തിൽ വനിതകളെ ഉൾക്കൊള്ളിക്കണമെന്ന്​ പ്രസിഡൻറ്​ ആവശ്യപ്പെട്ടത്​. ഇൗ മാസം 14ന്​ കൗൺസിൽ വിളിച്ചു ചേർക്കുവാനാണ്​ പ്രസിഡൻറി​​െൻറ നിർദേശം.

ദേശീയ പ്രാധാന്യമുള്ള വിഷയങ്ങളിൽ സർക്കാറിന്​ മാർഗനിർദേശം നൽകുന്ന ദൗത്യമാണ്​ ​ഫെഡറൽ നാഷനൽ കൗൺസിലിനുള്ളത്​. ഫെഡറൽ നിയമങ്ങൾ പാസാക്കുന്നതും തള്ളുന്നതും ഭേദഗതി വരുത്തുന്നതുമെല്ലാം കൗൺസിൽ ചർച്ച ചെയ്​താണ്​. അന്താരാഷ്​ട്ര ഉടമ്പടികളും ഇവിടെ വിലയിരുത്തും. 1971ൽ നിലവിൽ വന്ന കൗൺസിലിലേക്ക്​ 2006 മുതലാണ്​ വോ​െട്ടടുപ്പ്​ ആരംഭിച്ചത്​.

നാലു വർഷമാണ്​ അംഗങ്ങളുടെ കാലാവധി. ഏറെ ആവേശകരമായ രീതിയിലെ പ്രചാരണവും തെരഞ്ഞെടുപ്പുമാണ്​ ഇക്കുറി എഫ്​.എൻ.സിയിലേക്ക്​ നടന്നത്​.