പൊ​ട്ടി​ക്ക​ര​ഞ്ഞ പെ​ൺ​കു​ട്ടി​യെ ചി​രി​പ്പി​ച്ച്​ ദു​ബൈ കി​രീ​ടാ​വ​കാ​ശി ശൈ​ഖ്​ ഹം​ദാ​ൻ...! വൈറലായി വിഡിയോ

ദു​ബൈ: അ​പ്ര​തീ​ക്ഷി​ത​മാ​യി സ്വ​പ്ന​തു​ല്യ​മാ​യ ഒ​രു കൂ​ടി​ക്കാ​ഴ്ച​ക്ക്​ അ​വ​സ​ര​മൊ​രു​ങ്ങി​യാ​ൽ ചി​ല​പ്പോ​ൾ ക​ണ്ണു​ക​ൾ ഈ​റ​ന​ണി​യും. മി​സ്ന എ​ന്ന ഭിന്നശേഷിക്കാരിയായ പെ​ൺ​കു​ട്ടി​ക്കും അതാ​ണ്​ സം​ഭ​വി​ച്ച​ത്. ദു​ബൈ കി​രീ​ടാ​വ​കാ​ശി​യും എ​ക്​​സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം ല​ണ്ട​ൻ തെ​രു​വി​ൽ ത​നി​ക്കു​ മു​ന്നി​ൽ പ്ര​ത്യ​ക്ഷ​പ്പെ​ടു​മെ​ന്ന്​ അ​വ​ൾ ഒ​രി​ക്ക​ലും നി​ന​ച്ചി​ല്ല. എ​ന്നാ​ല​ത്​ സം​ഭ​വി​ച്ചു എ​ന്നു​മാ​ത്ര​മ​ല്ല, കൂ​ടെ​നി​ന്ന്​ ഫോ​ട്ടോ​യെ​ടു​ക്കാ​ൻ അ​ദ്ദേ​ഹം എ​തി​ർ​പ്പും പ​റ​ഞ്ഞി​ല്ല. അദ്ദേഹം ചേ​ർ​ത്തു​നി​ർ​ത്തി​യ​പ്പോ​ൾ മി​സ്​​ന​​ പൊ​ട്ടി​ക്ക​ര​ഞ്ഞു​പോ​യി.

എ​ന്നാ​ൽ, ഫോ​ട്ടോ​യെ​ടു​ക്കു​ന്ന​യാ​ളോ​ട്​ ഞാ​നി​പ്പോ​ൾ ചി​രി​പ്പി​ക്കാം എ​ന്നു​പ​റ​ഞ്ഞ്​ മി​സ്ന​യു​ടെ മു​ഖ​ത്തി​നു​നേ​രെ കൈ​പി​ടി​ച്ച്​ അ​റ​ബി​യി​ൽ ഒ​ന്ന്, ര​ണ്ട്, മൂ​ന്ന്... എ​ന്ന്​ അ​ദ്ദേ​ഹം പ​റ​യു​ന്നു. ഇ​തി​ൽ പെ​ൺ​കു​ട്ടി​യു​ടെ മു​ഖ​ത്ത്​ ക​ര​ച്ചി​ൽ മാ​റി പെ​ട്ടെ​ന്ന്​ ചി​രി നി​റ​ഞ്ഞു. വെ​ള്ളി​യാ​ഴ്ച​ത്തെ സം​ഭ​വ​ത്തി​ന്‍റെ വി​ഡി​യോ മി​നി​റ്റു​ക​ൾ​ക്ക​മാ​ണ്​ സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​യ​ത്.

വേ​ന​ൽ​ക്കാ​ല സ​ന്ദ​ർ​ശ​ന​ത്തി​ന്​ ല​ണ്ട​നി​​ൽ എ​ത്തി​യ​താ​ണ്​ ശൈ​ഖ്​ ഹം​ദാ​ൻ. പി​താ​വും യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മും ല​ണ്ട​നി​ലു​ണ്ട്. ക​ഴി​ഞ്ഞ ദി​വ​സ​ങ്ങ​ളി​ൽ അ​ദ്ദേ​ഹം തെ​രു​വി​ലൂ​ടെ ന​ട​ക്കു​ന്ന​തും ജ​ന​ങ്ങ​ളെ അ​ഭി​വാ​ദ്യം ചെ​യ്യു​ന്ന​തു​മാ​യ വി​ഡി​യോ​ക​ൾ പു​റ​ത്തു​വ​ന്നി​രു​ന്നു.