ഗസ്സക്ക് ശൈഖ ബുദൂറി​െൻറ സഹായഹസ്തം

ഷാർജ: ഇൻറർനാഷനൽ പബ്ലിഷേഴ്‌സ് അസോസിയേഷൻ (ഐ.പി.എ) പ്രസിഡൻറും യു.എ.ഇ ആസ്ഥാനമായ കലിമത് ഗ്രൂപ്​ സ്ഥാപകയും സി.ഇ.ഒയുമായ ശൈഖ ബുദൂർ ബിൻത്​ മുഹമ്മദ് അൽ ഖാസിമി കുട്ടികൾക്കായി രചിച്ച 'വേൾഡ് ബുക്ക് കാപിറ്റൽ' എന്ന പുസ്തകത്തി​െൻറ വിൽപന വരുമാനം ഗസ്സയിലെ ലൈബ്രറികളിലേക്കും സാംസ്കാരിക, വിദ്യാഭ്യാസ സ്ഥാപനങ്ങളിലേക്കും നൽകും. നിരവധി ലൈബ്രറികൾക്കും സാംസ്കാരിക സ്ഥാപനങ്ങൾക്കും കനത്ത നാശനഷ്​ടമുണ്ടായ ഗസ്സ സ്ട്രിപ്പിന് പിന്തുണ അത്യന്താപേക്ഷിതമാണെന്ന് ശൈഖ ബുദൂർ പറഞ്ഞു.