ശൈഖ്​ അബ്​ദുല്ലയും യു.എൻ ഡെപ്യൂട്ടി സെക്രട്ടറി ജനറലും എക്​സ്​പോയിൽ കൂടിക്കാഴ്​ച നടത്തി

ദുബൈ: യു.എ.ഇ വിദേശകാര്യ മന്ത്രി ശൈഖ്​ അബ്​ദുല്ല ബിൻ സായിദും യു.എൻ ഡെപ്യൂട്ടി സെക്രട്ടറി ജനറൽ ആമിന മുഹമ്മദും എക്​സ്​പോ നഗരിയിൽ കൂടിക്കാഴ്​ച നടത്തി. എക്​സപോയിലെ യു.എൻ പവിലിയൻ സന്ദർശിക്കാൻ എത്തിയതായിരുന്നു അവർ.

വിവിധ മേഖലകളി​ലെ യു.എന്നും യു.എ.ഇയും തമ്മിലുള്ള ബന്ധം ശക്തിപ്പെടുത്തുന്നതിനെക്കുറിച്ചാണ്​ ചർച്ച ചെയ്​തത്​. കാലാവസ്ഥ വ്യതിയാനം, പരിസ്ഥിതി പ്രശ്​നങ്ങൾ തുടങ്ങിയ വിഷയങ്ങളിലെ ആശങ്കകളും ഇരുവരും പങ്കിട്ടു. പരിസ്ഥിതി സംരക്ഷണത്തിനുള്ള യു.എന്നി​െൻറ പദ്ധതിക​ൾക്ക്​ ശൈഖ്​ അബ്​ദുല്ല പിന്തുണ അറിയിച്ചു. എക്​സ്​പോ ഡയറക്​ടർ ജനറലും അന്താരാഷ്​ട്ര സഹകരണ സഹമന്ത്രിയുമായ റീം അൽ ഹശ്​മിയുമായും ആമിന മുഹമ്മദ്​ ചർച്ച നടത്തി. എക്​സ്​പോയുടെ നടത്തിപ്പിലും ദീർഘവീക്ഷണമുള്ള നടപടികളിലും റീം അൽ ഹശ്​മിയെ അഭിനന്ദിക്കുന്നതായി അവർ പറഞ്ഞു.