ഷാർജയിൽ ഇനി മൂന്ന്​ ദിവസം വാരാന്ത്യ അവധി

ദുബൈ: ഷാർജയിൽ സർക്കാർ സ്ഥാപനങ്ങൾക്ക് മൂന്ന്​ ദിവസം വാരാന്ത്യ അവധി പ്രഖ്യാപിച്ചു. വെള്ളി, ശനി, ഞായർ ദിവസങ്ങളിലാണ് അവധി ലഭിക്കുക.

പ്രവൃത്തി സമയം രാവിലെ 7.30 മുതൽ വൈകീട്ട്​ 3.30 വരെയാക്കി. ജനുവരി ഒന്ന്​ മുതലാണ് പുതിയ മാറ്റം നിലവിൽ വരിക.

യു.എ.ഇ ജനുവരി ഒന്ന് മുതൽ ആഴ്ചയിലെ പ്രവർത്തിസമയം നാലരദിവസമായി ചുരുക്കിയപ്പോൾ ഷാർജ വെള്ളിയാഴ്ച കൂടി പൂർണ അവധി നൽകി പ്രവർത്തി ദിവസം നാലാക്കാൻ തീരുമാനിക്കുകയായിരുന്നു. ഷാർജ എക്സികൂട്ടിവ് കൗൺസിലി​േൻറതാണ് തീരുമാനം.