ഷാർജ നഗരസഭ ബീച്ചുകളിൽ സൈക്കിൾ പട്രോളിങ്​ ആരംഭിച്ചു

ഷാർജ: ബീച്ചുകളിലും പ്രകൃതിരമണീയമായ ഇടങ്ങളിലും നിരീക്ഷണവും അവബോധവും വർധിപ്പിക്കുന്നതിന്​ ഷാർജ മുനിസിപ്പാലിറ്റി സൈക്കിൾ പട്രോളിങ്​ ആരംഭിച്ചു. അൽ മുസല്ല പ്രദേശത്തെ മുനിസിപ്പാലിറ്റിയുടെ ആസ്ഥാനത്തുവെച്ച് ഡയറക്​ടർ ജനറൽ താബിത് സലീം അൽ താരിഫി ഉദ്ഘാടനം ചെയ്​തു. ഉപയോക്താക്കളെ ബോധവത്കരിക്കുക, പ്രതിരോധ- മുൻകരുതൽ പാലിക്കാൻ പ്രേരിപ്പിക്കുക, ബീച്ചുകളുടെയും ഹരിതപ്രദേശങ്ങളുടെയും ഉപയോഗം സംബന്ധിച്ച നിർദേശങ്ങൾ നൽകുക എന്നിവയാണ് ഈ സംരംഭത്തി​െൻറ ലക്ഷ്യമെന്ന് അൽ തരിഫി പറഞ്ഞു.

പരിസ്ഥിതി സംരക്ഷിക്കുന്നതിനും പരിരക്ഷിക്കുന്നതിനും പുറമെ ജീവനക്കാരുടെ കായിക പരിശീലനവും ആരോഗ്യവും പ്രോത്സാഹിപ്പിക്കുമെന്നും അൽ തരിഫി പറഞ്ഞു.