ഷാർജ ഇസ്​ലാമിക കലോത്സവത്തിന്​ തുടക്കമായി

ഷാർജ: ഇസ്​ലാമിക കലയുടെ ആഗോള ഉത്സവത്തിന്​ ഷാർജയിൽ തുടക്കമായി. ഹൊറൈസൺ (ചക്രവാളം) എന്ന പ്രമേയത്തിൽ ഷാർജ ആർട്ട് ​ മ്യൂസിയത്തിൽ ആരംഭിച്ച ഷാർജ ഇസ്​ലാമിക്​ ആർട്​സ്​ ഫെസ്​റ്റിവലി​​​െൻറ 21ാം അധ്യായത്തിന്​ നിറം പകരാൻ ഷാർജ ധനകാര്യ വകുപ്പ്​ ചെയർമാൻ ശൈഖ്​ മുഹമ്മദ്​ ബിൻ സഉൗദ്​ അൽ ഖാസിമി, ഷാർജ സാംസ്​കാരിക വിഭാഗം മേധാവി മുഹമ്മദ്​ അൽ ഖസീർ എന്നിവരും നൂറുകണക്കിന്​ കലാകാരും ആസ്വാദകരുമാണ്​ എത്തിച്ചേർന്നത്​.

വൈകീട്ട്​ അൽ മജാസ്​ വാട്ടർ ഫ്രണ്ടിൽ നടന്ന ഇമറാത്തി കലാകാരി ഫത്​മാ ലൂത്തയുടെ മിറാജ്​, യു.കെ ടോയ്​ സ്​റ്റുഡിയോ പ്രദർശനങ്ങൾ ഏറെ പേരെ ആകർഷിച്ചു. ഇന്ന്​ രാവിലെ പത്തിന്​ അൽ മരായ ആർട്ട്​ സ​​െൻററിൽ എല്ലാ വസ്​തുക്കളും സ്വന്തം ഭ്രമണപഥത്തിൽ ഒഴുകുന്നു എന്നു പേരിട്ട പ്രദർശനം ആരംഭിക്കും.സൗദി^ഫലസ്​തീനി കലാകാരി ദാനാ അവാർതൈനിയാണ്​ ശിൽപി. കലാകാരുമായി സംവാദങ്ങൾ, ശിൽപശാലകൾ, പരിശീലന കളരികൾ എന്നിവ ഒരു മാസം നീളുന്ന പ്രദർശനത്തി​​​െൻറ ഭാഗമായി അരങ്ങേറും. ഷാർജയിലെ വിവിധ കലാകേന്ദ്രങ്ങളിലായാണ്​ ഫെസ്​റ്റിവൽ അരങ്ങേറുക. വിവരങ്ങൾക്ക്​ +971 6 5123333, 5123357.