ഷാർജയിൽ സ്വദേശി സർക്കാർ ജീവനക്കാർക്ക് ശമ്പള വർധന   

ഷാർജ: എമിറേറ്റിലെ സർക്കാർ ജീവനക്കാർക്ക്  ശമ്പള വർധന പ്രഖ്യാപിച്ചു. സുപ്രീം കൗൺസിൽ അംഗവും ഷാർജ ഭരണാധികാരിയുമായ ഡോ. ശൈഖ് സുൽത്താൻ ബിൻ മുഹമ്മദ് അൽ ഖാസിമിയാണ് പ്രഖ്യാപനം നടത്തിയത്. സർക്കാർ ജീവനക്കാർക്കുള്ള ശമ്പള വർധനവിനായി 600 ദശലക്ഷം ദിർഹത്തി​െൻറ പാക്കേജാണ് ഒരുക്കിയിരിക്കുന്നത്. ഇതുപ്രകാരം നവാഗതരായ ബിരുദധാരിക്ക് നേരത്തെ 17,500 ദിർഹമാണ് ശമ്പളം ലഭിച്ചിരുന്നതെങ്കിൽ പുതിയ നിരക്ക് അനുസരിച്ച് 18,500 ദിർഹം ലഭിക്കും.അതായത് ആയിരം ദിർഹത്തി​െൻറ വർധന. 2018 ജനുവരി ഒന്നുമുതലാണ് ശമ്പളപരിഷ്കരണം പ്രാബല്യത്തിൽ വരുന്നത്. എന്നാൽ എട്ടാം േഗ്രഡിന് താഴെ തരംതിരിക്കപ്പെടാത്ത ജീവനക്കാർക്കാണ് പുതിയ ആനുകൂല്യം ലഭിക്കുക.  

സ്വദേശികൾക്ക് മാത്രമെ ശമ്പള പരിഷ്കരണത്തി​െൻറ ഗുണഫലം ലഭിക്കുകയുള്ളൂ. ഒന്നാം േഗ്രഡിലുള്ളവർക്ക് 30500 ദിർഹമായിരിക്കും ശമ്പളം. അതായത് 21,375 ദിർഹം അടിസ്​ഥാന ശമ്പളവും 7125 ദിർഹം അലവൻസും ആയിരിക്കും. രണ്ടാം േഗ്രഡിലുള്ളവർക്ക് 28,500 ദിർഹവും മൂന്നാം േഗ്രഡിലുള്ളവർക്ക് 25,000 ദിർഹവും ശമ്പളം ലഭിക്കും. ജീവനക്കാരുടെ പെൻഷനിലും വർധനവ് പ്രഖ്യാപിച്ചതായി മാനവ വിഭവശേഷി വകുപ്പ് ചെയർമാൻ ഡോ. താരിഖ് ബിൻ ഖദേം അറിയിച്ചു.