ഷാർജ എഫ്​.ഡി.​െഎ ഫോറത്തിന്​ വർണാഭ തുടക്കം; ഡോ.ശൈഖ്​ സുൽത്താൻ ഉദ്​ഘാടനം ചെയ്​തു

ഷാർജ:  എമിറേറ്റിലേക്ക്​ വിദേശ നിക്ഷേപം ആകർഷിക്കാനായി നടത്തുന്ന ഷാർജ എഫ്​.ഡി.​െഎ ഫോറത്തി​​െൻറ നാലാമത്​ പതിപ്പിന്​ ഉജ്വല തുടക്കം. സുപ്രിം കൗൺസിൽ അംഗവും ഷാർജ ഭരണാധികാരിയുമായ ഡോ. ശൈഖ്​ സുൽത്താൻ ബിൻ മുഹമ്മദ്​ അൽ ഖാസിമി ഉദ്​ഘാടനം ചെയ്​ത ദ്വിദിന ഫോറം ‘നാലാം വ്യാവസായിക വിപ്ലവം’ എന്ന പ്രമേയത്തിലാണ്​. ലോകത്തി​​െൻറ വിവിധ ഭാഗങ്ങളിൽ നിന്നുള്ള വ്യവസായ പ്രമുഖകരും സാമ്പത്തിക വിദഗ്​ധരും പൊതു-സ്വകാര്യ മേഖലയിലെ നയരൂപകർത്താക്കളും ഗവേഷകരുമാണ്​ ഫോറത്തിൽ പങ്കുചേരുന്നത്​.  ഷാർജ നിക്ഷേപ വികസന അതോറിറ്റി, ഷുറൂഖ്​, ഷാർജ എഫ്​.ഡി.​െഎ ഒഫീസ്   എന്നിവയാണ്​ സംഘാടകർ സാ​േങ്കതിക വിദ്യ, റോബോട്ടിക്​സ്​, കൃത്രിമ ബുദ്ധിവൈഭവം എന്നിവയ​​ുടെ പുതു മുന്നേറ്റങ്ങളും മേഖലയിലും ആഗോളതലത്തിലുമുള്ള വികസന^നിക്ഷേപ സാധ്യതകളും ഫോറത്തിൽ ചർച്ച ​െചയ്യുന്നു. 

ഷാർജ നിക്ഷേപ വികസന അതോറിറ്റി അധ്യക്ഷ ശൈഖ ബൊദൂർ ബിൻത്​ സുൽത്താൻ അൽ ഖാസിമി ആമുഖ പ്രഭാഷണം നടത്തി. വികസനത്തിനും നാളെയിലേക്കുള്ള കുതിപ്പിനും പുത്തൻ മേഖലകൾ തേടാനും ജീവിത^പ്രവർത്തന രീതികളിൽ മാറ്റം വരുത്താനും നാലാം വ്യാവസായിക വിപ്ലവം ലോകത്തെ നിർബന്ധിതമാക്കുന്നുണ്ടെന്ന്​ ശൈഖ ഒാർമിപ്പിച്ചു. വിദ്യാഭ്യാസ മേഖലയിലും സാംസ്​കാരിക രംഗത്തുമെല്ലാം പുതു അവസരങ്ങൾ നാലാം വിപ്ലവം തുറന്നുതരുന്നുണ്ട്​.  സാമ്പത്തിക കാര്യ മന്ത്രി സുൽത്താൻ ബിൻ സഇൗദ്​ അൽ മൻസൂരി ഉൾപ്പെടെ പ്രമുഖർ സംസാരിച്ചു. വിദേശ നിക്ഷേപം ആകർഷിക്കുന്നതിന്​ ഷാർജയുടെ സാധ്യതകളും യു.എ.ഇയുടെ സമ്പദ്​ വ്യവസ്​ഥക്ക്​ ഷാർജ നൽകുന്ന സംഭാവനകളും മന്ത്രി എടുത്തു പറഞ്ഞു.  

2015ൽ യു.എ.ഇയിൽ എത്തിയ മൊത്തം വിദേശ നിക്ഷേപത്തി​​െൻറ 38 ശതമാനവും ഷാർജയിൽ നിന്നായിരുന്നു. 1.7ലക്ഷം കോടി ഡോളറാണ്​ ഇൗ വർഷം ഷാർജയിലെത്തിയ വിദേശ നിക്ഷേപം. വിജ്​ഞാനാധിഷ്​ഠിതമായ സമ്പദ്​ വ്യവസ്​ഥ സൃഷ്​ടിക്കാനും സുസ്​ഥിരത ഉറപ്പുവരുത്താനുമാണ്​ രാഷ്​ട്രം ശ്രമിക്കുന്നതെന്നും മന്ത്രി പറഞ്ഞു.  തുടർന്ന്​ വിവിധ വിഷയങ്ങളിൽ   ചർച്ചകളും നടന്നു. ഫോറം ഇന്ന്​ സമാപിക്കും.