പ്രകൃതിവാതക വിതരണം വ്യാപിപ്പിച്ച് ഷാർജ

ഷാർജ: ഈ വർഷം ആദ്യ പകുതിയിൽ ഷാർജ ഇലക്ട്രിസിറ്റി വാട്ടർ ആൻഡ് ഗ്യാസ് അതോറിറ്റിയുടെ (സേവ) പ്രകൃതിവാതക വകുപ്പ് ഷാർജയിലെ വിവിധ പ്രദേശങ്ങളിലെ റെസിഡൻഷ്യൽ, വാണിജ്യ പദ്ധതികൾക്കായി 6,700ൽ അധികം കണക്​ഷൻ പൂർത്തിയാക്കിയതായി അധികൃതർ.

38,353 പ്രകൃതിവാതക സേവനങ്ങൾ നൽകിയെന്നും പ്രകൃതിവാതക വകുപ്പ് ഡയറക്ടർ എൻജിനീയർ അംന ബിൻ ഹദ്ദ വിശദീകരിച്ചു.അൽ-സോഗയുടെ പ്രാന്തപ്രദേശമായ അൽ-റഗൈബ, അൽ-മൗറദ മേഖലകളിലെ പ്രധാന ലൈനുകളുടെ നിർമാണം പുരോഗമിക്കുകയാണ്.

പ്രകൃതിവാതക സേവനങ്ങൾ എത്തിക്കുന്നതിനായി ഷാർജയിലെ എല്ലാ മേഖലകളിലും തീവ്രശ്രമം നടത്തുന്നുണ്ടെന്ന് അവർ പറഞ്ഞു. ടോൾ ഫ്രീ നമ്പറായ 8006333 മുഖേനയും 0565113262 എന്ന വാട്സ്ആപ്പിലും പ്രകൃതിവാതക വകുപ്പിനെ ബന്ധപ്പെടാം. ngd@sewa.gov.ae എന്ന ഇ–മെയിൽ വഴി ഉപഭോക്തൃ സേവന വിഭാഗത്തെ ബന്ധപ്പെടാം.