‘സേവ’ ബില്ലിൽ മാലിന്യ സംസ്കരണ ഫീ ഉൾപ്പെടുത്തും

ഷാർജ: എമിറേറ്റിലെ വൈദ്യുതി, ജല, ഗ്യാസ്​ അതോറിറ്റി(സേവ)യുടെ ബില്ലിൽ മാലിന്യ സംസ്കരണ സേവന ഫീസും ഉൾപ്പെടുത്തും. ഷാർജ എക്സിക്യൂട്ടിവ്​ കൗൺസിലാണ്​ മുനിസിപ്പൽ ഫീസുകളും നിയമലംഘനങ്ങളും സംബന്ധിച്ച തീരുമാനത്തിൽ ഇക്കാര്യം വെളിപ്പെടുത്തിയത്​. ഈ ഫീസിൽനിന്ന്​ ഇമാറാത്തി പൗരന്മാർ ഒഴിവായിരിക്കും.

ഗാലൻ (3.7ലിറ്റർ) വെള്ളം ഉപയോഗിക്കുന്നതിന്​ 1.5 ഫിൽസ്​ എന്ന നിലയിലാണ്​ ഫീ ഈടാക്കുക. ഈ വർഷം ഏപ്രിൽ ഒന്നുമുതലാണ്​ തീരുമാനം നടപ്പിലാക്കുക. ഷാർജ കിരീടാവകാശിയും ഉപ ഭരണാധികാരിയുമായ ശൈഖ്​ സുൽത്താൻ ബിൻ മുഹമ്മദ് ബിൻ സുൽത്താൻ അൽ ഖാസിമിയുടെ അധ്യക്ഷതയിൽ ചേർന്ന ഷാർജ എക്സിക്യൂട്ടിവ് കൗൺസിൽ യോഗത്തിലാണ് പുതിയ നിയമം പ്രഖ്യാപിച്ചത്.