ഷാര്‍ജ കുട്ടികളുടെ വായനോത്സവം: കുട്ടികൾക്ക്​ കോമിക് ലോകത്തേക്ക് സ്വാഗതം

ഷാർജ: കുട്ടികളെ കോമിക്​ ലോകത്തേക്ക്​ വരവേൽക്കുന്നതാവും ഇത്തവണ​െത്ത ഷാർജ കുട്ടികളുടെ വായനോത്സവം. 19 മുതൽ 29 വരെ നടക്കുന്ന വായനോത്സവത്തിലെ കോമിക്‍സ് കോർണറിൽ 132 സെഷനുകളുണ്ടാവും. എട്ട് വ്യത്യസ്ത വർക്​ഷോപ്പുകളും രണ്ട് തത്സമയ ഷോകളും ഇതി​െൻറ ഭാഗമായി അരങ്ങേറും. കുട്ടികള്‍ക്ക് അവരുടെ ഭാവനയില്‍ നിന്ന് കോമിക് ലോകം സൃഷ്​ടിക്കാൻ അവസരവുമുണ്ട്.

ഒരു കോമിക്​ എങ്ങനെ സൃഷ്​ടിക്കാം എന്നതും വായനോത്സവത്തിൽ പഠിപ്പിക്കും. കൈകൊണ്ട് വരച്ച കോമിക്​ സ്ട്രിപ്പുകൾ സൃഷ്​ടിക്കാനുള്ള അഞ്ച് പ്രധാന ഘട്ടങ്ങൾ ഗവേഷകർ പഠിപ്പിക്കും. വില്ലൻ കഥാപാത്രങ്ങളെയും സൂപ്പർ ഹീറോകളെയും സൃഷ്​ടിക്കുന്നതിനെക്കുറിച്ച്​ വർക്​ഷോപ്പുമുണ്ടാവും. സ്​ക്രിപ്​റ്റ്​ എഴുതാൻ പരിശീലനവും നൽകും. കലാസംവിധാനം, പശ്ചാത്തല രൂപകൽപന എന്നിവയുടെ വ്യത്യസ്ത രീതികളും പഠിപ്പിക്കും.