ഷാ​ർ​ജ പു​സ്ത​കോ​ത്സ​വം; അ​തി​ഥി​ക​ളെ സ്വീ​ക​രി​ക്കാ​ൻ മി​ക​വു​റ്റ സ​ന്നാ​ഹ​ങ്ങ​ൾ

ഷാ​ർ​ജ: അ​ൽ​താ​വൂ​നി​ലെ വേ​ൾ​ഡ് എ​ക്സ്പോ സെൻറ​റി​ൽ 12 ദി​വ​സം നീ​ളു​ന്ന പു​സ്ത​കോ​ത്സ​വ​ത്തി​നാ​യി ആ​ധു​നി​ക സു​ര​ക്ഷ സൗ​ക​ര്യ​ങ്ങ​ളും സം​വി​ധാ​ന​ങ്ങ​ളു​മാ​ണ് ഒ​രു​ക്കി​യി​രി​ക്കു​ന്ന​ത്. പ​വ​ലി​യ​നു​ക​ളു​ടെ നി​ർ​മാ​ണ​ങ്ങ​ളെ​ല്ലാം പൂ​ർ​ത്തി​യാ​യി പു​സ്ത​ക​ങ്ങ​ൾ നി​ര​ത്തി​ക്ക​ഴി​ഞ്ഞു. വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള എ​ഴു​ത്തു​കാ​രും പ്ര​സാ​ധ​ക​രു​മെ​ല്ലാം എ​ത്തി​ക്ക​ഴി​ഞ്ഞി​ട്ടു​ണ്ട്. നേ​രി​ട്ടു​ള്ള സ​ന്ദ​ർ​ശ​ന​ത്തി​ന് കോ​വി​ഡ്​ നി​യ​ന്ത്ര​ണ​ങ്ങ​ളൊ​ന്നും ഇ​ല്ലാ​ത്ത​ത് ഇ​ത്ത​വ​ണ സ​ന്ദ​ർ​ശ​ക​രു​ടെ എ​ണ്ണ​ത്തി​ൽ വ​ർ​ധ​ന​വു​ണ്ടാ​ക്കും. പു​സ്ത​കോ​ത്സ​വ​ത്തി​ലെ ശ്ര​ദ്ധേ​യ​മാ​യ ഇ​ന്ത്യ​ൻ പ​വ​ലി​യ​നി​ൽ മ​ല​യാ​ള​ത്തി​ന്​ ത​ന്നെ​യാ​ണ്​ ആ​ധി​പ​ത്യം.

ഇ​ത്ത​വ​ണ​യും പു​സ്ത​കോ​ത്സ​വ​ത്തി​ന് എ​ത്തു​ന്ന​വ​ർ​ക്ക്​ വാ​ഹ​ന​ങ്ങ​ൾ നി​ർ​ത്താ​ന്‍ കൂ​ടു​ത​ല്‍ ഭാ​ഗ​ങ്ങ​ളി​ൽ സൗ​ക​ര്യ​ങ്ങ​ള്‍ ഒ​രു​ക്കി​യി​ട്ടു​ണ്ട്. പ്ര​ധാ​ന ക​വാ​ട​ത്തി​ന് പു​റ​മെ കോ​ർ​ണി​ഷ് ഭാ​ഗ​ത്തും യു.​എ​സ്.​എ ട്രേ​ഡ് സെൻറ​ർ പ്ര​വ​ർ​ത്തി​ച്ചി​രു​ന്ന ഭാ​ഗ​ത്തും പാ​ർ​ക്കി​ങ് സൗ​ക​ര്യ​ങ്ങ​ള്‍ കൂ​ട്ടി​യി​ട്ടു​ണ്ട്. എ​ക്സ്പോ സെൻറ​റ​റി​ന് പ​രി​സ​ര​ത്ത് വാ​ഹ​നം നി​ർ​ത്താ​നു​ള്ള സൗ​ക​ര്യം ല​ഭി​ച്ചി​ല്ലെ​ങ്കി​ൽ നി​രാ​ശ​പ്പെ​ടേ​ണ്ട. ഇ​ന്ത്യ, ഈ​ജി​പ്ത് ട്രേ​ഡ് സെ​ന്‍റ​ർ ഭാ​ഗ​ത്തും ചേം​ബ​ർ ഓ​ഫ് കോ​മേ​ഴ്സി​ന​ടു​ത്തും കോ​ർ​ണീ​ഷ് ഭാ​ഗ​ത്തും നി​ര​വ​ധി സൗ​ജ​ന്യ പാ​ർ​ക്കി​ങ്ങു​ക​ളു​ണ്ട്. എ​ക്സ്പോ സെൻറ​റി​ലേ​ക്ക് പ്ര​വേ​ശി​ക്കു​ന്ന റോ​ഡി​ലൂ​ടെ നേ​രെ പോ​യാ​ല്‍ ഇ​വി​ടെ​യെ​ത്താം. ഇ​വി​ടെ​യും കി​ട്ടാ​തെ​വ​ന്നാ​ല്‍ വി​ക്ടോ​റി​യ സ്കൂ​ളി​ന് പി​റ​കു​വ​ശ​ത്തേ​ക്ക് പോ​വു​ക. നി​ര​വ​ധി വാ​ഹ​ന​ങ്ങ​ള്‍ നി​ർ​ത്താ​നു​ള്ള സൗ​ക​ര്യം ഇ​വി​ടെ ല​ഭ്യ​മാ​ണ്. ഫി​ർ​ദൗ​സ് മ​സ്ജി​ദി​​ന്റെ പാ​ർ​ക്കി​ങ്ങി​ൽ വാ​ഹ​നം നി​ർ​ത്ത​രു​ത്. ന​മ​സ്കാ​ര സ​മ​യ​ത്ത് മാ​ത്ര​മാ​ണ് ഇ​വി​ടെ സൗ​ജ​ന്യ പാ​ർ​ക്കി​ങ് അ​നു​വ​ദി​ച്ചി​ട്ടു​ള്ള​ത്. ഈ ​ഭാ​ഗ​ത്തും കി​ട്ടി​യി​ല്ലെ​ങ്കി​ൽ ഷാ​ർ​ജ പാ​ല​സ് ഹോ​ട്ട​ലി​ന് പി​റ​കു​വ​ശ​ത്തേ​ക്ക് വ​ണ്ടി​തി​രി​ക്കു​ക. ഇ​തി​ന് പി​റ​കി​ലു​ള്ള പ​ള്ളി​യു​ടെ അ​ടു​ത്താ​യി വി​ശാ​ല​മാ​യ പാ​ർ​ക്കി​ങ് സൗ​ക​ര്യ​മു​ണ്ട്. ഖ​സ​ബ​യു​ടെ ഭാ​ഗ​ത്തും വി​ശാ​ല​മാ​യ പാ​ർ​ക്കി​ങ്ങു​ണ്ട്. അ​ല്‍ താ​വൂ​ന്‍ റോ​ഡി​ലൂ​ടെ നേ​രെ പോ​യാ​ല്‍ ഇ​വി​ടെ​യെ​ത്താം.