പുസ്​തകപൂര നഗരിയിൽ ‘ഗൾഫ്​മാധ്യമം’ സ്​റ്റാളും

ഷാർജ: ഷാർജ അന്താരാഷ്​ട്ര പുസ്​തക മേളയുടെ സജീവ സാന്നിധ്യമായ പ്രഥമ അന്താരാഷ്​ട്ര ഇന്ത്യൻ ദിനപത്രത്തിന്​ ആശംസ നേരാൻ ആദ്യ ദിനം തന്നെ നിരവധി സാംസ്​കാരിക പ്രമുഖ​രും വായനക്കാരുമെത്തി. ഹാൾ നമ്പർ ഏഴി​​െൻറ പ്രവേശന ഭാഗത്ത്​ സേവന ഡെസ്​കിന്​ തൊട്ടു ചേർന്നാണ്​ മീഡിയാ വണ്ണി​​െൻറയും ഗൾഫ്​ മാധ്യമത്തി​​െൻറയും സ്​റ്റാളുകൾ.എഴുത്തുകാരനും കാനഡയിലെ ഇന്ത്യൻ അംബാസഡറുമായ വികാസ്​ സ്വരൂപും കലിക്കറ്റ്​ സർവകലാശാല മുൻ വി.സി ഡോ. അബ്​ദുസലാമും ചേർന്നാണ്​ സ്​റ്റാൾ ഉദ്​ഘാടനം നിർവഹിച്ചത്​. പുസ്​തക മേള എക്സ്​റ്റേണൽ അഫയേഴ്​സ്​ എക്​സിക്യുട്ടിവ്​ മോഹൻ കുമാർ, എ.കെ.ഫൈസൽ തുടങ്ങിയവർ സംബന്ധിച്ചു. റസിഡൻറ്​ എഡിറ്റർ പി.​െഎ. നൗഷാദ്​, എം.സി.എ നാസർ, വി.ഹാരിസ്​, മുഹമ്മദലി കോട്ടക്കൽ, ആരിഫ്​ ഖാൻ എന്നിവർ അതിഥികളെ സ്വീകരിച്ചു. മേള നഗരിയിലെത്തിയ എഴുത്തുകാരായ സി.വി. ബാലകൃഷ്​ണൻ, കെ.പി. സുധീര, മുൻ മന്ത്രിമാരായ ബിനോയ്​ വിശ്വം, സി. ദിവാകരൻ, ഡോ.പി.എ. ഇബ്രാഹിം ഹാജി എന്നിവർ സ്​റ്റാൾ സന്ദർശിച്ച്​ ആശംസ അറിയിച്ചു. നിരവധി വായനക്കാരും രാവിലെ മുതൽ അഭിനന്ദനങ്ങളും അഭിപ്രായങ്ങളും പങ്കുവെക്കാൻ എത്തിയിരുന്നു. സന്ദർശകർക്കായി പ്രശ്​നോത്തരി മത്സരം ഇക്കുറിയുമുണ്ട്​. ഗൾഫ്​മാധ്യമം ദിനപത്രവും കുടുംബം മാസികയും ആകർഷകമായ നിരക്കിൽ സ്വന്തമാക്കാനും സൗകര്യമുണ്ട്​.