പുസ്​തകതാളുകളിലെ പ്രപഞ്ചത്തെ തുറന്ന് വിട്ട് അക്ഷരച്ചെപ്പടച്ചു

ഷാര്‍ജ: 36ാമത് ഷാര്‍ജ അന്താരാഷ്ട്ര പുസ്​തകോത്സവത്തിന് കൊടിയിറങ്ങി. 15 ലക്ഷത്തില്‍ പരം സന്ദര്‍ശകരാണ് മേളയിലെത്തിയത്. മലയാളത്തി​​െൻറ നിറസാന്നിധ്യം പുസ്​തകോത്സവത്തില്‍ വേറിട്ട് നിന്നു. മലയാളത്തില്‍ നിന്ന് എഴുത്തുകാരും കലാകാരന്‍മാരും എത്തിയ ദിനങ്ങളിലെല്ലാം ഹാളുകള്‍ നിറഞ്ഞൊഴുകി. ആരോഗ്യ കാരണങ്ങളില്‍ ഷാര്‍ജ പുസ്​തകമേളയില്‍ നിന്ന് വിട്ട് നിന്നിരുന്ന എം.ടിയുടെ വരവ് മലയാളികളില്‍ ആവേശം വിതറി. 100ല്‍ പരം പുസ്​തകങ്ങളാണ് ഇക്കുറി മലയാളത്തില്‍  പിറന്നത്. ഇവയുടെ നൂറ് കണക്കിന് കോപ്പികളും വിറ്റ് പോയി. എഴുത്ത്കാരുടെ സാന്നിധ്യം പുസ്​തക വില്‍പ്പന കൂട്ടിയതായി പ്രസാധകരും സ്​റ്റാള്‍ പ്രതിനിധികളും പറഞ്ഞു. രാജ്​ദീപ്​ സർദേശായിയുടെ  ഡമോക്രസി ഇലവൻ, ഹൃദയവെളിച്ചം,  ‘ഓര്‍മകളുടെ ഭ്രമണ പഥം, മരുഭൂമിയിലെ ഒട്ടകജീവിതം, ലാ​​ബ്രിന്ത്​ തുടങ്ങിയ പുസ്​തകങ്ങൾക്ക്​ ആവശ്യക്കാരേറെയെത്തി . കാവ്യസന്ധ്യ അരങ്ങേറിയ ദിവസം ബാള്‍ റൂം മറക്കില്ല. മറ്റെതൊരു ഭാഷക്കും കൈയെത്തി പിടിക്കാന്‍ കഴിയാത്ത വിധമുള്ള ജനപിന്തുണയാണ് കവിതക്ക് കിട്ടിയത്. താളപെരുക്കങ്ങളോ, നാട്യങ്ങളോ, അഭിനേതാക്കളോയില്ലാതെ ഭാഷയോടുള്ള ഹൃദയ ബന്ധം മാത്രം മുന്‍നിറുത്തിയായിരുന്നു ബാള്‍ റൂമിലേക്ക് കവിതയുടെ ആരാധകര്‍ ഒഴുകിയത്. ആലംങ്കോട് ലീലാകൃഷ്​ണ​​െൻറ അച്ചന്‍ എന്ന കവിത കേട്ട് കണ്ണീര്‍ വാര്‍ക്കുന്നവരെയും ബാള്‍ റൂമില്‍ കണ്ടു. പങ്കെടുത്ത പ്രസാധകര്‍ക്കെല്ലാം നല്ല കച്ചവടമാണ് കിട്ടിയത്.  ഉത്സവങ്ങൾ അവസാനിക്കു​േമ്പാഴുള്ള അതേ വേദനയോടെയാണ്​ അക്ഷര സ്​നേഹികൾ മേള നഗരി വിട്ടിറങ്ങിയത്​. അടുത്ത വർഷം വീണ്ടുമെത്താമെന്ന്​ ആശംസിച്ച്​  നേരമേറെ വൈകി അവർ മടങ്ങി.