അക്ഷരോത്സവ നഗരിയില്‍ കൂടുതല്‍ ടാക്സികള്‍ സേവനം നടത്തും

ഷാര്‍ജ: ബുധനാഴ്ച മുതല്‍ 11 ദിവസം നീളുന്ന 37ാമത് ഷാര്‍ജ അന്താരാഷ്​ട്ര പുസ്തകോത്സവ നഗരിയില്‍ കൂടുതല്‍ ടാക്സികള്‍ സേവനത്തിന് സജ്ജമാക്കിയതായി ഷാര്‍ജ റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി ചെയര്‍മാന്‍ അബ്​ദുല്‍ അസീസ് ആല്‍ ജര്‍വാന്‍ പറഞ്ഞു. അക്ഷരോത്സവം കാണാനെത്തുന്നവരുടെ പോക്ക് വരവുകള്‍ സുഗമമാക്കുവാനായാണിത്. രാവിലെ 9.00 മുതല്‍ രാത്രി 10 വരെ കൂടുതല്‍ ഉദ്യോഗസ്ഥര്‍ ഇതിനായി വകുപ്പ് കേന്ദ്രത്തില്‍ സേവനം നടത്തുമെന്ന് അദ്ദേഹം പറഞ്ഞു.