ഷാർജയിൽ കുറ്റകൃത്യങ്ങളും അപകട മരണങ്ങളും കുറക്കാൻ കർമ പദ്ധതി

ഷാർജ: ഷാർജയിൽ കുറ്റകൃത്യങ്ങളും റോഡപകടങ്ങളും കുറക്കാൻ പൊലീസി​​​െൻറ കർമ പദ്ധതി. സാമ്പത്തിക കുറ്റങ്ങൾ ഒഴിച്ചുള്ള 15 കുറ്റകൃത്യങ്ങളെ തരം തിരിച്ച്​  അവ കുറച്ചുകൊണ്ടുവരാനുള്ള നടപടികൾ പരീക്ഷണാടിസ്​ഥാനത്തിൽ നടപ്പാക്കി പിന്നീട്​ എല്ലായിടത്തേക്കും വ്യാപിപ്പിക്കാനാണ്​ ഉദ്ദേശിക്കുന്നതെന്ന്​ ഷാർജ പൊലീസ്​ കമാൻഡർ ഇൻ ചീഫ്​ ബ്രിഗേഡിയർ ജനറൽ സൈഫ്​ അൽ സാരി അൽ ഷംസി പറഞ്ഞു. റാഡിസൺ ബ്ലൂ ഹോട്ടലിൽ തിങ്കളാഴ്​ച നടന്ന രണ്ടാമത്​ മീഡിയ ഫോറത്തിൽ സംസാരിക്കുകയായിരുന്നു അദ്ദേഹം.

കുറ്റകൃത്യങ്ങൾ കൂടുതലായി കണ്ടുവരുന്ന മേഖലകളിലാണ്​ പുതിയ കർമ പദ്ധതി ആദ്യഘട്ടത്തിൽ നടപ്പാക്കുക. 2016ൽ ഒരു ലക്ഷം ആളുകൾക്ക്​ 123.24 ആയിരുന്നു ക​​ുറ്റകൃത്യ നിരക്ക്​ എങ്കിൽ 2021ൽ ഇത്​ 75 ആയി കുറക്കാനാണ്​ ലക്ഷ്യമിടുന്നത്​. ഇൗ വർഷം ആദ്യ മൂന്നു മാസം കുറ്റകൃത്യ നിരക്ക്​ 17.5 മാത്രമാണ്​. ഇത്​ നല്ല തുടക്കമാണെന്ന്​ അദ്ദേഹം പറഞ്ഞു. 

വീടുകളിലെ മോഷണം കുറക്കാൻ പ്രത്യേക ഉൗന്നൽ നൽകും. പട്രോളിങ്​ ശക്​തമാക്കിയും താമസക്കാർക്കിടയിൽ ബോധവൽക്കരണം നടത്തിയുമാണ്​ ലക്ഷ്യം നേടാൻ​ ശ്രമിക്കുക. ഇതിൽ ജനങ്ങളുടെ സഹായം ആവശ്യമാണ്​. 100 ദിവസം കൊണ്ട്​ മോഷണ നിരക്ക്​ 10 ശതമാനം കണ്ട്​ കുറക്കാനാണ്​ ലക്ഷ്യമിടുന്നത്​. വിവിധ വകുപ്പുകളുമായി സഹകരിച്ചായിരിക്കും നടപടികൾ. 

റോഡപകടങ്ങൾ കൂടിയ അഞ്ചു പ്രധാന റോഡുകൾ ക​ണ്ടെത്തി പ്രത്യേക അപകട നിവാരണ പദ്ധതി നടപ്പാക്കും. റോഡുകളിൽ ​െപാലിയുന്ന ജീവനുകളുടെ എണ്ണം കുറക്കുകയാണ്​ പ്രധാനം. 2016ൽ ഒരു ലക്ഷം ജനങ്ങളിൽ 10.78 ആയിരുന്നു മരണ നിരക്ക്​. 2021ൽ ഇത്​ മൂന്നാക്കി കുറക്കണം. ഇതിനായി ഗതാഗത സംവിധാനങ്ങൾ പരിഷ്​കരിക്കും. ആദ്യഘട്ടത്തിൽ ഷാർജ^മലീഹ റോഡിലാണ്​ അപകട നിവാരണ പ്രവർത്തനങ്ങൾ ​േകന്ദ്രീകരിക്കുക. വിലക്കിയ സ്​ഥലങ്ങളിൽ കാൽനടക്കാർ റോഡ്​ മുറിച്ചുകടക്കുന്നത്​ നിരവധി ജീവൻ അപഹരിക്കുന്നുണ്ട്​. ഏഷ്യക്കാരാണ്​ ഇതിൽ മുന്നിൽ. ഇതിനെതിരെ വിവിധ ഭാഷകളിൽ ബോധവൽക്കരണ കാമ്പയിനുകൾ നടത്തും.

ജനങ്ങളിൽ സുരക്ഷിത ബോധം വർധിപ്പിക്കാനും ശ്രമം നടത്തുമെന്ന്​ ബ്രിഗേഡിയർ പറഞ്ഞു. കഴിഞ്ഞവർഷം 92.1ശതമാനമായിരുന്നത്​ 2021ൽ നൂറു ശതമാനമാക്കാനാണ്​ ലക്ഷ്യമിടുന്നത്​.  ജനങ്ങൾക്കിടയിൽ സർവേ നടത്തിയാണ്​ സുരക്ഷിത ബോധ നിരക്ക്​ കണ്ടെത്തുന്നത്​. ഷാർജ സുരക്ഷിത നഗര​ം എന്ന വലിയ പദ്ധതി തയാറായിട്ടുണ്ടെന്നും അതി​​​​െൻറ വിശദാംശങ്ങൾ ഉടനെ പുറത്തുവിടു​െമന്നും അദ്ദേഹം പറഞ്ഞു.ഷാർജ പൊലീസ്​ ഡെപ്യൂട്ടി ജനറൽ ബ്രിഗേഡിയർ അബ്​ദുല്ല മുബാറക്ക്​ ബിൻ ആമിർ, പൊലീസ്​ ഒാപ്പറേഷൻസ്​ ഡയറക്​ടർ ജനറൽ ബ്രിഗേഡിയർ മുഹമ്മദ്​ റശീദ്​ ബിയ്യാത്ത്​, സെൻട്രൽ ഒാപ്പറേഷൻസ്​ ഡയറക്​ടർ ജനറൽ ബ്രിഗേഡിയർ അലി സലീം അൽഖയ്യാൽ, മീഡിയ വിഭാഗം ഡയറക്​ടർ കേണൽ ആരിഫ്​ ഹസൻ ബിൻ ഹുദൈബ്​ എന്നിവരും ചടങ്ങിൽ സംബന്ധിച്ചു