430 തടവുകാരെ മോചിപ്പിക്കാൻ ശൈഖ്​ മുഹമ്മദി​െൻറ ഉത്തരവ്

ദുബൈ: ബലി പെരുന്നാളിന്​ മുന്നോടിയായി 430 തടവു പുള്ളികൾക്ക്​ കൂടി മോചനം. യു.എ.ഇ വൈസ്​ പ്രസിഡൻറും പ്രധാനമന്ത്രിയ ും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തുമി​​െൻറ നിർദേശാനുസരണമാണിത്​. സാഹചര്യങ്ങൾ മൂലം ജയിലിൽ എത്തപ്പെട്ട മനുഷ്യർക്ക്​ പുനർവിചിന്തനത്തിനും പുതുജീവിതത്തിനും അവസരമൊരുക്കുവാനും അവരുടെ കുടുംബങ്ങളുമൊത്ത്​ നല്ല ജീവിതം കെട്ടിപ്പടുക്കുവാനും അവസരമൊരുക്കാൻ ലക്ഷ്യമിട്ടാണ്​ ശൈഖ്​ മുഹമ്മദി​​െൻറ ദയാ നടപടിയെന്ന്​ ദുബൈ അറ്റോണി ജനറൽ ചാൻസലർ ഇസ്സാം ഇൗസ അൽ ഹുമൈദാൻ പറഞ്ഞു. ദുബൈ പൊലീസ്​ ജനറൽ കമാൻറുമായി സഹകരിച്ച്​ പബ്ലിക്​ പ്രോസിക്യൂഷൻ ഇവരുടെ മോചനത്തിനുള്ള നടപടിക്രമങ്ങൾ സ്വീകരിച്ചു വരുന്നതായി അറ്റോണി ജനറൽ വ്യക്​തമാക്കി.