ശൈഖ്​ മുഹമ്മദ്​ എത്തി:  യു.എ.ഇ ബജറ്റ്​ അവതരണം  പുസ്​തകമേള നഗരിയിൽ

ഷാർജ: പുസ്​തകമേളകളുടെ ലോക ചരി​ത്രത്തിൽ പുത്തനധ്യായമെഴുതി യു.എ.ഇ മ​ന്ത്രിസഭാ യോഗം ഷാർജാ അന്താരാഷ്​ട്ര പുസ്​തകോത്സവ വേദിയിൽ.ഒരു പക്ഷെ ലോകത്ത്​ ആദ്യമായാവും ഒരു രാജ്യത്തി​​െൻറ മന്ത്രിസഭായോഗം പുസ്​തകമേളയിൽ വെച്ച്​ നടത്തുന്നത്​.ഒരേ സമയം മേളക്കും മന്ത്രിസഭക്കും ബഹുമതിയും ആദരവുമായി മാറി വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽമക്​തൂമി​​െൻറ അധ്യക്ഷതയിൽ ചൊവ്വാഴ്​ച നടന്ന കാബിനറ്റ്​.   പുനസംഘടനക്കു​േശഷം നടക്കുന്ന ആദ്യ മന്ത്രിസഭാ യോഗം തന്നെ വേറിട്ടതായി. 2018^2021വർഷത്തെ 201.1 ബില്യൻ ദിർഹത്തി​​െൻറ ഫെഡറൽ ബജറ്റിനും യോഗം അനുമതി നൽകി. ഇതിൽ 51.4ബില്യൻ 2018വർഷത്തേക്കാണ്​. പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽനഹ്​യാ​ൻ നയിക്കുന്ന ഫെഡറൽ സർക്കാർ ജനതയുടെ സന്തോഷവും മാന്യമായ ജീവിതവും ഉറപ്പാക്കാൻ പ്രതിജ്​ഞാബദ്ധമാണെന്ന്​ ശൈഖ്​ മുഹമ്മദ്​  പ്രഖ്യാപിച്ചു.  യു.എ.ഇ സമൂഹത്തെ മുന്നിൽകണ്ടാണ്​ ബജറ്റ്​ പദ്ധതികളും തന്ത്രങ്ങളുമെല്ലാം ആസൂത്രണം ചെയ്​തിരിക്കുന്നത്​.  

2018 വർഷം 51.38 ബില്യ​​െൻറ വരവും ചെലവുമാണ്​ പ്രതീക്ഷിക്കുന്നത്​. വ്യതിയാനം ഉണ്ടാവരുതെന്നത്​ യു.എ.ഇ2021വിഷ​ന്​ അനുസൃതമായ സാമ്പത്തിക ആസൂത്രണത്തി​​െൻറ നയമാണ്​. വിദ്യാഭ്യാസം, ആരോഗ്യ പരിരക്ഷ, സാമൂഹിക ക്ഷേമം എന്നിവയെ സമൂഹ വികസനത്തി​​െൻറ ​െനടുംതൂണുകളായി കണ്ടുള്ള പദ്ധതികളാണ്​ ബജറ്റ്​ വിഭാവനം ചെയ്യുന്നത്​.  ബജറ്റി​​െൻറ 43.5ശതമാനവും നീക്കിവെച്ചത്​ സാമൂഹിക വികസന പദ്ധതികൾക്കാണ്​.26.3 ബില്യൻ, 10.4ബില്യൺ പൊതുവിദ്യാഭ്യാസത്തിന്​ നൽകും. 4.5 ബില്യൺ ആരോഗ്യപരിരക്ഷക്കും സർക്കാർ മേഖലക്ക്​ 22.1ബില്യനും ഫെഡറൽ ഏജൻസികൾ നടത്തുന്ന ഫെഡറൽ പദ്ധതികൾക്ക്​ 3.5 ബില്യനും നൽകും.

 ഉപ പ്രധാനമന്ത്രിയും അഭ്യന്തര മന്ത്രിയുമായ ശൈഖ്​ ​ൈസഫ്​ ബിൻ സായിദ്​ ആൽനഹ്​യാൻ, ഉപ പ്രധാനമന്ത്രിയും പ്രസിഡൻറ്​ കാര്യ മന്ത്രിയുമായ ശൈഖ്​ മൻസുർ ബിൻ സായിദ്​ ആൽ നഹ്​യാൻ തുടങ്ങിയവരുടെ സാന്നിധ്യത്തിലായിരുന്നു യോഗം. യോഗത്തി​​െൻറ ഇടവേളയിൽ പുസ്​തക മേള സന്ദർശിച്ച ശൈഖ മുഹമ്മദ്​ ഷാർജാ ഭരണാധികാരിയും പുസ്​തക മേളയുടെ അമരക്കാരനുമായ ശൈഖ്​ ഡോ. സുൽത്താൻബിൻ മുഹമ്മദ്​ ആൽ ഖാസിമിയുടെ ദർശനത്തെയും പദ്ധതികളെയും പ്രകീർത്തിച്ചു. സംസ്​കാരവും അറിവും ഇമറാത്തി ജീവിത രീതിയാക്കാനാണ്​ ശൈഖ്​ സുൽത്താ​​െൻറ പ്രയത്​നങ്ങളെന്ന്​ അദ്ദേഹം പറഞ്ഞു. ഷാർജ ഉപ ഭരണാധികാരിയും കിരീടാവകാശിയുമായ ശൈഖ്​ സുൽത്താൻ ബിൻ മുഹമ്മദ്​ ബിൻ സുൽത്താൻ ആൽ ഖാസിമിയും അദ്ദേഹത്തോടൊപ്പമുണ്ടായിരുന്നു.