ഉർദുഗാനെ ശൈഖ്​ ഖലീഫ അഭിനന്ദിച്ചു

അബൂദബി: പാർലമെൻററി ഭരണക്രമത്തിൽനിന്ന് പ്രസിഡൻഷ്യൽ രീതിയിലേക്കുള്ള മാറ്റം സംബന്ധിച്ച് നടന്ന ഹിതപരിശോധനയിൽ അനുകൂല വിധി നേടിയ തുർക്കി പ്രസിഡൻറ് റജബ് ത്വയ്യിബ് ഉർദുഗാനെ യു.എ.ഇ പ്രസിഡൻറ് ശൈഖ് ഖലീഫ ബിൻ സായിദ് ആൽ നഹ്യാൻ അഭിനന്ദിച്ചു. തുർക്കിയുടെ സുസ്ഥിരതക്കും കൂടുതൽ വികസന നേട്ടങ്ങൾക്കും തുർക്കി ജനതയുടെ െഎശ്വര്യത്തിനും  ശൈഖ് ഖലീഫ ആശംസ നേർന്നു. ഉർദുഗാന് നല്ല ആരോഗ്യവും ക്ഷേമവും ആശംസിക്കുന്നതായും യു.എ.ഇ പ്രസിഡൻറ് പറഞ്ഞു.