ദു​ബൈ​യു​ടെ ഹൃ​ദ​യ​താ​ളം പ​ക​ർ​ത്തി ഷൈ​ജി​ത്തും നീ​ലി​മ​യും

ദുബൈ: പ്രവാസി മലയാളികളുടെ ഹൃദയഭൂമിയാണ്​ ദുബൈ നഗരം. അതി​െൻറ സൗന്ദര്യം കാമറക്കണ്ണിലും കാൻവാസിലും ആവാഹിക്കാൻ മലയാളികൾക്കുള്ള കഴിവ്​ ​അപാരമാണ്​. ഇത്​ ഊട്ടിയുറപ്പിക്കുന്നതായിരുന്നു ദുബൈ വേൾഡ്​ ട്രേഡ്​ സെൻററിൽ നടന്ന വേൾഡ്​ ആർട്ട്​​ ദുബൈയിലെ എമർജിങ്​ ഫോ​ട്ടോഗ്രാഫേഴ്​സ്​ കോംപറ്റിഷൻ. 'ഹാർട്ട്​ ഓഫ്​ ദുബൈ' എന്ന തീമിൽ നടന്ന ​മത്സരത്തിൽ ഒന്നാമതെത്തിയത്​ മലയാളികളായ നീലിമ ആസാദും ഷൈജിത്​ ഒണ്ടേൻ ചെറിയത്തും​.

വേൾഡ്​ ആർട്ട്​ ദുബൈയും നിക്കോണും സംഘടിപ്പിച്ച മത്സരത്തിൽ 500ഓളം പേരെ പിന്തള്ളിയാണ്​ ഇവർ മുന്നി​െലത്തിയത്​. 500ഓളം എൻട്രികളിൽനിന്ന്​ പത്ത്​ പേരെയാണ്​ ആദ്യം ചുരുക്കപ്പട്ടികയിൽ ഉൾപ്പെടുത്തിയത്​. അതിൽനിന്ന്​ ഏഴുപേർ ഫൈനൽ റൗണ്ടിൽ ഇടംപിടിച്ചു. 'ഹാർട്ട്​ ഓഫ്​ ദുബൈ' എന്ന തീമിൽ ഒരു കഥപോലെ അഞ്ചു​ ചിത്രങ്ങൾ പകർത്താനായിരുന്നു ഇവർക്ക്​ കിട്ടിയ നിർദേശം. ഈ അഞ്ചു​ ചിത്രങ്ങളിലെ ഏറ്റവും മികച്ചതാണ്​ പുരസ്​കാരത്തിന്​ അർഹമായത്​. വേൾഡ്​ ആർട്ട്​ ദുബൈ എന്ന വിഭാഗത്തിൽ നീലിമ ഒന്നാമ​െതത്തിയപ്പോൾ നിക്കോൺ വിഭാഗത്തിൽ ഷൈജിത്തും നേട്ടം കൊയ്​തു.

തൃശൂർ കുറുക്കഞ്ചേരി സ്വദേശിയായ നീലിമക്ക്​ ഫോ​ട്ടോഗ്രഫിയെന്നാൽ ജീവനാണ്​. നീലിമയുടെ ഭാഷയിൽ പറഞ്ഞാൽ 'ഭ്രാ​ന്ത്​'. കുഞ്ഞുമകൾ ഉറങ്ങിക്കിടക്കുന്ന പുലർച്ചകളിൽ കാമറയുമായി ചുറ്റാനിറങ്ങും. വൈകീട്ട്​ മകളുമൊത്താണ്​ ഷൂട്ടിങ്​. പലപ്പോഴും ചിത്രത്തിന്​ സബ്​ജക്​ടാവുന്നതും അവളായിരിക്കും. രണ്ടുദിവസം കൂടു​േമ്പാഴെങ്കിലും കാമറയുമായി പുറത്തിറങ്ങും. സഹോദരിയെ തന്നെ സബ്​ജക്​ടാക്കി എടുത്ത ചിത്രമാണ്​ വേൾഡ്​ ആർട്ടിൽ ഒന്നാം സ്ഥാനം നേടിയത്​. ജനിച്ചതും വളർന്നതുമെല്ലാം ദുബൈയിലാണെങ്കിലും ആറുവർഷം മുമ്പാണ്​ ഫോ​ട്ടോഗ്രഫി സീരിയസായി എടുത്തുതുടങ്ങിയത്​. നാഷനൽ ജ്യോഗ്രഫിയുടെ മത്സരങ്ങളിൽ ഉൾപ്പെടെ പ​ങ്കെടുത്ത്​ പുരസ്​കാരങ്ങൾ സ്വന്തമാക്കി. ദുബൈ അൽ ബർഷയിൽ ഭർത്താവ്​ മുനീഫിനും മകൾ ഈവക്കും ഒപ്പമാണ്​ താമസം.

കണ്ണൂർ പൊതുവാച്ചേരി അശ്വതി വീട്ടിൽ ഷൈജിത്ത്​ എട്ടുവർഷം മുമ്പാണ്​ കാമറയെടുത്ത്​ തുടങ്ങിയത്​. യു.എ.ഇയിൽ എത്തി​യപ്പോഴാണ്​ ആദ്യമായി കാമറ വാങ്ങിയത്​. ഫോ​ട്ടോഗ്രഫി സീരിയസായി കണ്ടതോടെ അവാർഡുകളും തേടിയെത്തി. നിരവധി ട്രാവൽ ഫോ​ട്ടോഗ്രഫി അവാർഡുകളും സ്വന്തമാക്കിയിട്ടുണ്ട്​. ​പ്രിസം അഡ്വർടൈസി​െൻറ ആർട്ട്​ ഡയറക്​ടറായ ഷൈജിത്ത്​ ഷാർജ അൽനാദയിലാണ്​ കുടുംബവുമൊത്ത്​ താമസം. ഭാര്യ: ഷിബശ്രീ ഡി.എച്ച്​.എയിൽ നഴസാണ്​. ഇഷാനും വിഹാനുമാണ്​ മക്കൾ.