ആ​ഗോ​ള സു​സ്ഥി​ര​ത അം​ഗീ​കാ​രം നേ​ടി ‘സേ​വ’

ഷാ​ർ​ജ: എ​മി​റേ​റ്റി​ലെ ഇ​ല​ക്‌​ട്രി​സി​റ്റി, വാ​ട്ട​ർ ആ​ൻ​ഡ് ഗ്യാ​സ് അ​തോ​റി​റ്റി​ക്ക് (സേ​വ)​ സു​സ്ഥി​ര വി​ക​സ​നം കൈ​വ​രി​ക്കു​ന്ന​തി​നും പ​രി​സ്ഥി​തി സം​ര​ക്ഷി​ക്കു​ന്ന​തി​നു​മു​ള്ള സം​ഭാ​വ​ന​ക​ൾ പ​രി​ഗ​ണി​ച്ച്​ ആ​ഗോ​ള സു​സ്ഥി​ര​ത സ​ർ​ട്ടി​ഫി​ക്ക​റ്റ്. അ​ന്താ​രാ​ഷ്‌​ട്ര ഓ​ർ​ഗ​നൈ​സേ​ഷ​നാ​യ ‘പ്രി​ന്‍റ്​ റി​ലീ​ഫ്​ സ്റ്റാ​ൻ​​ഡേ​ർ​ഡി’​ൽ നി​ന്നാ​ണ്​ ആ​ഗോ​ള അം​ഗീ​കാ​രം ക​ര​സ്ഥ​മാ​ക്കി​യി​രി​ക്കു​ന്ന​ത്.

അ​ച്ച​ടി​ച്ച പേ​പ്പ​റു​ക​ൾ​ക്ക് പ​ക​ര​മാ​യി മ​ര​ങ്ങ​ൾ ന​ട്ടു​പി​ടി​പ്പി​ക്കു​ന്ന ‘പ്രി​ന്‍റ്​ റി​ലീ​ഫ്​ സ്റ്റാ​ൻ​​ഡേ​ർ​ഡി’​ന്‍റെ പ​ദ്ധ​തി​യി​ൽ സേ​വ പ​​ങ്കെ​ടു​ക്കു​ക​യും 2024 ജ​നു​വ​രി ഒ​ന്നു​മു​ത​ൽ മേ​യ് 31വ​രെ 115 മ​ര​ങ്ങ​ൾ ന​ടു​ക​യും ചെ​യ്തി​രു​ന്നു. സെ​റോ​ക്‌​സ് എ​മി​റേ​റ്റ്‌​സി​ന്‍റെ സ​ഹ​ക​ര​ണ​ത്തോ​ടെ ആ​രം​ഭി​ച്ച ഈ ​ആ​ഗോ​ള വ​ന​വ​ത്ക​ര​ണ പ​രി​പാ​ടി​യി​ലെ പ​ങ്കാ​ളി​ത്ത​മാ​ണ്​ അം​ഗീ​കാ​രം നേ​ടി​ക്കൊ​ടു​ത്തി​രി​ക്കു​ന്ന​ത്.

സേ​വ ജ​ന​റ​ൽ ഡി​പ്പാ​ർ​ട്മെ​ന്‍റ് ഓ​ഫ് ഇ​ൻ​സ്റ്റി​റ്റ്യൂ​ഷ​ന​ൽ സ​പ്പോ​ർ​ട്ട് ഡ​യ​റ​ക്ട​ർ മാ​ജി​ദ് ഹു​റൈ​മെ​ൽ അ​ൽ ശം​സി, സെ​റോ​ക്സ് യു.​എ.​ഇ ജ​ന​റ​ൽ മാ​നേ​ജ​ർ മ​ഹ്​​മൂ​ദ് അ​ൽ യ​ഹ്‌​യ​യി​ൽ നി​ന്ന് സ​ർ​ട്ടി​ഫി​ക്ക​റ്റ് ഏ​റ്റു​വാ​ങ്ങി.

പ​രി​സ്ഥി​തി​യെ സം​ര​ക്ഷി​ക്കാ​നും ല​ക്ഷ്യ​ബോ​ധ​മു​ള്ള സം​രം​ഭ​ങ്ങ​ളെ പി​ന്തു​ണ​ക്കാ​നു​മു​ള്ള അ​തോ​റി​റ്റി​യു​ടെ താ​ൽ​പ​ര്യ​മാ​ണ്​ ഒ​രു അ​ന്താ​രാ​ഷ്‌​ട്ര സം​ഘ​ട​ന​യി​ൽ​നി​ന്ന് സ​ർ​ട്ടി​ഫി​ക്ക​റ്റ് നേ​ടു​ന്ന​ത്​ സ്ഥി​രീ​ക​രി​ക്കു​ന്ന​തെ​ന്ന്​ മാ​ജി​ദ് ഹു​റൈ​മെ​ൽ അ​ൽ ശം​സി പ​റ​ഞ്ഞു. സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യു​ടെ കാ​ഴ്ച​പ്പാ​ടി​ന്​ അ​നു​സ​രി​ച്ചാ​ണ്​ പ​രി​സ്ഥി​തി സം​ര​ക്ഷി​ക്കാ​നും സു​സ്ഥി​ര​ത കൈ​വ​രി​ക്കാ​നും ആ​വ​ശ്യ​മാ​യ പ​ദ്ധ​തി​ക​ളി​ൽ പ​​ങ്കെ​ടു​ക്കു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.