വൈ​ദ്യു​തി, ജ​ല, ഗ്യാ​സ്​ ക​ണ​ക്ഷ​ന്​ പ്ര​ത്യേ​കം അ​പേ​ക്ഷ വേ​ണ്ട

ഷാ​ർ​ജ: എ​മി​റേ​റ്റി​ലെ താ​മ​സ​ക്കാ​ർ​ക്ക്​ വൈ​ദ്യു​തി, ജ​ല, ഗ്യാ​സ്​ ക​ണ​ക്ഷ​നാ​യി ഇ​നി പ്ര​ത്യേ​കം അ​പേ​ക്ഷ സ​മ​ർ​പ്പി​ക്കേ​ണ്ടി വ​രി​ല്ല. താ​മ​സ​ക്കാ​ര​ൻ വാ​ട​ക ക​രാ​റി​ൽ ര​ജി​സ്​​​റ്റ​ർ ചെ​യ്യു​ന്ന​തോ​ടെ ഈ ​മൂ​ന്ന്​ സൗ​ക​ര്യ​ങ്ങ​ളും നേ​രി​ട്ട്​ ല​ഭ്യ​മാ​ക്കാ​നു​ള്ള പു​തി​യ സം​യു​ക്ത സം​രം​ഭം പ്ര​ഖ്യാ​പി​ച്ച്​​ ഷാ​ർ​ജ ഇ​ല​ക്​​ട്രി​സി​റ്റി, വാ​ട്ട​ർ ആ​ൻ​ഡ്​ ഗ്യാ​സ്​ അ​തോ​റി​റ്റി (സേ​വ)​യും ഷാ​ർ​ജ മു​നി​സി​പ്പാ​ലി​റ്റി​യും. പു​തി​യ സം​വി​ധാ​നം നി​ല​വി​ൽ വ​രു​ന്ന​തോ​ടെ താ​മ​സ​ക്കാ​ർ​ക്ക്​ വൈ​ദ്യു​തി, ജ​ല, ഗ്യാ​സ്​ ക​ണ​ക്ഷ​നാ​യി വി​വി​ധ സ​ർ​ക്കാ​ർ ഓ​ഫി​സു​ക​ളി​ൽ ക​യ​റി​യി​റ​ങ്ങു​ക​യോ അ​ധി​ക രേ​ഖ​ക​ൾ ശ​രി​യാ​ക്കു​ക​യോ വേ​ണ്ടി​വ​രി​ല്ലെ​ന്ന്​ അ​ധി​കൃ​ത​ർ അ​റി​യി​ച്ചു.

വാ​ട​ക ക​രാ​ർ ഷാ​ർ​ജ മു​നി​സി​പ്പാ​ലി​റ്റി അം​ഗീ​ക​രി​ച്ചു ക​ഴി​ഞ്ഞാ​ൽ വൈ​ദ്യു​തി, ജ​ല, ഗ്യാ​സ്​ ക​ണ​ക്ഷ​ന്​ ആ​വ​ശ്യ​മു​ള്ള തു​ക കാ​ണി​ച്ച്​ കൊ​ണ്ടു​ള്ള താ​മ​സ​ക്കാ​ര​ന്‍റെ മൊ​ബൈ​ലി​ലേ​ക്ക്​ ഒ​രു ടെ​ക്സ്റ്റ്​ മെ​സേ​ജ്​ വ​രും. പ​ണ​മ​ട​ച്ച്​ ക​ഴി​ഞ്ഞാ​ൽ സേ​വ​യു​ടെ മൂ​ന്നു സേ​വ​ന​ങ്ങ​ളും പ്ര​ത്യേ​കം അ​പേ​ക്ഷ സ​മ​ർ​പ്പി​ക്കാ​തെ​ത​ന്നെ താ​മ​സ​ക്കാ​ര​ന്​ ല​ഭ്യ​മാ​കും. എ​മി​റേ​റ്റ്​ ഡി​ജി​റ്റ​ൽ പ​രി​വ​ർ​ത്ത​ന പ​ദ്ധ​തി​ക​ൾ​ക്ക്​ കീ​ഴി​ൽ ആ​രം​ഭി​ച്ച ഈ ​സേ​വ​നം ര​ണ്ട്​ ഡി​പ്പാ​ർ​ട്ട്​​മെ​ന്‍റു​ക​ൾ​ക്കി​ട​യി​ൽ സം​യോ​ജി​ത ഇ-​ലി​ങ്ക്​ സം​വി​ധാ​നം ഉ​പ​യോ​ഗി​ച്ചാ​ണ്​ പ്ര​വ​ർ​ത്തി​ക്കു​ക. നേ​ര​ത്തെ താ​മ​സ​ക്കാ​ര​ന്‍റെ വാ​ട​ക ക​രാ​ർ മു​നി​സി​പ്പാ​ലി​റ്റി അം​ഗീ​ക​രി​ച്ചു ക​ഴി​ഞ്ഞാ​ൽ വൈ​ദ്യു​തി, ജ​ല, ഗ്യാ​സ്​ ക​ണ​ക്ഷ​ന് വേ​ണ്ടി സേ​വ​യി​ൽ പ്ര​ത്യേ​കം അ​പേ​ക്ഷ സ​മ​ർ​പ്പി​ക്കേ​ണ്ടി​യി​രു​ന്നു.

ഇ​തി​നാ​യി മു​നി​സി​പ്പാ​ലി​റ്റി അം​ഗീ​ക​രി​ച്ച ​ക​രാ​ർ രേ​ഖ, എ​മി​റേ​റ്റ്​​സ്​ ഐ.​ഡി, സെ​ക്യൂ​രി​റ്റി ഡെ​പ്പോ​സി​റ്റ്​ അ​ട​ച്ച​തി​ന്‍റെ ര​സീ​ത്​ എ​ന്നി​വ ഹാ​ജ​രാ​ക്കു​ക​യും വേ​ണം. ഒ​ന്നി​ല​ധി​കം ഡി​പ്പാ​ർ​ട്ട്​​മെ​ന്‍റു​ക​ളു​ടെ സ​ഹ​ക​ര​ണം ആ​വ​ശ്യ​മാ​യ​തി​നാ​ൽ ചി​ല സ​മ​യ​ങ്ങ​ളി​ൽ ക​ണ​ക്ഷ​നാ​യി നി​ര​വ​ധി ദി​വ​സ​ങ്ങ​ളെ​ടു​ക്കു​ക​യും ചെ​യ്തി​രു​ന്നു. ഈ ​കാ​ല​താ​മ​സം പു​തി​യ സം​രം​ഭ​ത്തി​ലൂ​ടെ ഇ​ല്ലാ​താ​കും. ഉ​ദ്യോ​ഗ​സ്ഥ ഇ​ട​പെ​ട​ൽ കു​റ​ച്ച് ല​ളി​ത​വും സാ​​ങ്കേ​തി​ക വി​ദ്യ​ക​ളി​ലൂ​ടെ സാ​ധ്യ​മാ​കു​ന്ന സേ​വ​ന​ങ്ങ​ളി​ലൂ​ടെ​യും​ ഉ​പ​ഭോ​ക്​​തൃ സം​തൃ​പ്തി വ​ർ​ധി​പ്പി​ക്കാ​ൻ ല​ക്ഷ്യ​മി​ട്ട യു.​എ.​ഇ​യു​ടെ ന​യ​ത്തി​ന്‍റെ ഭാ​ഗ​മാ​യാ​ണ്​ പു​തി​യ പ​ദ്ധ​തി.