മൃതദേഹം നാട്ടിലേക്ക് അയക്കല്‍: വിമാന നിരക്ക് ഏകീകരിക്കുമെന്ന്​ എയർ ഇന്ത്യ

ദുബൈ: യു.എ.ഇയില്‍ നിന്ന് ഇന്ത്യയിലേക്ക് മൃതദേഹം അയക്കു​േമ്പാൾ തൂക്കം നോക്കി നിരക്ക്​ നിശ്​ചയിക്കുന്ന പതിവ്​ എയർ ഇന്ത്യ അവസാനിപ്പിക്കുന്നു. മൃതദേഹം അയക്കാനുള്ള നിരക്ക് മേഖലകൾ തിരിച്ച്​ ഏകീകരിക്കാനാണ്​ ഉദ്ദേശിക്കുന്നതെന്ന്​​ അധികൃതർ പറഞ്ഞു. ഇതുസംബന്ധിച്ച്​ വിശദീകരണം നടത്താൻ വിളിച്ചുചേർത്ത യോഗം ബി.ജെ.പി. പ്രവർത്തകർ തമ്മിലുണ്ടായ തർക്കത്തെ തുടർന്ന്​ അല​േങ്കാലപ്പെട്ടു. ഇതോടെ എത്രയായിരിക്കും പുതിയ നിരക്കെന്ന്​ പ്രഖ്യാപിക്കാൻ അധികൃതർക്ക്​ കഴിഞ്ഞില്ല. മൃതദേഹം തൂക്കി നോക്കി നിരക്ക് നിശ്ചയിക്കുന്നത് നേരത്തെ, വലിയ പരാതിക്ക്​ വഴി വെച്ചിരുന്നു. മൃതദേഹത്തോട്​ ഇത്തരത്തിൽ അനാദരവ്​ കാണിക്കുന്നത്​ ചൂണ്ടിക്കാട്ടി ഗൾഫ്​ മാധ്യമം പരമ്പരയും പ്രസിദ്ധീകരിച്ചിരുന്നു. 

ഇൗ ദുസ്​ഥിതി മാറ്റാൻ സജീവമായി രംഗത്തുണ്ടായിരുന്ന വിവിധ സംഘടനകളും സാമൂഹ്യ പ്രവര്‍ത്തകരും കേന്ദ്ര സര്‍ക്കാരിന് പലവട്ടം നിവേദനവും നല്‍കിയിരുന്നു. ഇതി​​െൻറയൊക്കെ ഫലമായാണ്​ പുതിയ തീരുമാനം. സാധാരണ നടപടിക്രമങ്ങളുടെ ഭാഗമായി മൃതദേഹം തൂക്കി നോക്കുന്നത്​ തുടരും. എന്നാൽ ​ഇതി​െൻറ അടിസ്​ഥാനത്തിലായിരിക്കില്ല പണം ഇൗടാക്കുന്നത്​. ഇത്​ എത്രയെന്ന്​ ഇപ്പോൾ കൃത്യമായി പറയാനാവില്ലെന്ന്​ അധികൃതർ പറഞ്ഞു. ദക്ഷിണേന്ത്യയിലേക്കും ഉത്തരേന്ത്യയിലേക്കുമുള്ള നിരക്കിൽ വിത്യാസമുണ്ട്​. കൊച്ചു കുട്ടികളുടെ കാര്യത്തിലും വ്യതിയാനം ഉണ്ടായേക്കും. മേഖലകൾ തിരിച്ചുള്ള നിരക്ക്​ വൈകാതെ പുറപ്പെടുവിക്കുമെന്നും അവർ പറഞ്ഞു. 
നിലവില്‍, കൊച്ചിയിലേക്കും കോഴിക്കോട്ടേയ്ക്കും മൃതദേഹത്തിന് വ്യത്യസ്ത നിരക്കാണ് ഈടാക്കിയിരുന്നത്.

ഒരു കിലോയ്ക്ക് 15 ദിര്‍ഹം മുതല്‍ നിരക്ക് ഇൗടാക്കിയിരുന്നു. ഇനി ഈ അവസ്ഥ പൂര്‍ണ്ണമായും ഇല്ലാതാകും. എയര്‍ഇന്ത്യയ്ക്ക്  പിന്നാലെ കൂടുതല്‍ വിമാന കമ്പനികളും ഇതേ പാത പിന്‍തുടരുമെന്നാണ്​ സൂചന. ഇക്കാര്യങ്ങൾ വിശദീകരിക്കാൻ എയർ ഇന്ത്യയുടെ കാർഗ്ഗോ വിഭാഗം കൈകാര്യം ചെയ്യുന്ന അറേബ്യൻ ട്രാവൽസ്‌ വിളിച്ച വിശദീകരണ യോഗമാണ്​ ബഹളത്തിൽ കലാശിച്ചത്​. യോഗത്തിൽ ഇരിക്കുന്നതുമായി ബന്ധപ്പെട്ട് ബി.ജെ.പി അനുകൂല സംഘടനാ നേതാക്കൾ തമ്മിലുള്ള തർക്കത്തെ തുടർന്നാണ് യോഗം അലങ്കോലപ്പെട്ടത്. 
ഒടുവിൽ എയര്‍ ഇന്ത്യ അധികൃതർക്ക്​ യോഗം നിർത്തിവെക്കേണ്ടി വന്നു. ശനിയാഴ്​ച ​രാത്രി 7.30 ന്​ ഖി​സൈസിലെ ഒരു റെസ്​റ്റോറൻറിലായിരുന്നു യോഗം ചേർന്നത്​. അഷ്‌റഫ് താമരശ്ശേരി അടക്കമുള്ള പൊതു പ്രവർത്തകർക്ക് പ്രവേശനം നൽകിയിരുന്നെങ്കിലും രാഷ്​ട്രീയ സംഘടനകൾക്ക് ക്ഷണം ഇല്ലായിരുന്നെന്നാണ്  അധികൃതർ പറയുന്നത്. 

ബി.ജെ.പിയുടെ ഒരു പ്രതിനിധി നേരത്തെ യോഗ വേദിയിൽ സ്ഥാനം പിടിച്ചിരുന്നു. ഇടയ്ക്കു താനാണ് യോഗത്തിൽ പങ്കെടുക്കേണ്ട ഔദ്യോഗിക വ്യക്തിയെന്ന് പറഞ്ഞു മറ്റൊരു ബി.ജെ.പി നേതാവ് കൂടി എത്തിയതോടെ വാക്കേറ്റമായി. ഇരുവരും തമ്മിലെ തർക്കം ​ൈകയ്യാങ്കളിയുടെ​ വക്കിൽ എത്തിയതോടെയാണ്​ യോഗം ഉപേക്ഷിച്ചത്​.