സെ​ൽ​ഫ്​ ഡ്രൈ​വി​ങ്​ ട്രാ​ൻ​സ്​​പോ​ർ​ട്ട്​ കോ​ൺ​ഗ്ര​സ്​ ര​ജി​സ്​​ട്രേ​ഷ​ൻ തു​ട​ങ്ങി

ദു​ബൈ: ഈ ​വ​ർ​ഷം സെ​പ്റ്റം​ബ​റി​ൽ ദു​ബൈ​യി​ൽ ന​ട​ക്കു​ന്ന ‘ദു​ബൈ വേ​ൾ​ഡ്​ കോ​ൺ​ഗ്ര​സ്​ ഫോ​ർ സെ​ൽ​ഫ്​ ഡ്രൈ​വി​ങ്​ ട്രാ​ൻ​സ്​​പോ​ർ​ട്ടി’​ന്​ ര​ജി​സ്‌​ട്രേ​ഷ​ൻ ആ​രം​ഭി​ച്ച​താ​യി ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) അ​റി​യി​ച്ചു.

ദു​ബൈ കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​മ​ന്ത്രി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ നി​ർ​ദേ​ശ പ്ര​കാ​ര​മാ​ണ് സെ​പ്റ്റം​ബ​ർ 24, 25 തീ​യ​തി​ക​ളി​ൽ സ്വ​യം നി​യ​ന്ത്രി​ത ഗ​താ​ഗ​തം സം​ബ​ന്ധി​ച്ച പ​രി​പാ​ടി ന​ട​ത്തു​ന്ന​ത്.

‘റീ​ഡി​ഫൈ​നി​ങ് മൊ​ബി​ലി​റ്റി: ദി ​പാ​ത്ത് ടു ​ഓ​ട്ടോ​ണ​മി’ എ​ന്ന​താ​ണ് ഈ ​വ​ർ​ഷ​ത്തെ കോ​ൺ​ഗ്ര​സ്​ പ്ര​മേ​യം. ദു​ബൈ​യെ ലോ​ക​ത്തെ മു​ൻ​നി​ര സ്വ​യം നി​യ​ന്ത്രി​ത ഗ​താ​ഗ​ത ഹ​ബാ​ക്കി മാ​റ്റാ​നു​ള്ള ദൗ​ത്യ​മാ​ണ് ആ​ർ.​ടി.​എ​യു​ടെ പ​ബ്ലി​ക് ട്രാ​ൻ​സ്പോ​ർ​ട്ട് ഏ​ജ​ൻ​സി​യു​ടെ സി.​ഇ.​ഒ​യും കോ​ൺ​ഗ്ര​സ് ഓ​ർ​ഗ​നൈ​സി​ങ് ക​മ്മി​റ്റി ചെ​യ​ർ​മാ​നു​മാ​യ അ​ഹ്മ​ദ് ബ​ഹ്‌​റോ​സി​യാ​ൻ പ​റ​ഞ്ഞു.

2024ലെ ​ദു​ബൈ വേ​ൾ​ഡ് ചാ​ല​ഞ്ച് ഫോ​ർ സെ​ൽ​ഫ്-​ഡ്രൈ​വി​ങ് ട്രാ​ൻ​സ്‌​പോ​ർ​ട്ടി​ന്‍റെ വി​ജ​യി​ക​ളെ സ​മ്മേ​ള​ന​ത്തി​ൽ പ്ര​ഖ്യാ​പി​ക്കും. വി​ജ​യി​ക്കു​ന്ന ഗ്രൂ​പ്പി​ന് 30 ല​ക്ഷം ഡോ​ള​ർ സ​മ്മാ​ന​മാ​യി ന​ൽ​കും.