നി​രീ​ക്ഷ​ണ കാ​മ​റ​ക​ളു​ടെ വ​ല​യ​ത്തി​ൽ റാ​സ​ല്‍ഖൈ​മ

റാ​സ​ല്‍ഖൈ​മ: എ​മി​റേ​റ്റി​ല്‍ പൊ​തു -സ്വ​കാ​ര്യ സ്ഥാ​പ​ന​ങ്ങ​ളി​ലും ത​ന്ത്ര​പ്ര​ധാ​ന സ്ഥ​ല​ങ്ങ​ളി​ലും സ്ഥാ​പി​ച്ച സു​ര​ക്ഷ കാ​മ​റ​ക​ളു​ടെ എ​ണ്ണം ര​ണ്ട് ല​ക്ഷ​മാ​യ​താ​യി റാ​ക് പൊ​ലീ​സ്. സ്ട്രീ​റ്റ് ഗ്രൂ​പ് ക​മ്പ​നി​യു​ടെ ആ​സ്ഥാ​ന​ത്ത് കാ​മ​റ സ്ഥാ​പി​ച്ച​തോ​ടെ​യാ​ണ്​ നി​രീ​ക്ഷ​ണ കാ​മ​റ​ക​ളു​ടെ എ​ണ്ണം ര​ണ്ട്​ ല​ക്ഷ​ത്തി​ലെ​ത്തി​യ​ത്.

കാ​മ​റ സ്ഥാ​പി​ക്കു​ന്ന ച​ട​ങ്ങി​ൽ റാ​ക് പൊ​ലീ​സ് മേ​ധാ​വി മേ​ജ​ര്‍ ജ​ന​റ​ല്‍ അ​ലി അ​ബ്ദു​ല്ല അ​ല്‍വാ​ന്‍ അ​ല്‍നു​ഐ​മി, ജ​ന​റ​ല്‍ റി​സോ​ഴ്സ് അ​തോ​റി​റ്റി (ജി.​ആ​ര്‍.​എ) ഡ​യ​റ​ക്ട​ര്‍ ബോ​ര്‍ഡ് ചെ​യ​ര്‍മാ​ന്‍ ജ​മാ​ല്‍ അ​ഹ്മ​ദ് അ​ല്‍ത​യ്ര്‍, സ്ട്രീ​റ്റ് വൈ​സ് ചെ​യ​ര്‍മാ​ന്‍ അ​ഹ്മ​ദ് റി​ദ അ​ബ്ദു​ല്‍ അ​സീ​സ്, ആ​ക്ടി​ങ് ഡ​യ​റ​ക്ട​ര്‍ ജ​ന​റ​ല്‍ മൈ​സൂ​ൻ മു​ഹ​മ്മ​ദ് അ​ല്‍ദ​ഹ​ബ്, റാ​കി​സ് ഗ​വ. കോ​ര്‍പ്റേ​റ്റ് ക​മ്യൂ​ണി​ക്കേ​ഷ​ന്‍സ് മേ​ധാ​വി യാ​സി​ര്‍ അ​ബ്ദു​ല്ല അ​ല്‍ അ​ഹ്മ​ദ് തു​ട​ങ്ങി നി​ര​വ​ധി ഉ​ദ്യോ​ഗ​സ്ഥ​ർ സാ​ക്ഷ്യം വ​ഹി​ച്ചു. യു.​എ.​ഇ സു​പ്രീം കൗ​ണ്‍സി​ല്‍ അം​ഗ​വും റാ​സ​ല്‍ഖൈ​മ ഭ​ര​ണാ​ധി​പ​നു​മാ​യ ശൈ​ഖ് സു​ഊ​ദ് ബി​ന്‍ സ​ഖ​ര്‍ ആ​ല്‍ ഖാ​സി​മി 2015ല്‍ ​ആ​ണ്​ നി​രീ​ക്ഷ​ണ കാ​മ​റ സ്ഥാ​പി​ക്കു​ന്ന​തി​നാ​യി ഉ​ത്ത​ര​വി​ട്ട​ത്.

എ​മി​റേ​റ്റി​ലു​ട​നീ​ള​മു​ള്ള കു​റ്റ​കൃ​ത്യ നി​ര​ക്ക് കു​റ​ക്കു​ന്ന​തി​നും വി​പു​ല നി​രീ​ക്ഷ​ണ​ത്തി​നും ആ​ക്ര​മി​ക​ളെ വേ​ഗ​ത്തി​ല്‍ ക​ണ്ടെ​ത്തു​ന്ന​തി​നു​മു​ത​കു​ന്ന നൂ​ത​ന കാ​മ​റ​ക​ളു​ടെ പ്ര​വ​ര്‍ത്ത​ന​ത്തെ അ​ബ്ദു​ല്ല അ​ല്‍നു​ഐ​മി പ്ര​ശം​സി​ച്ചു. ജ​ന​ങ്ങ​ളു​ടെ​യും രാ​ജ്യ​ത്തി​ന്‍റെ​യും സു​ര​ക്ഷ മു​ന്‍നി​ര്‍ത്തി​യു​ള്ള സ​ര്‍ക്കാ​ര്‍ നി​ര്‍ദേ​ശം സ്ഥാ​പ​ന​ങ്ങ​ള്‍ ന​ട​പ്പാ​ക്കു​ന്ന​ത് നേ​ട്ട​മാ​ണെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ട്ടു.

ജി.​ആ​ര്‍.​എ നി​ഷ്ക​ര്‍ഷി​ച്ചി​ട്ടു​ള്ള മാ​ന​ദ​ണ്ഡ​ങ്ങ​ളി​ലാ​ണ് റാ​സ​ല്‍ഖൈ​മ​യി​ല്‍ സി.​സി.​ടി.​വി സം​വി​ധാ​നം ഒ​രു​ക്കു​ന്ന​ത്. ആ​ഭ്യ​ന്ത​ര മ​ന്ത്രാ​ല​യം, സി​വി​ല്‍ ഡി​ഫ​ന്‍സ്, ഫ്രീ​സോ​ണ്‍ അ​തോ​റി​റ്റി, ഇ-​ഗ​വ. അ​തോ​റി​റ്റി, മു​നി​സി​പ്പാ​ലി​റ്റി, വി​ദ്യാ​ഭ്യാ​സ​വ​കു​പ്പ്, മ​ത​കാ​ര്യ​വ​കു​പ്പ്, മാ​രി​ടൈം നാ​വി​ഗേ​ഷ​ന്‍ അ​തോ​റി​റ്റി തു​ട​ങ്ങി​യ​വ​യെ ഉ​ള്‍പ്പെ​ടു​ത്തി രൂ​പ​വ​ത്ക​രി​ച്ചി​ട്ടു​ള്ള​താ​ണ് ജി.​ആ​ര്‍.​എ. ജി.​ആ​ര്‍.​എ ലൈ​സ​ന്‍സു​ള്ള സ്ഥാ​പ​ന​ങ്ങ​ള്‍ വ​ഴി​യാ​ണ് സി.​സി.​ടി.​വി സ്ഥാ​പി​ക്കേ​ണ്ട​ത്. നി​ശ്ചി​ത വി​ദ്യാ​ഭ്യാ​സ യോ​ഗ്യ​ത​യു​ള്ള ടെ​ക്നീ​ഷ്യ​ന്മാ​ര്‍, എ​ന്‍ജി​നീ​യ​ര്‍മാ​ർ എ​ന്നി​വ​ര്‍ ഉ​ള്‍ക്കൊ​ള്ളു​ന്ന സ്ഥാ​പ​ന​ങ്ങ​ള്‍ക്കാ​ണ് റാ​സ​ല്‍ഖൈ​മ​യി​ല്‍ ജി.​ആ​ര്‍.​എ ലൈ​സ​ന്‍സ് അ​നു​വ​ദി​ക്കു​ക.

റാ​ക് പൊ​ലീ​സും ജി.​ആ​ര്‍.​എ​യും ത​മ്മി​ലു​ള്ള സ​ഹ​ക​ര​ണം സു​ര​ക്ഷ പ​ദ്ധ​തി​യു​ടെ ല​ക്ഷ്യ​ങ്ങ​ള്‍ കൈ​വ​രി​ക്കു​ന്ന​തി​ല്‍ പ​ങ്കു​വ​ഹി​ക്കു​ന്ന​താ​യി ജ​മാ​ല്‍ അ​ഹ്മ​ദ് അ​ല്‍ത​യ്ര്‍ പ​റ​ഞ്ഞു.