അബൂദബി പൊലീസ്​ അന്വേഷിക്കുന്നു; ആ പൂച്ചകൾ എങ്ങനെയാണ്​ ​െകാല്ലപ്പെട്ടത്​

അബൂദബി: ലോകത്തെ ഏറ്റവും സുരക്ഷിതമായ നഗരങ്ങളിലൊന്ന്​ സൃഷ്​ടിച്ച അബൂദബി പൊലീസ്​ മനുഷ്യരെ മാത്രമല്ല മൃഗങ്ങ ളെ സംരക്ഷിക്കാനും മുന്നിലാണ്​. കെട്ടിടത്തിന്​ മുകളിൽ നിന്ന്​ വീണ്​ ചത്ത പൂച്ചകളുടെ മരണത്തിന്​ പിന്നിലെ നിഗൂഢ ത അഴിക്കാനുള്ള അന്വേഷണത്തിലാണ്​ ഇപ്പോൾ അവർ. കഴിഞ്ഞ ദിവസമാണ്​ ഒരു പൂച്ചയെയും മൂന്ന്​ കുഞ്ഞുങ്ങളെയും അൽ നജ്​ദയിലെ വഴിയിൽ ചത്ത നിലയിൽ കണ്ടത്​. സമീപത്തെ ഫ്ലാറ്റി​​​െൻറ മൂന്നാം നിലയിൽ നിന്ന്​ വലിച്ചെറിഞ്ഞയായിരുന്നു ഇവയെ. കൂട്ടത്തിലുണ്ടായിരുന്ന അഞ്ചാമത്തെ പൂച്ചക്കുട്ടി പരിക്കുകളോടെ രക്ഷപെട്ടു. വഴിപോക്കർ മൃഗഡോക്​ടറുടെ പക്കലെത്തിച്ച ഇത്​ ഇപ്പോൾ ചികിൽസയിലാണ്​. ഒരു പ​ൂച്ചക്കുട്ടിക്ക്​ ഒരുമാസത്തിൽ താഴെ മാത്രമായിരുന്നു പ്രായം.
മൃഗസംരക്ഷണ രംഗത്ത്​ പ്രവർത്തിക്കുന്ന ‘യാനി’ എന്ന സംഘടന നൽകിയ പരാതിയുടെ അടിസ്​ഥാനത്തിലാണ്​ പൊലീസ്​ അന്വേഷണം തുടങ്ങിയിരിക്കുന്നത്​. നിരവധി ആളുകളെ സാക്ഷിയാക്കിയാണ്​ പൂച്ചകളെ വലിച്ചെറിഞ്ഞത്​. എന്നാൽ ഇതിനുത്തരവാദി താനല്ലെന്നാണ്​ ഫ്ലാറ്റിലെ താമസക്കാര​​​െൻറ നിലപാട്​. ഒാട്ടിസം ബാധിതനായ മകന്​ പറ്റിയ കൈയ്യബദ്ധമാണ്​ ദുരന്തത്തിൽ കലാശിച്ചതെന്ന്​ അദ്ദേഹം പറയുന്നതായി അറബ്​ മാധ്യമങ്ങൾ റിപ്പോർട്ട്​ ചെയ്​തു. മൃഗങ്ങളെ ദ്രോഹിക്കുന്നവർക്ക്​ കടുത്ത ശിക്ഷ നൽകാനുള്ള നിയമം 2016ൽ യു.എ.ഇ. പാസാക്കിയിരുന്നു. ഇതനുസരിച്ച്​ ഒരു വർഷം തടവും രണ്ട്​ ലക്ഷം ദിർഹം പിഴയുമാണ്​ കുറ്റവാളികൾക്ക്​ ലഭിക്കുക.