പ്രവേശന വിലക്ക്​ സ്വദേശി വിദ്യാർഥികൾക്ക്​ മാത്ര​മെന്ന്​ സ്​കൂൾ അധികൃതർ

അബൂദബി: നിലവാരം മോശമായതിനെ തുടർന്ന്​ അബൂദബി വിദ്യാഭ്യാസ സമിതി (അഡെക്​) വിലക്കേർപ്പെടുത്തിയത്​ സ്വദേശി വി​ദ്യാർഥിക​ൾക്ക്​ ​പ്രവേശനം നൽകുന്നതിന്​ മാത്രമാണെന്ന്​ സ്​കൂൾ അധികൃതർ. 
വിലക്കേർപ്പെടുത്തിയതായി വാർത്ത വന്നതിന്​ ശേഷം രക്ഷിതാക്കൾ ആശങ്കയിലാണെന്നും പ്ര​േവശന പ്രക്രിയയെ ഇത്​ വളരെ ദോഷകരമായി ബാധിക്കു​ന്നുവെന്നും സ്​കൂൾ അധികൃതർ പരാതിപ്പെടുന്നു. മൂന്ന്​ വർഷം തുടർച്ചയായി നിലവാരം മോശമായാൽ മാത്രമേ പ്രവേശന വിലക്കുണ്ടാകൂ എന്നും ചില സ്​കൂൾ അധികൃതർ പറയുന്നു. 
തങ്ങൾ ഒരു തവണ മാത്രമേ നിലവാരക്കുറവുള്ള സ്​കൂളുകളുടെ പട്ടികയിൽ വന്നിട്ടുള്ളൂവെന്നും രണ്ട്​ വർഷത്തിനകം നിലവാരം മെച്ചപ്പെടുത്തിയാൽ പ്രവേശന വിലക്ക്​ ബാധകമാകില്ലെന്നും അൽ​െഎനിലെ ഒരു സ്​കൂളി​​​െൻറ അധികൃതർ ‘ഗൾഫ്​ മാധ്യമ’ത്തോട്​ പറഞ്ഞു. അതേസമയം, അഡെക്​ പ്രഖ്യാപിച്ച പ്രവേശന വിലക്കിൽ സ്വദേശി വിദ്യാർഥികളെന്നോ വിദേശി വിദ്യാർഥികളെന്നോ വ്യക്​തമാക്കിയിട്ടില്ല. നിലവാരക്കുറവുള്ള സ്​കൂളുകൾക്ക്​ രണ്ട്​ വർഷം സാവകാശമുള്ളതായും പരാമർശമില്ല. 
അബൂദബി എമിറേറ്റിൽ മൊത്തം 23 സ്​കൂളുകൾക്ക്​ പ്രവേശന വിലക്ക്​ ഏർപ്പെടുത്തിയതായാണ്​ അഡെകി​​​െൻറ അറിയിപ്പ്​. എന്നാൽ, ഇവയിൽ പല സ്​കൂളുകളും അടുത്ത അധ്യയന വർഷത്തേക്ക്​ വിദ്യാർഥികൾക്ക്​ പ്രവേശനം നൽകിയിട്ടുണ്ട്​. 
പ്രവേശന വിലക്ക്​ സംബന്ധിച്ച ഒരു അറിയിപ്പും തങ്ങൾക്ക്​ ലഭിച്ചിട്ടില്ലെന്നാണ്​ സ്​കൂൾ അധികൃതർ പറയുന്നത്​.
വിലക്കേർപ്പെടുത്തിയതായി അഡെക്​ അറിയിച്ച 23 സ്​കൂളുകളിൽ 11 സ്​കൂളുകൾ അൽ​െഎനിലും ഏഴെണ്ണം അബൂദബിയിലും അഞ്ചെണ്ണം ദഫ്​റ മേഖലയിലുമാണ്​.