സ്​കൂൾ തുറക്കൽ: ദുബൈയിൽ ആറു ദിവസത്തിനിടെ നടന്നത്​ 35,000 സൗജന്യ കോവിഡ് പരിശോധന

ദുബൈ: സ്വകാര്യ വിദ്യാലയങ്ങളിലെ അധ്യാപകരടക്കം 35,000 ജീവനക്കാര്‍ക്ക് സൗജന്യ കോവിഡ് പരിശോധന നടത്തിയതായി ദുബൈ ഹെല്‍ത്ത് അതോറിറ്റി (ഡി.എച്ച്.എ) വ്യക്തമാക്കി. പുതിയ അധ്യയന വര്‍ഷം ആരംഭിക്കുന്നതി​െൻറ ഭാഗമായി മുന്‍കരുതലെന്ന നിലയില്‍ കെ.എച്ച്​.ഡി.എയുമായി സഹകരിച്ചാണ് പരിശോധന നടത്തിയത്.

വിദ്യാര്‍ഥികളുടെയും സ്‌കൂള്‍ ജീവനക്കാരുടെയും ആരോഗ്യ സുരക്ഷ ഉറപ്പാക്കുന്നതിന് ദുബൈ സര്‍ക്കാറി​െൻറ നിര്‍ദേശപ്രകാരമാണ് പരിശോധന നടത്തിയത്. ഒമ്പതു​ കേന്ദ്രങ്ങളിലായി ആറു ദിവസം കൊണ്ടായിരുന്നു പരിശോധന. ഫലം 12 മണിക്കൂറിനുള്ളില്‍ തന്നെ നല്‍കിയെന്നും പൊതുജനാരോഗ്യം സംരക്ഷിക്കേണ്ടത്​ തങ്ങളുടെ ഉത്തരവാദിത്തമാണെന്നും ഡി.എച്ച്​.എ അധികൃതർ അറിയിച്ചു.