പു​തു​വ​ർ​ഷം; പു​തു​പാ​ഠ​ങ്ങ​ൾ

അ​ൽ​ഐ​ൻ: യു.​എ.​ഇ​യി​ലെ വി​ദ്യാ​ല​യ​ങ്ങ​ൾ മൂ​ന്നാ​ഴ്ച​ത്തെ ശൈ​ത്യ​കാ​ല അ​വ​ധി​ക്ക് ശേ​ഷം തി​ങ്ക​ളാ​ഴ്ച തു​റ​ക്കും. ഡി​സം​ബ​ർ 10 മു​ത​ലാ​ണ് അ​വ​ധി ആ​രം​ഭി​ച്ച​ത്. ക്രി​സ്മ​സ് ആ​ഘോ​ഷ​ത്തി​നും പു​തു​വ​ർ​ഷാ​ഘോ​ഷ​ത്തി​നും ശേ​ഷം 2203ലെ ​ആ​ദ്യ അ​ധ്യ​യ​ന ദി​ന​ത്തി​ൽ വി​ദ്യാ​ർ​ത്ഥി​ക​ൾ നാ​ളെ വി​ദ്യാ​ല​യ​ങ്ങ​ളി​ൽ എ​ത്തും. ഏ​ഷ്യ​ൻ പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ളി​ൽ അ​വ​സാ​ന പാ​ദ​ത്തി​ന്‍റെ ആ​രം​ഭ​മാ​ണ് നാ​ളെ. ഇ​നി വി​ദ്യാ​ല​യ​ങ്ങ​ളി​ൽ പ​രീ​ക്ഷ​ക​ളു​ടെ​യും പ​ഠ​ന പ്ര​വ​ർ​ത്ത​ന​ങ്ങ​ളു​ടെ​യും കാ​ല​മാ​ണ്. സി.​ബി.​എ​സ്.​ഇ 10, 12 ക്ലാ​സു​ക​ളി​ലെ ബോ​ർ​ഡ് പ​രീ​ക്ഷ​ക​ൾ ഫെ​ബ്രു​വ​രി പ​കു​തി​യോ​ടെ ആ​രം​ഭി​ക്കും. ഇ​തേ ക്ലാ​സു​ക​ളി​ലെ പ്രാ​യോ​ഗി​ക പ​രീ​ക്ഷ​ക​ൾ ജ​നു​വ​രി ര​ണ്ട്​ മു​ത​ൽ തു​ട​ങ്ങു​ന്നു​ണ്ട് . കേ​ര​ള പാ​ഠ്യ​പ​ദ്ധ​തി പി​ന്തു​ട​രു​ന്ന സ്കൂ​ളു​ക​ളി​ൽ മാ​ർ​ച്ചി​ലാ​ണ് 10, 12 ക്ലാ​സു​ക​ളി​ലെ പ​രീ​ക്ഷ. മ​റ്റു ക്ലാ​സു​ക​ളി​ലെ വാ​ർ​ഷി​ക പ​രീ​ക്ഷ​ക​ൾ മാ​ർ​ച്ച് മാ​സ​ത്തി​ലാ​ണ് ന​ട​ക്കു​ക. യു.​എ.​ഇ പാ​ഠ്യ​പ​ദ്ധ​തി​യു​ള്ള വി​ദ്യാ​ല​യ​ങ്ങ​ളി​ലും ഏ​ഷ്യ​ൻ ഇ​ത​ര പാ​ഠ്യ​പ​ദ്ധ​തി​യു​ള്ള വി​ദ്യാ​ല​യ​ങ്ങ​ളി​ലും ര​ണ്ടാം പാ​ദ​ത്തി​ന്‍റെ ആ​രം​ഭ​മാ​ണ് നാ​ളെ.

കോ​വി​ഡ് നി​യ​ന്ത്ര​ണ​ങ്ങ​ൾ പൂ​ർ​ണ​മാ​യും എ​ടു​ത്തു ക​ള​ഞ്ഞ​ശേ​ഷം യു.​എ.​ഇ​യി​ലെ മു​ഴു​വ​ൻ വി​ദ്യാ​ല​യ​ങ്ങ​ളും പൂ​ർ​വ​സ്ഥി​തി​യി​ൽ ന​ട​ന്ന നാ​ല് മാ​സ​ങ്ങ​ളാ​ണ് ക​ഴി​ഞ്ഞ പാ​ദ​ത്തി​ൽ ക​ഴി​ഞ്ഞു​പോ​യ​ത്. പ​ഠ​ന​ത്തോ​ടൊ​പ്പം ക​ലാ​കാ​യി​ക മ​ത്സ​ര​ങ്ങ​ളും വി​നോ​ദ​യാ​ത്ര​ക​ളും പ​ഠ​ന​യാ​ത്ര​ക​ളും ക​ഴി​ഞ്ഞ ശേ​ഷ​മാ​ണ് വി​ദ്യാ​ല​യ​ങ്ങ​ൾ അ​വ​ധി​ക്കാ​യി അ​ട​ച്ച​ത്. ഇ​നി ഏ​ഷ്യ​ൻ പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ൾ വാ​ർ​ഷി​ക പ​രീ​ക്ഷ​ക​ൾ​ക്ക് ശേ​ഷ​വും യു.​എ.​ഇ പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ളും ഏ​ഷ്യ​ൻ ഇ​ത​ര പാ​ഠ്യ​പ​ദ്ധ​തി​യി​ലു​ള്ള വി​ദ്യാ​ല​യ​ങ്ങ​ളും ര​ണ്ടാം പാ​ദ​ത്തി​ന് ശേ​ഷ​വും മാ​ർ​ച്ച് അ​വ​സാ​നം വ​സ​ന്ത​കാ​ല അ​വ​ധി​ക്കാ​യി അ​ട​ക്കും.

ഡി​സം​ബ​ർ തു​ട​ക്ക​ത്തി​ൽ രാ​ജ്യ​ത്തി​ന്‍റെ ദേ​ശീ​യ ദി​നാ​വ​ധി വ​ന്ന​തി​നാ​ൽ വി​ദ്യാ​ർ​ത്ഥി​ക​ൾ​ക്ക് ഒ​രാ​ഴ്ച മാ​ത്ര​മാ​ണ് ക​ഴി​ഞ്ഞ മാ​സം പ്ര​വ​ർ​ത്തി​ദി​ന​ങ്ങ​ളാ​യി ഉ​ണ്ടാ​യി​രു​ന്ന​ത്. അ​തി​നാ​ൽ ത​ന്നെ പ​ല കു​ടും​ബ​ങ്ങ​ളും ഈ ​മാ​സം തു​ട​ക്ക​ത്തി​ൽ ത​ന്നെ നാ​ട്ടി​ലേ​ക്ക് തി​രി​ച്ചി​രു​ന്നു. എ​ല്ലാ അ​വ​ധി​ക്കാ​ല​ത്തേ​യും പോ​ലെ ഉ​യ​ർ​ന്ന വി​മാ​ന നി​ര​ക്കാ​ണ് ഈ ​സ​മ​യ​ത്തും ഈ​ടാ​ക്കി​യി​രു​ന്ന​ത്. അ​തി​നാ​ൽ ത​ന്നെ നാ​ട്ടി​ലേ​ക്കു​ള്ള യാ​ത്ര മാ​റ്റി​വെ​ച്ച പ​ല കു​ടും​ബ​ങ്ങ​ളു​മു​ണ്ട്. യാ​ത്ര​ക്കാ​ർ കു​റ​വാ​യ​തി​നാ​ൽ കേ​ര​ള​ത്തി​ൽ​നി​ന്ന് യു.​എ.​ഇ​യി​ലേ​ക്കു​ള്ള വി​മാ​ന​നി​ര​ക്കി​ൽ കാ​ര്യ​മാ​യി കു​റ​വ് വ​രു​ത്തി​യ​ത് നാ​ട്ടി​ലു​ള്ള പ്ര​വാ​സി​ക​ൾ​ക്ക് ആ​ശ്വാ​സ​മാ​ണ്. ക്രി​സ്മ​സി​നു ശേ​ഷം കേ​ര​ള​ത്തി​ൽ നി​ന്നും യു.​എ.​യി​ലേ​ക്കു​ള്ള വി​മാ​ന​യാ​ത്ര നി​ര​ക്കി​ൽ കാ​ര്യ​മാ​യ കു​റ​വ് വി​മാ​ന ക​മ്പ​നി​ക​ൾ വ​രു​ത്തി​യി​ട്ടു​ണ്ട്. 1500 ദി​ർ​ഹ​മ​യി ഉ​യ​ർ​ത്തി​യി​രു​ന്ന വി​മാ​ന ടി​ക്ക​റ്റു​ക​ൾ​ക്ക് ഡി​സം​ബ​ർ അ​വ​സാ​നം 600 ദി​ർ​ഹം മു​ത​ൽ ടി​ക്ക​റ്റി​ലെ ല​ഭ്യ​മാ​യി​രു​ന്നു. ജ​നു​വ​രി ആ​ദ്യ​ത്തി​ലും വി​മാ​ന​യാ​ത്ര നി​ര​ക്ക് ഇ​നി​യും കു​റ​യാ​നാ​ണ് സാ​ധ്യ​ത​യെ​ന്നാ​ണ് ട്രാ​വ​ൽ ഏ​ജ​ൻ​സി​ക​ൾ പ​റ​യു​ന്ന​ത്.