ദുബൈയിൽ ഇൗ വർഷം  സ്​കൂൾ ഫീസ്​ വർധനയില്ല

ദു​ൈ​ബ: ദുബൈ എമിറേറ്റിലെ സ്വകാര്യ സ്​കൂളുകൾ പുതിയ അക്കാദമിക വർഷം ഫീസ്​ വർധിപ്പിക്കില്ല. ദുബൈ എക്​സിക്യൂട്ടീവ്​ കൗൺസിലി​​​​െൻറ നിർദേശ പ്രകാരമാണ്​ ഫീസ്​ വർധന ഒഴിവാക്കുന്നത്​. 2018-19 അക്കാദമിക വർഷം സ്​കൂൾ ഫീസ്​ വർധനയുണ്ടാകില്ലെന്ന്​ ബുധനാഴ്​ച ദുബൈ കിരീടാവകാശിയും എക്​സിക്യൂട്ടീവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദി​​​​െൻറ അധ്യക്ഷതയിൽ നടന്ന യോഗത്തിൽ ദുബൈ എക്​സിക്യൂട്ടീവ്​ കൗൺസിൽ പ്രഖ്യാപിച്ചു.

2018-19 വർഷത്തിൽ എല്ലാ സ്വകാര്യ സ്​കൂളുകളിലും ട്യൂഷൻ ഫീസ്​ വർധന മരവിപ്പിക്കാൻ ഉത്തരവിട്ടതായി ശൈഖ്​ ഹംദാൻ ബിൻ മുഹമ്മദ്​ ട്വിറ്ററിൽ അറിയിച്ചു. രക്ഷിതാക്കളുടെ സാമ്പത്തികഭാരം കുറക്കാനുള്ള നടപടികളുടെ ഭാഗമായാണ് ഫീസ് വര്‍ധനക്ക് വിലക്ക് ഏര്‍പ്പെടുത്തിയതെന്നും അദ്ദേഹം പറഞ്ഞു.
ദുബൈയിൽ ബിസിനസ്​ ചെയ്യുന്നതിനുള്ള ചെലവ്​ കുറക്കുന്നതിനും നിക്ഷേപകരെ ആകർഷിക്കുന്നതിനും വേണ്ടി സർക്കാർ ഫീസുകൾ കുറക്കാനുള്ള നിർദേശത്തിനും കൗൺസിൽ അംഗീകാരം നൽകി. ഇതോടെ ദുബൈ നഗരസഭ ഇൗടാക്കുന്ന വിപണി ഫീസ്​ അഞ്ച്​ ശതമാനത്തിൽനിന്ന്​ 2.5 ശതമാനമായി കുറയും. വ്യോമയാന വ്യവസായ മേഖലയിലേക്ക്​ 100 കോടിയിലധികം ദിർഹം വിദേശ നിക്ഷേപം ആകർഷിക്കുകയെന്ന ലക്ഷ്യത്തോടെ മേഖലയുമായി ബന്ധപ്പെട്ട 19 ഫീസുകളിലും കുറവ്​ വരുത്തിയിട്ടുണ്ട്​.