സ്​കൂൾ ബസുകളിൽ കൂടുതൽ സുരക്ഷാ ക്രമീകരണങ്ങൾ വരുന്നു

ദുബൈ: ദുബൈയിലെയും വടക്കൻ എമിറേറ്റുകളിലെയും സ്​കൂൾ ബസുകളിൽ കൂടുതൽ സുരക്ഷാ സംവിധാനങ്ങൾ ഏർപ്പെടുത്തുന്നു.
അകത്തു കയറാൻ ​പ്ര​േത്യക കാർഡ്​, സെൻസറുകൾ, അലാറം എന്നിവ ഉൾക്കൊള്ളിക്കാനാണ്​ തീരുമാനം.കുട്ടികൾ അബദ്ധത്തിൽ ഒറ്റപ്പെട്ടു പോകാതിരിക്കാനും ചൂട്​ നിറഞ്ഞിരിക്കെ കുടുങ്ങിപ്പോകാതിരിക്കാനും ലക്ഷ്യമിട്ടാണ്​ ഇവ ഏർപ്പെടുത്തുന്നത്​. മൂന്നു വർഷം മുൻപ്​ ഒരു കുഞ്ഞി​​​െൻറ ജീവൻ ഇത്തരത്തിൽ നഷ്​ടപ്പെട്ടിരുന്നു. 

ആഗസ്​റ്റിനും ഒക്​ടോബറിനും ഇടയിലായി 2345 സ്​കൂൾ ബസുകളിൽ പുതിയ സംവിധാനങ്ങൾ സ്​ഥാപിക്കും. നവംബറിൽ ഇവ പ്രാബല്യത്തിൽ വരും. അബൂദബി ഒഴികെയുള്ള എമിറേറ്റുകളിലെ സർക്കാർ സ്​കൂൾബസുകളിലാണിത്​. രാജ്യത്തെ 786 സ്​കൂളുകളിലെ 2.36 ലക്ഷം കുട്ടികളാണ്​ സ്​കൂൾബസുകളിൽ യാത്ര ചെയ്യുന്നത്​.  സ്​കൂൾബസ്​ ഉപയോഗിക്കുന്ന കുട്ടികളുടെ എണ്ണത്തിൽ വന വർധനയാണുള്ളത്​.  

ബസുകളിൽ സ്​ഥാപിക്കുന്ന ഉപകരണം കയറുകയും ഇറങ്ങുകയും ചെയ്യുന്ന കുട്ടികളുടെ എണ്ണം രേഖപ്പെടുത്തും.ഇവരുടെ എണ്ണത്തിൽ കുറവു കണ്ടാൽ ഉടൻ അലാറം മുഴങ്ങും. ബസിൽ കുട്ടികൾ അബദ്ധത്തിൽ കുടുങ്ങിപ്പോയാൽ പുറത്ത്​ വിവരമറിയിക്കാൻ കഴിയുന്ന സ്​പീക്കറുകളും ഘടിപ്പിക്കും.