സഞ്ചാരികളേ ഇതിലേ...

ദുബൈ:  സുന്ദരമായ യാത്രാലക്ഷ്യങ്ങളിലേക്ക്​ സഞ്ചാര പ്രിയരെ ആനയിക്കാൻ പുത്തൻ ആകർഷണങ്ങളുമായി അറേബ്യൻ ട്രാവൽ മാർക്കറ്റിന്​ കൊടിയേറി. എ.ടി.എമ്മി​​​​െൻറ ഇരുപത്തിയഞ്ചാം പതിപ്പിൽ 150  രാജ്യങ്ങളിൽ നിന്നായി 2500 ലേറെ ടൂറിസം^വ്യോമയാന പ്രദർശകരാണ്​ അണിനിരക്കുന്നത്​. ​തങ്ങളുടെ രാജ്യത്തെ പുത്തൻ വിസ്​മയങ്ങളുടെയും ചെറുചിത്രങ്ങളുമായി ഒാരോ രാജ്യങ്ങളുമെത്തിയ​േപ്പാൾ പൈതൃകത്തിലും ശൈഖ്​ സായിദി​​​​െൻറ പാരമ്പര്യത്തിലും ഉൗറ്റം കൊള്ളുന്ന സ്​റ്റാളുകളാണ്​ ആതിഥേയരായ യു.എ.ഇ ഒരുക്കിയത്​.

ലോകത്തെ ഏറ്റവും കുറഞ്ഞ ചെലവിലുള്ള വിമാന യാത്രയെക്കുറിച്ച്​ മുതൽ ഏറ്റവും ആഡംബരമുള്ള ആകാശയാത്രയും ഹോട്ടൽ മുറികളും നേരിട്ടനുഭവിച്ച്​ അറിയാൻ വരെ വിവിധ രാജ്യങ്ങളുടെ പവലിയനുകൾ സന്ദർശകർക്ക്​ സൗകര്യമൊരുക്കുന്നു. ആഫ്രിക്കൻ നൃത്തവും അറേബ്യൻ സംഗീതവും വർണപ്പകിട്ടാർന്ന മലേഷ്യൻ വസ്​ത്രങ്ങളണിഞ്ഞ കലകാരും വിവിധ രാജ്യങ്ങളുടെ തനതു വിഭവങ്ങളുമെല്ലാമായി ലോകം ഭൂപടം നിവർത്തുകയാണിവിടെ. ദുബൈ ഉപ ഭരണാധികാരി മക്​തൂം ബിൻ മുഹമ്മദ്​ ബിൻ റാശിദ്​ ആൽ മക്​തും എ.ടി.എം ഉദ്​ഘാടനം നിർവഹിച്ചു. 25 വരെ തുടരുന്ന മേളയിൽ 250 കോടി ഡോളറി​​​​െൻറ വ്യാപാര ഉടമ്പടികളാണ്​ പ്രതീക്ഷിക്കുന്നത്​.