ഫുജൈറയിൽ ആക്രമിക്കപ്പെട്ടതിൽ രണ്ട്​ സൗദി കപ്പലുകളും

അബൂദബി: ഫുജൈറയുടെ കിഴക്കൻ തീരത്ത്​ ഒമാൻ ഉൾക്കടലിൽ ആക്രമിക്കപ്പെട്ട നാല്​ കപ്പലുകളിൽ രണ്ടെണ്ണം സൗദിയുടേത്​. ആക്രമണത്തിന്​ വിധേയമായതിൽ രണ്ടെണ്ണം തങ്ങളുടെ എണ്ണക്കപ്പലുകളാണെന്ന്​ സൗദി ഉൗർജ മന്ത്രി ഖാലിദ്​ അൽ ഫലീഹിനെ ഉദ ്ധരിച്ച്​ സൗദി വാർത്താ ഏജൻസി റിപ്പോർട്ട്​ ചെയ്​തു. നാല്​ കപ്പലുകൾ ആക്രമിച്ച്​ അട്ടിമറി ശ്രമം നടത്തിയതായി ഞാ യറാഴ്​ച യു.എ.ഇ വിദേശകാര്യ^അന്താരാഷ്​ട്ര സഹകരണ മന്ത്രാലയം വ്യക്​തമാക്കിയിരുന്നു. എന്നാൽ, ആരാണ്​ അട്ടിമറി ശ്രമത ്തിന്​ പിന്നിലെന്ന്​ വ്യക്​തമായിട്ടില്ല. ഫുജൈറ തുറമുഖത്ത്​ സ്​ഫോടനമുണ്ടായെന്ന വ്യാജ റിപ്പോർട്ട്​ ചില അന് താരാഷ്​ട്ര മാധ്യമങ്ങൾ റിപ്പോർട്ട്​ ചെയ്​ത്​ മണിക്കൂറുകൾക്കകമാണ്​ കപ്പലുകൾ ആക്രമിക്കപ്പെട്ടത്​.

ആക്ര മണം കാരണം ആളപായമോ എണ്ണച്ചോർച്ചയോ ഉണ്ടായിട്ടില്ല. എന്നാൽ, രണ്ട്​ കപ്പലുകൾക്കും വലിയ നാശമുണ്ടായി എന്ന്​ ഖാല ിദ്​ അൽ ഫാലിഹ് പറഞ്ഞു. സൗദിയിലെ ബഹ്​റി കമ്പനിയുടെ വളരെ വലിയ എണ്ണക്കപ്പലുകളാണ്​ തകർന്നതെന്ന്​ ട്രേഡിങ്​^ഷിപ്പിങ്​ സ്രോതസ്സുകളെ ഉദ്ധരിച്ച്​ റോയി​േട്ടഴ്​സ്​ റിപ്പോർട്ട്​ ചെയ്​തിട്ടുണ്ട്​. എന്നാൽ, ബഹ്​റി കമ്പനി ഇക്കാര്യത്തിൽ പ്രതികരിച്ചിട്ടില്ല.

യു.എസ്​-ഇറാൻ സംഘർഷം നിലനിൽക്കുന്ന സാഹചര്യത്തിൽ ഹോർമുസ്​ കടലിടുക്കിന്​ സമീപം നടന്ന അട്ടിമറി ശ്രമത്തെ ആശങ്കയോടെയാണ്​ പശ്ചിമേഷ്യൻ രാജ്യങ്ങൾ കാണുന്നത്​. സംഭവത്തെ തുടർന്ന്​ യു.എസ്​ പുതിയ ജാഗ്രതാനിർദേശം പുറപ്പെടുവിച്ചിട്ടുണ്ട്​. എണ്ണക്കപ്പലുകൾക്ക്​ നേരെ അട്ടിമറി ശ്രമമുണ്ടാകുമെന്ന്​ നേരത്തെ യു.എസ്​ മുന്നറിയിപ്പ്​ നൽകിയിരുന്നു. സംഭവത്തിൽ ഇറാനും ആശങ്ക അറിയിച്ചിട്ടുണ്ട്​. അന്താരാഷ്​ട്ര സമുദ്ര ഗതാഗത സുരക്ഷക്ക്​ തുരങ്കം വെക്കുന്നതാണ്​ ആക്രമണമെന്ന്​ ഇറാൻ വിദേശകാര്യ മന്ത്രാലയ വക്​താവ്​ അബ്ബാസ്​ മൂസവി പറഞ്ഞു. അറബിക്കടൽ തീരത്ത്​ ഹോർമുസ്​ കടലിടുക്കിന്​ സമീപം സ്​ഥിതി ചെയ്യുന്ന യു.എ.ഇയുടെ ഏക തുറമുഖമാണ്​ ഫുജൈറ. ഗൾഫ്​ എണ്ണയുടെ കയറ്റുമതി ഏറ്റവും കൂടുതൽ നടക്കുന്നത്​ ഹോർമുസ്​ കടലിടുക്ക്​ വഴിയാണ്​. യു.എസുമായുള്ള സംഘർഷത്തി​​െൻറ പശ്ചാത്തലത്തിൽ ഹോർമുസ്​ കടലിടുക്ക്​ അടക്കുമെന്ന്​ ഇറാൻ പല തവണ ഭീഷണിപ്പെടുത്തിയിരുന്നു.

ഇറാനും ആറ്​ വൻശക്​തി രാജ്യങ്ങളും തമ്മിലുണ്ടാക്കിയ ആണവകരാർ യു.എസ്​ നിരുപാധികം റദ്ദാക്കിയതിനെതിരെ ഇറാൻ കടുത്ത നിലപാടിലേക്ക്​ നിങ്ങിയതിനെ തുടർന്ന്​ യു.എസ്​ മേഖലയിൽ യുദ്ധക്കപ്പലുകളും വിമാനങ്ങളും വിന്യസിച്ചിട്ടുണ്ട്​. 2018 മേയിലാണ്​ യു.എസ്​ കരാറിൽനിന്ന്​ പിൻവാങ്ങിയത്​. തുടർന്ന്​ കടുത്ത സാമ്പത്തിക ഉപരോധമാണ്​ യു.എസ്​ ഇറാന്​ മേൽ ചുമത്തിയത്​. ആണവകരാർ റദ്ദാക്കിയ സാഹചര്യത്തിൽ യുറേനിയം സമ്പുഷ്​ടീകരണം പുനരാരംഭിക്കുമെന്നാണ്​ ഇറാ​​െൻറ ഭീഷണി.

അറബ്​ ലോകത്ത്​ വ്യാപക പ്രതിഷേധം
അബൂദബി: കപ്പലുകൾക്ക്​ നേരെയുണ്ടായ ആക്രമണത്തെ അറബ്​ രാജ്യങ്ങളും നേതാക്കളും അപലപിച്ചു. യു.എ.ഇയു​െട സമുദ്ര പരിധിയിൽ കപ്പലുകൾക്ക്​ നേരെയുണ്ടായ ആക്രമണത്തെ അപലപിക്കുന്നതായി സൗദി അറേബ്യ, ബഹ്​റൈൻ രാജ്യങ്ങളുടെ വിദേശകാര്യ മന്ത്രാലയങ്ങൾ പ്രസ്​താവനയിൽ അറിയിച്ചു.
മേഖലയിലെ സമുദ്രയാത്ര സുരക്ഷ ഇല്ലാതാക്കാൻ ആസൂത്രണം ചെയ്​ത്​ നടപ്പാക്കിയ ദുരുദ്ദേശ്യ പ്രവൃത്തിയാണ്​ ഇതെന്ന്​ ജി.സി.സി സെക്രട്ടറി ജനറൽ ഡോ. അബ്​ദുല്ലത്തീഫ്​ ബിൻ റാശിദ്​ അൽ സയാനി പറഞ്ഞു.

ക്രിമിനൽ പ്രവൃത്തിയാണ്​ നടന്നതെന്നും മേഖലയിലെ സുരക്ഷിതത്വത്തെ തുരങ്കം വെക്കാനാണ്​ ഇതെന്നും കുവൈത്ത്​ വിദേശകാര്യ മന്ത്രാലയം കുറ്റപ്പെടുത്തി. ഇത്തരം പ്രവൃത്തികൾ തടയുന്നതിന്​ വേഗത്തിലുള്ള അന്താരാഷ്​ട്ര നടപടികൾ വേണമെന്നും കുവൈത്ത്​ ആവശ്യപ്പെട്ടു. സമുദ്ര ഗതാഗതത്തി​​െൻറ സുരക്ഷിതത്വത്തിന്​ ഭീഷണിയായ ഇത്തരം കുറ്റകൃത്യങ്ങളെ രാജ്യം തള്ളുന്നുവെന്ന്​ ജോർദാൻ വിദേശകാര്യ മന്ത്രാലയ വക്​താവ്​ സൂഫിയാൻ അൽ ഖുദാ പറഞ്ഞു. യു.എ.ഇയെ അസ്​ഥിരപ്പെടുത്താൻ ലക്ഷ്യമിട്ടുള്ള പ്രവർത്തനങ്ങൾക്കെതിരെ ആ രാജ്യം നടത്തുന്ന നടപടികൾക്കൊപ്പം ജോർദാൻ നിലയുറപ്പിക്കുന്നുവെന്നും അദ്ദേഹം കൂട്ടി​േച്ചർത്തു.

കപ്പലുകൾക്ക്​ നേരെയുണ്ടായ ആക്രമണം ഭീകര പ്രവർത്തനമാണെന്നും അന്താരാഷ്​ട്ര സുരക്ഷക്കും സമാധാനത്തിനും ഭീഷണിയാണെന്നും അറബ്​ പാർലിമ​െൻറ്​ സ്​​പീക്കർ ഡോ. മിഷാൽ ബിൻ ഫഹ്​മ്​ അൽ സലാമി അഭിപ്രായപ്പെട്ടു. പൗരന്മാരുടെ സുരക്ഷിതത്വം കാത്തുസൂക്ഷിക്കുന്നതിനുള്ള യു.എ.ഇയുടെ എല്ലാ നടപടികൾക്കും അറബ്​ പാർലിമ​െൻറ്​ പിന്തുണ പ്രഖ്യാപിക്കുന്നതായും അദ്ദേഹം പറഞ്ഞു. രാജ്യസുരക്ഷ അസ്​ഥിരപ്പെടുത്താനുള്ള ശ്രമങ്ങളെ തടയുന്നതിൽ യു.എ.ഇക്ക്​ ഇൗജിപ്​ത്​ സർക്കാറും ജനങ്ങളും ​െഎക്യദാർഢ്യം പ്രഖ്യാപിക്കുന്നതായി ഇൗജിപ്​ഷ്യൻ വിദേശകാര്യ മന്ത്രാലയവും പറഞ്ഞു.