സാംസ്​കാരിക പരിപാടികളൊരുക്കാൻ അബൂദബിയിലുണ്ട്​ ഒരു​ അന്താരാഷ്​ട്ര വേദി

അബൂദബി: തലസ്​ഥാന നഗരിയുടെ ഹൃദയഭാഗത്ത്​ മാധ്യമ^സാംസ്​കാരിക പ്രവർത്തകനങ്ങൾക്കും ഒത്തുചേരലുകൾക്കും വേദിയൊരു ക്കാൻ ഫോറിൻ കറസ്​പോണ്ടൻറ്​സ്​ ക്ലബ്​ യു.എ.ഇ സജ്ജമായി. നാഷനൽ മീഡിയാ കൗൺസില​ി​​െൻറ ആഭിമുഖ്യത്തിൽ അബൂദബി ടുഫോ ർ54 മീഡിയാ സോണിലാണ്​ അതി മനോഹരവും അത്യാധുനിക സൗകര്യങ്ങളുള്ള ക്ലബ്​ ഒരുക്കിയിരിക്കുന്നത്​.

നാഷനൽ മീഡിയാ കൗൺസിൽ ചെയർമാനും മന്ത്രിയുമായ ഡോ. സുൽത്താൻ ബിൻ അഹ്​മദ്​ അൽ ജാബർ മീഡിയാ കൗൺസിൽ ഡയറക്​ടർ ജനറൽ മൻസൂർ അൽ മൻസൂരിയുടെയും വിവിധ രാജ്യങ്ങളിൽ നിന്നുള്ള മാധ്യമപ്രവർത്തകരുടെയും എഴുത്തുകാരുടെയും സാന്നിധ്യത്തിൽ രണ്ടു മാസം മുൻപ്​ തുറന്നു ​െകാടുത്ത ക്ലബ്​ രാജ്യത്തെ മാധ്യമ പ്രവർത്തകരുടെ സവിശേഷ ഹബ്ബായി മാറുകയാണ്​.

വിശാലമായ ലോഞ്ച്​, ഒാഡിയോ^വീഡിയോ ഉപകരണങ്ങൾ ഉൾക്കൊള്ളുന്ന കോൺഫറൻസ്​ ഹാൾ, ചെറിയ മീറ്റിങ്​ റൂം, ട്രാൻസിലേഷൻ റൂം, ഇരുന്നു ജോലി ചെയ്യുവാൻ കമ്പ്യൂട്ടറുകളും പ്രിൻറർ സൗകര്യങ്ങളുമെല്ലാം ഉൾക്കൊള്ളുന്ന വർക്​ ഡെസ്​ക്​, യു.എ.ഇയെക്കുറിച്ചുള്ള റഫറൻസിന്​ സഹായമാവുന്ന വിവിധ ഭാഷകളിലെ പുസ്​തകങ്ങളുടെ ശേഖരം എന്നിവ ക്ലബിലുണ്ട്​.
യു.എ.ഇയിൽ പ്രവർത്തിക്കുന്ന സ്വദേശി^വിദേശി മാധ്യമപ്രവർത്തകർക്കാവശ്യമായ സൗകര്യങ്ങൾ ഒരുക്കുകയും സാംസ്​കാരിക^വൈജ്​ഞാനിക പ്രവർത്തനങ്ങൾക്ക്​ പിന്തുണ നൽകുകയുമാണ്​ ക്ലബ്​ കൊണ്ട്​ ലക്ഷ്യമിടുന്നതെന്ന്​ മലയാള അച്ചടി മാധ്യമപ്രവർത്തകരുമായി നടത്തിയ കൂടിക്കാഴ്​ചയിൽ നാഷനൽ മീഡിയാ സപ്പോർട്ട്​ സർവീസ്​ വിഭാഗം എക്​സി. ഡയറക്​ടർ ഡോ. റാഷിദ്​ ഖൽഫാൻ അൽ നു​െഎമി വ്യക്​തമാക്കി.

യു.എ.ഇയുടെ സഹിഷ്​ണുതാ സംസ്​കാരവും നയങ്ങളും പുറംലോകത്തിന്​ പകർന്നു നൽകുന്ന പ്രവർത്തനങ്ങൾക്ക്​ വേണ്ട പിന്തുണകളെല്ലാം ക്ലബ്​ ഒരുക്കി നൽകും.