Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightസൗദി വാതിൽ തുറന്നു :...

സൗദി വാതിൽ തുറന്നു : യു.എ.ഇ പ്രവാസികൾക്ക്​ ആശ്വാസം

text_fields
bookmark_border
സൗദി വാതിൽ തുറന്നു : യു.എ.ഇ പ്രവാസികൾക്ക്​ ആശ്വാസം
cancel

ദുബൈ: യു.എ.ഇ യാത്രക്കാർക്ക്​ ഏർപ്പെടുത്തിയിരുന്ന വിലക്ക്​ സൗദി അറേബ്യ പിൻവലിച്ചത്​ യു.എ.ഇയിലെ പ്രവാസികൾക്ക്​ ആശ്വാസമാകും. ബിസിനസ്​ ആവശ്യങ്ങൾക്കും കുടുംബപരമായ കാര്യങ്ങൾക്കുമായി സൗദിയിലേക്കും തിരിച്ചും യാത്ര ​െചയ്യുന്ന നിരവധി പ്രവാസികളാണ്​ ഇരുരാജ്യങ്ങളിലുമുള്ളത്​.

നാലുമാസം മുമ്പാണ്​ യു.എ.ഇയിൽനിന്നുള്ള യാത്രക്കാർക്ക്​ സൗദി വിലക്കേർപ്പെടുത്തിയത്​. യു.എ.ഇ വഴി സൗദിയിലെത്താൻ ശ്രമിച്ച നിരവധി പേർക്ക്​ തിരിച്ചടിയായിരുന്നു ഈ തീരുമാനം. ഇതോടെ ആയിരക്കണക്കിന്​ പ്രവാസികൾ യു.എ.ഇയിൽ കുടുങ്ങിയിരുന്നു. ഭൂരിപക്ഷം യാത്രക്കാരും നാട്ടിലേക്ക്​ മടങ്ങിപ്പോയി. കുറച്ചുപേർ ഒമാൻ, ബഹ്​റൈൻ, നേപ്പാൾ വഴി ​സൗദിയിലെത്തി. എന്നാൽ, പലരും ഇൗ രാജ്യങ്ങളിലും കുടുങ്ങിയിരുന്നു. യു.എ.ഇയിൽ കുടുങ്ങിയ സന്ദർശക വിസക്കാർക്ക്​ ആശ്വാസമായി രാജ്യം വിസ കാലാവധി സൗജന്യമായി നീട്ടിനൽകി. ​​അപേക്ഷ പോലും ആവശ്യമില്ലാതെയാണ്​ വിസ നീട്ടിനൽകിയത്​.

പലരും വിസ സ്​റ്റാറ്റസ്​ പരിശോധിച്ചപ്പോഴാണ്​ മാർച്ച്​ 31 വരെ യു.എ.ഇയിൽ തങ്ങാൻ അനുമതി ലഭിച്ച വിവരം അറിയുന്നത്​. പ്രവാസി സംഘടനകളുടെ കൈത്താങ്ങിലാണ്​ ഇവർക്ക്​ ഭക്ഷണവും താമസ സൗകര്യവും ഒരുക്കി നൽകിയത്​. ഉടനെയൊന്നും സൗദിയുടെ വാതിലുകൾ തുറക്കാൻ സാധ്യതയില്ലെന്നറിഞ്ഞതോടെയാണ്​ ഇവർ മടങ്ങിയത്​. ഹോട്ടൽ പാക്കേജ്​ ഉൾപ്പെടെ ലക്ഷം രൂപ മുടക്കിയാണ്​ ഇവിടെ എത്തിയത്​.

അതിർത്തി തുറന്നെങ്കിലും ഇന്ത്യക്കാർക്ക്​ പൂർണമായും ആശ്വസിക്കാൻ സമയമായിട്ടില്ല. നിലവിൽ ഇന്ത്യൻ യാത്രക്കാർക്ക്​ യു.എ.ഇയിലേക്ക്​ യാത്രാവിലക്കുണ്ട്​. അതിനാൽ, നിലവിൽ ഇന്ത്യയിലുള്ളവർക്ക്​ യു.എ.ഇ വഴി സൗദിയിലേക്ക് പോകാൻ കഴിയില്ല.

ജൂൺ 14ഓടെ വിലക്ക്​ നീക്കാൻ സാധ്യതയുണ്ടെന്ന്​ ഇന്ത്യയിലെ യു.എ.ഇ അംബാസഡർ അഹ്​മദ്​ അൽ ബന്ന പറഞ്ഞിരുന്നു. ഇതിലാണ്​ ഇന്ത്യക്കാരുടെ പ്രതീക്ഷ. യു.എ.ഇയിലേക്ക്​ യാ​ത്രാവിലക്കില്ലാത്ത രാജ്യങ്ങൾ വഴി ഇവിടെ എത്തിയശേഷം സൗദിയിലേക്ക്​ പോകുന്നതിനെ കുറിച്ചും പലരും ആലോചിക്കുന്നുണ്ട്​. എന്നാൽ, ഇരു രാജ്യങ്ങളിലുമായി 28 ദിവസത്തെ ക്വാറൻറീന്​ ശേഷമേ സൗദിയിലെത്താൻ കഴിയൂ.

അതേസമയം, യു.എ.ഇയിലെയും സൗദിയിലെയും ബിസിനസുകാർക്ക്​ ഏറെ ആശ്വാസമാണ്​ തീരുമാനം.നാലുമാസമായി റോഡ്​ മാർഗം പോലും യാത്ര ചെയ്യാൻ കഴിയാത്ത അവസ്​ഥയിലായിരുന്നു. ആഴ്​ചയിലൊരിക്കൽ സൗദിയിൽ പോയിവരുന്ന സംരംഭകർ യു.എ.ഇയിലുണ്ട്​.

മാത്രമല്ല, പലരുടെയും കുടുംബങ്ങളും ഇരുരാജ്യങ്ങളിലുമായി താമസിക്കുന്നുണ്ട്​. അവധിക്കാലത്ത്​ ഇവരുടെ അടുക്കലെത്താൻ കഴിയാത്ത അവസ്​ഥയുമുണ്ടായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:SaudiUAE expats
News Summary - Saudi opens doors: relief for UAE expats
Next Story