ദർശന സാംസ്കാരിക വേദി 'സംഗീത രാവ് 2022'

അബൂദബി: ദർശന സാംസ്കാരിക വേദി അബൂദബി 'സംഗീത രാവ് 2022'എന്ന പേരിൽ പരിപാടി സംഘടിപ്പിച്ചു. അബൂദബി മലയാളി സമാജത്തിലാണ് പരിപാടി. ദർശന പ്രസിഡന്‍റ്‌ നസിർ പെരുമ്പാവൂർ അധ്യക്ഷത വഹിച്ചു. ഡോ. ധനലക്ഷ്മി ഉദ്ഘാടനം ചെയ്തു.

അബൂദബി മലയാളി സമാജം പ്രസിഡന്‍റ് സലിം ചിറക്കൽ, കോർഡിനേഷൻ ചെയർമാൻ യേശു ശീലൻ, കണ്ണൂർ ഷെരിഫ്, ലുലു അഷ്‌റഫ്‌, ഡോ. ജസ്ലിൻ എന്നിവർ സംസാരിച്ചു. കണ്ണൂർ ഷെരിഫിനോടൊപ്പം അബൂദബിയിലെ കലാകൂട്ടായ്മയായ ഇശൽ ബാൻഡ് അബൂദബിയിലെ കലാകാരന്മാർ അണിനിരന്ന സംഗീത വിരുന്നും അരങ്ങേറി.

തരംഗ് മ്യൂസിക് ഷാബിയയിലെ കുട്ടികളുടെ ഡാൻസും നടന്നു. ജനറൽ സെക്രട്ടറി സുനിൽ ഷൊർണൂർ, ബിജു വാര്യർ, റഫീഖ് ഹൈദ്രോസ്, ഷഫീൽ കണ്ണൂർ തുടങ്ങിയവർ നേതൃത്വം നൽകി.